البال سجن الهم.. و الصبر حرًاس

بسم الله الرحمن الرحيم


البال سجن الهم.. و الصبر حرًاس
واليوم مثل الأمس.. والأمس قاسي
أصبح على هوجاس..وامسي بهوجاس
رآسي وما ادراك باللي في راسي!
اليآس طاغي والامل!! ضاع فالياس
هذا وانا اللي ميزتي قو .. باسي.
جالس في وسط الناس.. ماني مع الناس
ربعي و ناسي كنهم غير ناسي
يا وجد حالي كل ما هب نسناس
ابحر مع اهجوسٍ بليا مراسي
مع كل هبًه.. يبتدي حبس الانفاس
واعقد حجاجي والخفوق امتناسي
اللي وهبته حب..وافراح..و ألماس
واسقيه كاسي وقت ذروة يباسي
كنت آتنومس في محبته نوماس
وكان الوحيد اللي بقلبي اساسي
شخصٍ حسبته صافي القلب حساس
وظنيت قلبي طاح فيه امتواسي
واثري انا واحلامي البيض يئًاس
غدره!! غرف قلبي.. و موًت حماسي
يا هم عينٍ ما لفى حولها نعاس
دقات قلبي حارمتني نعاسي
مغبون.. غبن اكليب من غدر جساس
و ازريت اكون ابرد فعلي سياسي
ماهيب والله خفة القلب و الراس
ثقلي.. يحطم كل رقمٍ قياسي
لكن انا ما نيب واحد من الناس
وهذا ماهو قدري ولا هو مقاسي
واسمي اذا حطوه من بين الاقواس
ما هو ترى من صورتي او لباسي
باقواس لاني بالشعر طير قرناس
ويطيب شعري من بعض طيب رآسي
و كاني انا اخطيت و امًنت (جسًاس)..
مليون (زيرٍ) بين ربعي و ناسي...


للشاعر سطام الشلفان


من انتقائي لكم

نجم ضاوي ,أحلام منسية ,سلطان زمانه ,واثـــ الخطوة ـــــق معجبون بهذا