ننتظر تسجيلك هـنـا


جديد المواضيع



مقتطفات عآمة بحر الموضيع العامة

إضافة رد
 
أدوات الموضوع انواع عرض الموضوع
#1  
قديم 09-16-2017, 07:07 PM
أحلام منسية غير متواجد حالياً
Saudi Arabia     Female
اوسمتي
وسام المشرفة المتميزة 
لوني المفضل Black
 رقم العضوية : 766
 تاريخ التسجيل : Jun 2017
 فترة الأقامة : 2465 يوم
 أخر زيارة : 04-25-2020 (04:51 AM)
 الإقامة : داخل القلوب الطيبة
 المشاركات : 149,568 [ + ]
 التقييم : 588940
 معدل التقييم : أحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond repute
بيانات اضافيه [ + ]

اوسمتي

Icon16 ديوان صانع الكلمة ( الشاعر احمد الصانع )



أحمد محمد الصانع
شاعر كويتي احد ابرز الشعراء الشباب
له تجارب عديدة في القصائد النبطية و الغنائية
أقام بعض الأمسيات والأصبوحات الشعرية
كانت بدايته من خلال المنتديات الأدبية
اعاد نحت ملامح الجمال في قصائد الساحة
الشعبية كتب العديد من النصوص الشعرية
المزخرفة وترك لها السيطرة في احتلال عقول
متابعي الشعر فلا تكاد تخلو ذاكرة شعرية
حفظها لبيت من ابيات شعره فإحساسه الصادق
وشتاته المنثور على الورق لم يكتب لهما
الا ان يتعديا افاق الروعة ليحصد لصاحبها
لقب
صانع الشعر
ولقـب أيضا
مهندس الحرف
و
صانع الكلمة
اروع الالحان اروع الاحساس شاعرنا تميز
برقة احساسه وروعة تعبيره
يسرني ان اقدم لكم اروع و اجمل مجموعة
القصائد جمعتها لكم من تنسيقي
قصائد المبدع الشاعرأحمد الصانع



 توقيع :





آخر تعديل أحلام منسية يوم 09-16-2017 في 09:56 PM.
رد مع اقتباس
قديم 09-16-2017, 07:37 PM   #2


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي




في سما حُبك سدَم
في وسط قلبي سفينه وفي سما حُبك سدَم
تشتهي بحرك وتجري عكس شهوتها الرياح
كن هذا الصبح بـ العتمه بليّاك إنردَم
يا صباح الخير من غيرك بلا خير الصباح
أثر ثلج فراقنا يلسَع وشوقك ما خِدَم
توّي أفهم :شنهو تعني لسعة الثلج لـ فلاح
لا تحارب ما أبيك تعض إبهامك نِدَم
جيت لك قصدي إنت فاهم شوووف ما أحمل سلاح
الزعل : غلطة حبايب قلب من قلب إنصِدَم
والرضى ساكت ، وعزة نفس تتثاقل سماح
ياحبيب الجرح شوف إحساس محبوبك عَدَم
ما يحس القلب في جرحك وهو كله جراح
كان في وجهك بقى لك دمعتين ، وفيه دَم ؟
هذي هُدنه نتّفق ب شروط وننساه اللي راح
يا أجي أرضك وأترك فيها لي بصمة قدَم
أو أصد وأكتب عليها : أرض مافيها صلاح
يا أعيش بـ وسط قلبك ونبني كل شي إنهِدَم
وإلا قدامك أموت وأوقف ب وجه الرماح
إعتبر نفسك معزّب و المشاعر لك : خَدَم
وإنت كيفك دام قلبي أرض منزوعة سلاح
قصيدة المدينة
ما تغيَّر شي .. لكن .. صار فاضي هالمكـان
يعني إنتَ شفت قلبي ! طحت مِنْ عيني وعينـه
كان لك قلبي مدينه ولاحظ إني قلت كان
يعني إنتَ الحين واحد "خارج حـدود المدينة
ليه مستغرب كلامي وليـه أعطيـك الأمـان ؟
وليه تَكْذِب في كلامك العـذر وينـك ووينـه ؟
ما ألومك كان قلبـك ثـارت أمواجـه وخـان
الخطــا منَّي لأني صرت فـي بحـرك سفينـه
والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟
جرحي ما يرضيه قلبك لو يجـي كلِّـه حنـان
ولو تبــوس الجرح فيني ولـو تقبلهـا إيدينـه
يُوم أحبك قلت كلمه " يكرَم المرء أو يُهان
وإنتَ قلبي ما كرمته وما قدرت إنِّـك تهينـه
طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بفراقـك يعينـه
تدري لما قلت أحبك قلت وما عنـدي ضمـان
وإختياري كان خاطىء! تجربه بالحيـل شينـه
كنت تخطي وكنت أسامح مرَّه مرتين وثمـان
أدمح الزله عشانك وأكتـم أنفـاس الغبينـه
كنت أحبك وكنت أعزك والغلا فينـي جبـان
اخاف تزعل لو ألومك ضعت ما بينـك وبينـه
في عيون الناس عادي بس في عيني جنـان
وكان قلبي من يشوفك تفضحه نظـرة حنينـه
ماني أوَّل من يحب ومنتَ آخر شخص خـان
المحبه في زمانك بحـــرها من غيـر مينـه
الفشل .. كان النتيجه وأعتقـد آن الأوان
ببني مستقبل حياتي وأنسى قصتنـا الحزينـه
وخطوتي الأولى غيابك وراح أطبقها عشـان
ويبكي قلبك لا فقدني والندم .. يملـي سنينـه
جاي تسأل عن مكانك !! هو بقى فيني مكان ؟
الله يرحمها المشاعر اللي كانت لـك... رهينـه
قلت لك قلبي " مدينـه " فيها لك حشمه وشان
لكن إنتَ الحين أغرب شخص في هذي المدينه
قصيدة القضية
مغفره وذنوب , والساعه بلا تُوبَـه تدور
السنه صَارتْ سَريعه حِيلْ , وأحْسِبْهَا شهر
عِذتْ أنا مِنْ شَرْ خَناسٍ يوسْوسْ بالصدور
وما بكيت إلا لوجــه اللــه في ليلة قدر
تِختصر مَعنى حياتِكْ كيف تبني لِكْ قصور!
أحْتِــــرم رايك وهذي تُعتبَــر ( وجهَــة نظر ) !
زين طيِّب .. دام تِدري إنَّ لِكْ رَبٌ غفور
ليه ما صَلِّيتْ لَجله وما رفعت إيدك شكر!؟
حَدِّث العاقِلْ بمَا يُعقَل ..وفي قلبٍ جَسُور
وإنْ خطيت بحق غيرك روح قدِّم له عذر
رافِقْ الشخص المِثالي اللَّي لو تخطي / يثور
وإن سِمَعت إسْمَعْ مِنْ اللِّي تِلقى في صَمته " دُرر "
وقبل تِسأل عَنْ حياتي وكِيف وجهي شَع نور
خلْ كلامي لِكْ وصيَّه وخلْ بعد عِندكْ خبر
ما نالْ في الدنيا أحَدْ يا سَائلي غير (الصبور)
والدليل إنِّـي صِبرتْ .. وكانت أيامــي تمر
لا تقول: الحَلْ إنِّكْ تِلقَى لِكْ,عاشِقْ غَيور
إنْ حَبِّتِكْ عِينه ترى ما حَبِّتِكْ عِين الدهر !!
مِثلِكْ أوَّلْ كان حَالي وضِيقتي ونفس الشعور
كِنت أقول: شمعنى قلبي في مشاريعَه خسر
ما دريت إنَّ الغِيابْ أحيَان أفضَلْ .. مِنْ حضور
لِين شِفت " الشمس " تشرق بعد ما يغيب القمر
وما دريت إنَّ التواضُع كنز / ومَكرُوه الغرور
لِين شِفت إنَّ الغِنى .. في الآخِرَه مِثل الفقر !!
كِنتْ غـافِلْ في حياتي وكِنتْ أجْهَلْهَا الأمور
لِينْ ربِّي له هدَاني .. وصِرتْ أدَوِّر لِي أجر
لا تقول: أعيش يُومي دامي في عمر الزهور
منت ضامِنْ عُمركْ الباقي .. وقَطَّافْ الزهَر
قبل لا تبدي الخطِيئه وتبْنِي لِذنوبك جسور
خافْ مِنْ ربِّكْ وفكِّـر في وعَد يُوم الحشر
مَهْمَا كِنت إنسَان " راقي " وتعشِق أنواع البخور
التراب اللَّي يضمك بعد مُوتك والقبر !!
ياما قالوا الناس : خائف وقلت : ما فيني قصور
بَسْ شِفتْ إنَّ الشجاعة مَعنى ثاني للخطر
إيهـ خافْ وكُونْ سَالِم دام هالدنيا بحور !
والبحر مَهْمَا وفالِكْ طبعَـه ( غدار ) البحر
وللشجر إن شفت هامه هذا مِنْ طيب الجذور
يعني أعمالك جذورك هذي هـي بالمختصر
القضية ما هِـي شخصٍ خالِفَـه شِرطي المرور
البشر في الدنيا هذي صَار , ياكِلْهَا بشر


 

التعديل الأخير تم بواسطة أحلام منسية ; 09-16-2017 الساعة 09:57 PM

رد مع اقتباس
قديم 09-16-2017, 08:10 PM   #3


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي




حيل أنا تعبان
تصدق حيل أنا تعبان ولكن ماأبيِّنلك
أبيك تحس من كيفك أنا مابي ألمِّحلك
ترا المفروض تتكلَّم ؟عن اللي فيني تسألني
إذا إنت إنسان ماتفهم شسوي فيك علمني ؟
بديت أخاف أنا منك أحس إنك سهل تنسى
شقول أكثر بعد عنك وإنت من الصخر اقسى
أنا غصبٍ علي عايش غصب متحمِّل طعونك
يجيني سهمك الطايش و أضمه ل خاطر عيونك
قصيدة قومي نامي
قومي : نامي
لي متى ! تقري | كلامي ؟؟
ماتعبتي من " السهر " ؟!
ي الله
قدامي
وإلا ( لأ )
ما أبي – قدامي !
أبيك { تتغطي } ب جفني
و / ب عيوني . . . تنامي
كل شي " فيني " , يهمك
أدري
ودك كل لحظه اكون يمك
ي إللي إسمك
غير .. عن كل - الأسامي
تاخذين ( القلب ) مني و تاخذيني
وإنت فيني
شلون لو ودي / ألمك ؟؟
قومي نامي ......... إسمعيني
مايطوفك " شي " لا نمتي ب :: عيني
من متى ؟ وعيوني عنك .. صايمه
من متى ؟ وإنت ( تبين ) و ما تجيني !!
يا " حمامة بيت " فيني , حايمه
أفقدك ... دايم ... وأدري تفقديني
صرت أحس . . . إنك مشاعر دايمه
مهما غبتي ب المسافه ؟؟ تسكنيني
لو تجين أجوائي ؟؟ صارت غايمه
تجمعين إحساسي فيك و تمطريني
إحلمي ب الحب . . . طفله هايمه
و إن صحيتي تسبحي ب دموع عيني
موتي فيني .. دام عشتي ! ضايمه
وعيشي عمرك يا حياة . القلب فيني
ي الله نامي .... . لك عيوني عايمه
إنعمت عن شوف غيرك صدقيني
راح أغمض طول منتي ... نايمه
والسهر موضوع بين العين و بيني
ياصباح الخير و إنت.... قائمه
هو صباحك ليه يفرق ؟ علميني
يا بعد قلبي و كل من لا يمه
تصبحين بخير و أكثر تعشقيني
النوم ميت عليك و ماخذا ديه
و أحلامك ليا سهرتي تكون ولهانه
وجهك مثل عيد و البسمات عيديه
فديت نظرة عيونك و إنت نعسانه
أقول عاديه لكن منتي : عاديه
ملاك نازل علي في صورة إنسانه
نامي وتشوفين أحلى أحلام ورديه
النوم سلطان و إنت ؟ بنت سلطانه
قصيدة معجزه
ما هي .. قصة حب وإلا ذكريات
لل مشاعر ( جيش ) .. وقلبي مركزه
صرتي لي خامس جهه لأربع جهات
وصورتك في وسط عيني مبروزه
كن ربي .. ما خلق غيرك بنات
إن طروا غيرك أحس ب " نرفزه "
وكنك إنتي جامعه .. كل الصفات
الحلا والزين وعين ....مطرزه
جاك قلبي وصرت عاشق تضحيات
و الهدف من شان " عينك " أحرزه
إن خلطتي الماي في سكر نبات
وقلتي : " أحمد " إفرزه !! راح أفرزه
في كلامك , يستلج فيني السكات
ومن جهل طبعك يظنك ( مخرزه )
واثق الخطوه .. وأمشي في ثبات
ويوم شفتك الخطاوي مهزهزه
مو ب كيفي هي كذا والله جات
قلبي كرسي " صعب " غيرك يحجزه
عيشتي دونك يساويها .الممات !!
وإنتي عيشي .. في حياتي " معززه "
يعني قبلك .. كنت أنا , كلي شتات
وصرت أجمعلك شتاتي وأكنزه ..!
وشي طبيعي .. لو يغارون البنات
للجمال أخبار .. وإنتي " موجزه "
ومن يشوفك .. اللي يتكلم لغات
قام يخربط وال ( إذا ) صارت ( إزه )
والثقيل اللي يسولف في سكات
من يشوفك عاش حالة / لعوزه
ولو تبوسي إنسان له أيام مات
قام يركض !! حس قلبه ينغزهحجد\
وقلبي اللي نام في عز وسبات
غيرك إنتي .. ما أظن ( يفززه )
واللي قالوا لما جت : " الحلوه جات
جنبك إنتي ..؟ صارت أكبر مطنزه
لا تغاري .. من كلام المعجبات
ماني مثل اللي .. يحب الرزرزه
ياما قالوا ( الحب ) يصنع معجزات
وإنتي حبك في حياتي معجزه


 

التعديل الأخير تم بواسطة أحلام منسية ; 09-18-2017 الساعة 03:57 PM

رد مع اقتباس
قديم 09-16-2017, 08:56 PM   #4


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي





قصيدة خيانة ملك
قبل أبتدي عندي طلب
ركز طلب ما هو رجاء
ما أبي تجاوبني
ولا تستغرب إني أسألك
لا تنصدم من عزلتي
حالي كما : أبو العلاء
عندي سبب : ما تستحق
إني أجيك و أوصلك
لا تعتبر جمر الحكي
من شاعرك يعني هجاء
لو كنت بهجي حضرتك
ما خفت منك قلت لك
هذي القصيده صنفة
في دفتري قصة رثاء
حب يموت وتنولد
وحب يعيش ويقتلك
ناديت لك ياما ..
ولا لبيت لي وضاع النداء
إنبح صوتي والصدى
من كثر ما ناديت لك
أقرب من ثيابي علي وأبعد
من نجوم السماء
ورغم إبتعادك والتعب
أرسم طموح وأمهلك
ما كنت لي الداء وأنا ما كنت
ل جروحك دواء
ما عشت في دنياي لي عايش
ولكن عشت لك
علمتك القلب الوفي
ما يخذلك فيه إنتماء
وعلمتني كيف العشم
في من تحبه يخذلك
علمتك إن أصل الهوى
يرجع ل كلمة إحتواء
وعلمتني إن الهوى
ما عاش يوم ب داخلك
علمتك إني لك بحر مده
وجزره لك وفاء
وعلمتني كيف أنصدم
وأغرق أنا في ساحلك
ما تستحي ودامك كذا ؟
إفعل حبيبي ما تشاء
توي عرفت إني كثر
ما أعرفك كنت أجهلك
ما كان قلبي بس لك ؟
يا لاعب أدوار الدهاء
وما كنت لك أقرب
من أنفاسك وأقرب من هلك
ما عاد تفرق غيبتك
أو رجعتك .. عندي سواء
كنت إهتمامي ورغبتي
والحين دوري أهملك
لا صار قلبي لك وطن
أبسألك وين الولاء
وشلون حال المملكة
دام الخيانه من ملك
إن كنت جاهل لعبتك
قلبي وما فيها ذكاء
حتى الطفل إن جبت له
لعبه ولاءه صار لك
قبل أنتهي عندي أمر
ما هو طلب وإلا رجاء
لا يشغلك ماضي إنتهى
ركز على مستقبلك
قصيدة ممنوع
تعال دامه صعب قربك دخيلك
وإلا السهل من حضرة الحب ما أبيه
أقول أبيك وقلت ممنوع أجي لك
ما تدري كل ممنوع لي رغبة فيه
ممنوع أحب غيرك لأن الحقيقه ؟
مافيه أحد يسوى يجي في مكانك
ممنوع أنام إلا ب هذي الطريقة
أنام أنا وياك .. و أحضن حنانك
ممنوع أنا أنساك لو في – دقيقة
لازم أفكر فيك و أعز شانك
ممنوع أسمع صوت كل الخليقة
ويا زين كل كلمه تجي من لسانك
ممنوع أحس إن كنت وياي ضيقه
ياللي خدمك الحظ فيني و عانك
ممنوع أقول : القلب شي يعيقه
قهوة ظروفي .. حلها زعفرانك
ممنوع أقول إن الزمن ما أطيقه
لأنه زماني صار صدفه زمانك
قلبي ذهب خالص وحبك بريقه
وكل ما أسوي في حياتي عشانك
دام المشاعر يا حبيبي رقيقه ؟
و القلب خان أحبابه اليوم بل صانك
بردان ؟؟ شب إحساس " قلبي " حريقه
إدفا عسى تكسب ( دفاك , و رهانك )
" سيفك " إذا خان الرفيق ب رفيقه
يعني أشيلك , لو تعثر .. حصانك .. .
لو خان { كل } معشوق مره عشيقه ؟
مايخون قلبي لو خطا الكل و خانك ! :
دام " القوافي " في بحورك ../ غريقه
( شاعرك ) يبدع و إنت إطلق عنانك
ب أكتب قصيدي فيك وهذي الحقيقه
ياللي تهز أبيات شعري .. كيانك
مسموح كل إنسان يقرا المعاني
لكن شعور القلب يا ناس محفوظ
ما قلت من ( حظه ) لأنه لقاني
أقول أنا من يوم ألاقيه : محظوظ



 

التعديل الأخير تم بواسطة أحلام منسية ; 09-16-2017 الساعة 10:00 PM

رد مع اقتباس
قديم 09-16-2017, 09:34 PM   #5


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي



قصيدة جديده لعبتك
جديده لعبتك هذي
رجُوعك ليه أبي أفهم ؟
ترى ما جيت في وقتِك
أنا مُو حاسِب حسابك
نسيتك أو تناسيتك
دخيل الله لا تهتم
وأبشرك وجه أحزاني
ضحك لي وإنقفل بابك
وبسيطه جات مِن صالح
حياتي طعنتك للعلم
قريتك وإستفد قلبي
مِن المضمون بكتابك
تَعَلَّم قلبي مِنْ إيدك
على كِل ما مضى يندم
زرعتِك شُوق أتحرى
حضورك وأثمر غيابك
تِحَمَّلتِك ولكنه
جُبرني الجرح : أتكلم
خيانه شِفتها مِنِّك
عِطِرهَا تارس ثيابك
بنيتِك حُب في قلبي
وإنتَ حضرتِك تهدم
كرهتِك حيل صدقني
وكِل هذا مِن أسبابك
تقول : آسف ؟ يا خلف الله
بقى ب وجه التسامح دم
أسامح كِل شي إلا الخيانه
ونشوة إعجابك
أنا يا لِكْ أجي واحد
يساوي في عيونك كم
وإلا ما أجي عندك
وأغيِّر ناتِج أحبابك
تجيني والندم واضح
ولا أقدر أقولك : سم
لأن الجرح من شافك
تضايق قال : وش جابك
وإذا تحسبني برجع لِك
بلاش تفكِّر وتحلم
لأني مُو مثل أوَّل
أحقق رغبة أهدابك
قديمه لعبتك هذي
وكفايه ما أبي أفهم
رجاءاً إبتعِد عنَّي
أنا مُو ناقص ألعابك
قصيدة كنت أظن
كنت أظن الحظ
جابك و إبتسَم
أثر أنا و الحظ مانواطن بعض
الأمل في دنيتي ياما إنهدَم
و الفَرَح ما يوم في عمري ومَض
جرح غيري ب إختياره : إلتئَم
و آنا جرحي ليه ع القلب إنفرَض
ليت قلبي من جروحه إفتهَم
غيري عاش الجرح مرّه و إتّعَض
مايحس القلب من كثر الألَم
راحت الراحه وعلى الله العَوَض
جيت من أقصاي وماكان العشَم
تصدِم إللي صوبك إحساسه رِكَض
من يعلّم ....طيبتي درب الندَم
دام صارت " نيتي البيضه " مرَض
ما ألوم القلب عايش في وهَم
يكفي يثبت لي حياتي لا نُبَض
قلبي من دنياي عمره ما سلَم
كل ما زانت لي الحظ إعتَرَض
كنت أظن الحظ جابك و إبتسَم
قبل مايقفي بك و نخسِر بعض
قصيدة علاقه حب
تِصَدِّق وإلا ما تِصَدِّق
أنا عَاجِزْ عَنْ التفكير
تعَالْ وشُوفْ في عينِكْ
غِيابكْ وشْ عَمَلْ فيني
حبيبي
ما بُقى عِندي صَبرْ
يتْحَمَّـلْ التأخير
رَحَلتْ
وعِقبكْ الدنيا غلاها
طاح مِنْ عيني
أجَاوبْ اللِّي يسْألني
عَنْ أخْبَاري وأقولْ بخير
وأنا لا خِير بغيابكْ
ولا حَاجَه .. تهنيني
على طاريكْ كِلْ لحظه
ولا أحتاج للتذكير
حَريصْ القلب ما ينسَى
عيونِكْ , لا توصيني
مَحَدْ يِقْدَر يعَوِّضْنِي لأنِّكْ
في عيُوني غير
ومَهْمَا شِفتْ أنا الفرحَه
بدونِكْ ما تسليني
أنا خِنتِكْ
وهالغلطه حبيبـي ما لَهَا تبرير
علاقة حُبْ مَجْنُونَه
ما بينْ أحزاني وبيني
وكيف الحَالْ وشلوني
جَوابٍ ما يَبي تفسير
بدونِكْ إنتْ
ما تِضْحَكْ حَياتي وترْمِشْ سنيني
مِثلْ شَاعِرْ عِجَزْ يوصَفْ
شعُوره وخانه التعبير
أنا ضايع
ولا أدري مِنْ فراقِكْ .. أنا ويني
مِثلْ طيرٍ كِسَرْ بُعْدِكْ جَناحَه
وما قِدَرتْ آطير
أحَاولْ أبْتِسِمْ
وأنْسَى ولكنْ وشْ ينسيني..؟!
أشُوفِكْ في صباحي إنتْ
مَعْنَى يا صباح الخير
وأشُوفِكْ في مَسَائي
حِلْم وردي .. لا تصحيني
تِصَدِّق
السَهَر يَرْسِمْ عيُوني ويتْقِنْ التصوير
ويشِقْ النُور في صفحة
حياتي .. وما ألاقيني
أنامْ شلونْ ؟
ومشكلتي عِجزتْ ألقى لَهَا تدبير
طِلَبتْ النُومْ لحظاته
و عيَّى النُوم , يعطيني
تغيَّر وجْهَي مِنْ أوَّل
غيابكْ وإبْتِدَى التأثير
حبيبي
مِنْ التَّعَبْ كافي خذيتْ اللِّي يكفيني
يا أغلى مِنْ رَحَل عنِّي
يا كِلْ الحُبْ والتقدير
تعَالْ
إنْ كان لِي عِندِكْ مَعَزَّه وكان تغليني
تعَالْ
إنْ كِنتْ تعشقني وإذا فِعلاً تبي لي خير
تعَالْ
ومِدْ لِي كَفْ الوَصِلْ ..... وآمِدْ كَفيني
إذا كانْ الجِفا واجِبْ بدى مِنْ قلبي التقصير
أبيكْ الحِينْ .. تِرجَعْ لِي ولا تِرجَعْ تخليني
أنا ما أقولْ اللِّي صَار فِيني , ما هقيته يصير
لأنِّي كِنتْ .. ( متأكد ) .. بأنْ البُعد ينهيني
قصيدة قساوة الكون
قساة الكون في عيني
وقلبي ما إهتنى وما إلتم
قسى هالوقت يا قلبي
وضيع كل راحاتي
جروحي فوق طاقاتي
بكيت وفي عيوني دم
رضيت انا على القسوه
وضاعت كل بسماتي
تعبت / وما صدق حظي
وفوق الهم أشيل الهم
صغير في العمر انا
وكبيره حيل مأساتي
محد يدري عن أخباري
محد في دنيتي مهتم
وحيد أمشي مع همي
وكبير الحزن في ذاتي
سمع قلبي عن الراحه
واهيه من الوهم أوهم
أعيش انا بوسط واقع
نهاياتي في بداياتي
ياليت تفيدني الحسره
ياليت أرتاح لو أندم
صعب أرتاح في الدنيا
حزين بكل حالاتي
سفينه من الصعب ترسى
واهي من الموج تتحطم
أشوف البحر في عيني
لقيت الموج دمعاتي
كثير قلوب غرقانه
واهي من الوقت ما تسلم
بحر هالوقت هم يغدر
وهذا معنى كلماتي
يا قلبي الطيب ما ينفع
عشاني ركز وإفهم
أنا مليت أعلم فيك
وإنت تزيد اهاتي
أمانه كان لي خاطر
من اللي صار تتعلم
ويا قلبي اترك الطيبة
بعد قصة معاناتي
قصيدة ليت لي
ليت لي في شوفتك حظ ونصيب
لكن ادري مهما اتمنى (محال )
لك غلا في داخلي جدا غريب
ما أبالغ كثر حبات (الرمال)
القصائد لا تودي ولاتجيب
دام بعدك عن عيوني (لايزال)
اسألك القى صدى صوتي (رهيب)
قلت وينك رد لي نفس (السؤال )
ياحبيبي لاياأكثر من (حبيب )
ياخيال الحلم تحقيقك (خيال )
بالبعيد اللي من احساسي (قريب)
ليت تسعف حالتي كلمه( تعال )
ليت تسعف حالتي كلمه تعال




 

التعديل الأخير تم بواسطة أحلام منسية ; 09-16-2017 الساعة 10:02 PM

رد مع اقتباس
قديم 09-16-2017, 09:53 PM   #6


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي




قصيدة انهيار انسان
نعم كثر التعب حاجه
تؤدّي لإنهيار إنسان !
و أنا ؟ ما أوعدك إنّي
بـ أتم بـ عِشرتك ، واقف
أروح و يبقى لك عندي
معزّة ، و إحترام ، و شان ؟
أو أبقى بـ الكذب جنبك
و أنا من داخلي ~ عايف !
حشا ما جيت لك { شايل }
عشان أطلّعكْ غلطان !
و دليل إنّك مزّودها معاي
وقلت : ما يْخالف
أشوف و أسكت و أحزن !
أبيك تْحس بـ الأحزان
و وضعي حيل جايز لك
حزين و ساكت و شايف !
تجازف في علاقتنا
ولاحسّيت بك ندمان !
خسرنا بعض ؟ مو منّي !
أنا ما قلتْ لك : جازف
ترى ما خفت من بُعدكْ
ولا من غيبتكْ زعلانْ !
أنا واللـــه من قربك أحاتي
[ غدرك ] و خايف
كثييييير أشياء صارت لي
حزينه ، وموجعه أحيان
ولا شفتك تواسيني !
مع إنّك : تدري و عارف
ترى ما جيت أبكْسِر خاطرك
لا قلت لك : تعبان !
و لا أظن تنهي جروحي حبيبي
قولتك .... آسف
حبيبي
لا ما تنفع صديقي ؟
لأ ، ولا " أخوان "
أبي لي شي يمنعني
أصدّك لمّا نتصادف !
قليل من التَعَب يكفي
يا غالي لإنهيار إنسان
و كثير من التَعَب فيني
من أسبابكْ و أنا واقف !
قصيدة قول عادي
قول عادي .. بالي الليله طويل
شُوف لِك عذرٍ قديمٍ وأقبِلَهـ !!
لا تحاتي
قلبي مِتعَوِّد يشيل
الجُروح اللي تجي له مُقبِلَه
طيبتي صارت مثل كف البخيل
أيِّ شَي طايح .. تِشُوفـه ؟ تحمِلَهـ
و عزِّتي تقدر تِسَمِّيها : النخيل
لأني شامِخ .. والعواصف قاتِلَه
وعادي جداً .. إنِّي الليله عليل
الحزن يحْسِبني واحد مِنْ هَلَه
ومو غريبه .. لو تِمَنِّيت الرحيل
البقاء أحيان , يعني .. البهدلة
في غيابك .. ما لَهَا الضيقه مثيل
وربِّي اللِّي .. ما يشاءه , يفعلَه
مِنْ يلاقي لـ دنيتي هذي بديل ..؟
خل يجيني أي شخص .. أبَدِّلَه
وعيب راسي لا بغى شيء مستحيل
يوصله مو طيب .. غصبٍ يوصلَه
ليه راجع ؟!
ليه ذاكر ..؟
يـ الأصيل ..؟؟
إنت ضايق .. ؟!
في خطأ بالمسألَه !!
وليه تبكي مِنْ كلامي يـ الدخيل ..؟
المشاعر .. ما لَهَا بقلبك صِلَه ؟!
و( البلا ) .. إن حَبْ رجالٍ " ثقيل "
ينسى مِن حُوله ويسْمَع ( مُذهلَه ) !!
مِن عرفتك .. ما بقى بـ اليَد .. حيل
ولو بكيفي ..؟ [ قلبي ] محدٍ يدخلَه
ومِن عرفتِك .. حظِّي العاثر يميل
أعترف لِكْ إنِّي ( عاجز ) أعدِلَهـ
فاقد الإحساس / ما يعطي القليل
وإن عطيته إحساس قلبك ؟ يقتِلَهــ
إيه بـ أرحل والطريق أدري .. طويل
مشكلهـ " قربك " .. وبُعدِك مشكلَهـ
وإن خذاني المُوت إترك قال وقيل
قول هـ الجُمله .. وخطاك محلِّلَه
[ ربِّي إلهَم أهلهـ الصَبر الجَميل
وإرحمـه يا رب وإحسِن مدخلَه ]
قصيدة بــــ الحلم ـــــلاد
" تعريفـ المُحَـال "
جاني واحد قال : بسأال كم سؤال
وقبل يسأل قلت : أنا ماني خبير !
قال: جاوب بس , يا ولد الحلال
وكل كلمه حِطَّهَا .. فبيتٍ صغير
قال نبدي : شنهو تعريف المُحال..؟
قلت :
خَل الكلمة
فـ الشطر الأخيـر ..!
القهر : إن شفت دمعـات الرجال
والوطن : ( إنسان ) .. مِتغيِّر كثير
والطفل : لعبه على شاطـي الرمال
والأمل : إحساس في عين الضرير
الوفا : [ قلبين ] .. يجمَعهُم حلال
والرَجُل : اللـي علـى أهلـه يغير
والرجا : لا قلت : للواطـي تعال
والفشل : مدري .. ولكنـه مرير
الشعر : في وقتنا .. بدر وطلال
وكان أوَّل : حيـل يعجبنـي جرير ..!
والغلا : إحساس إلى حَـد الخيال
والعِشِق : لا شفت مَعشُوقِك تطير
والجفا : إعكس مفاهيم / الوصال
والوَصِل : يعنـي تأكَّـد فيك خير
والعقل : تِسْفَـه أقاويـل الجهال
والجهل : إن قلت عن نفسك كبير
والخطر : لا صار ما عندك مجال
والبلا : إن صرت معدوم الضمير
والعجب : لا صرت تسأل منهو قال
والتعب : إن كنت تِبْحَثْ عن مصير
الغنى : بالنفس ما هو راس مال
والفقر : من كان .. بأعماله فقير
يكفي يكفي .. أسئله إنهي الجدال
ويالله علمني عَن .. السِّر الخطير
ما أبي تضرب لي في غيرك مثال
قول : عنِّك وإعتبر سِرِّك في بير
جات طعنـه مِن جنوبك والشمال
يعني وضعِك بين مِن حُولك خطير
صاحبـي وإن ضاقت بعينك ليال
لك فرشت القلب مفروش الحرير
في [ بلاد الحلم ].. ممنوع العقال
والمصيبة الشعب ما أختار الأمير
وما ألومك .. كان شدِّيت الرحال
دام بيتك جرح / وفراشك حصير
هذا تعريفي إلى كلمة : مُحَال
شيء ودِّك فيه ولا يمكن يصير ..!




 

التعديل الأخير تم بواسطة أحلام منسية ; 09-17-2017 الساعة 01:48 AM

رد مع اقتباس
قديم 09-17-2017, 01:39 AM   #7


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي




في عيوني وش يساوي غيرك إنت ؟!
في عيوني وش يساوي غيرك إنت ؟
ودّي آخر شي أشوفك و أنعمي
أدري إن ضاقت عليك الدنيا خنت
وآنا أخون الدنيا لك يا آدمي
جيت عندي وبْـ حمى قلبي إستعنت
ليه تطعني ؟ و فيني تحتمي
حِسْ مَرَّه وحدَه في جَرحِي لاهنت
إرمِي طَلقَه وحِسْ ب اللي ينرمي
كيف ترميني وعلى قلبي زبنت
البلا لا صار ضدّي محزمي
كنت قاسي وللأسف مايوم لنت
أنتمي لك وإنت لي ما تنتمي
كنت لي قبري وأنا فيك إندفنت
جيت لك كلّي ورجع لي معظمي
كنت لك واحد وكل الناس إنت
كنت صوتي كنت شوفي ونْسمي
أذكر إنيّ كنت بين إيدك وصنت
وإذكر إنّك في جروحي حاتمي
أدري إنّك في غيابي ما حزنت
و رغم هذا تدري إنّك ملهمي
كيف أضمن لك شعوري وماضمنت
من كثر دقِّك - تفكّكْه لْـ حمي
لك عقل يوزن بلد بس ما وزنت
الأمور , إللي تفوّر لي دمي
في زوايا البيت وفي شعري سكنت
وفي حضن أفكاري دايم ترتمي
آهِ مِنْ قِيدِكْ وماهو قِيد كنت
آهِ مِنّك , كِيدِكْ أَدْمَى مِعْصَمي
قصيدة قنبلة الاحساس
المُحال / الصعب يعني : وضعَنا
إنتثرنا . . . و الأوادم , يجمعون

يشهد الله , بس ( طمعنا فـ بعضَنا )
يوم خلق الله بـ - كل شي يطمعون !
يا حبيبي .. هـ التعب , إن هزَّنا ؟؟
بلّغ { أسراب الغلا } .... لا يجزعون
الفراق .. الضيق .. الحظ .. العَنا
الجروح اللي تجي بليّا ( طعون ! )
الظروف , الموت , الحزن , الهَنا
الدموع الصوت / خلْهُم : يسمعون
دام ندري الـ " بُكى " ما فادَنا
[ ليه ما نرحَم قلوبٍ يدمعون ؟؟! ]
إن بقينا ( ثنين ) . وكل شي ضدَّنا
الصبر . . . كثر الأمل : ما ينفعون
النصيب / الناس / قسوة وقتَنا
مو بـ أيدينا هـ الثلاثه , يخضعون
العواذل ....... عيدهم بـ فْراقَنا
فرصة أعدائي فـ غيابي / يطلعون
راقبونا . . و أتعبوا . . . في قربَنا
ومن يشوفـونا " تصدّق " يفزعون
صابنا اللي كاتِبَه اللـهُ .... لَنا
لو مشاعرنا .. حبيبي يفجعون
آنت ضقت فـ غيبتي لكن أنا
إنا للـه . . . وإليـهِ راجعون
تدري وش حطم غيابك
قصيدة آلآطــلآل
إلي شفته في وصالك مو شويّه
كيف أصبر وآنا في وصلك أعاني
جيت لك شآيل خفوقي بين أيديه
ما بغيت إلا من أيامك ثواني
مآهقيت الدنيا في قربك رديّه
وقلبك إلي لو طلبته ما عطاني
البُقى ما باقي في .. قلبي بقيّه
مدري منّك طعنتي أو من زماني
لا ترجاني وأعدّي لك خطيّه
وكل مآ أزعل ، تسمّعني أغاني
أعطِني حُريّتي أطلِق يَدَيّه
أنّني أعطَيْتُ )) لكنّك أناني
بس تبي تأخذ ولا ترد العطية
وغيرك أعطا بس منّك مآخذ آني
مآ أبي منّك ..! عطورات وهديّه
كنت أبي قلبك يبآدلني حنآني
غيرك أصلاً إحتِرَق .. قلبَه عليّه
باع عمره وكل مآ يملِك عشآني
قلبي [ تفاحه ] .. وحبّك جآذبيّه
مآنِطَرْني أستوي ، فجأة كلآني
لآتجيني تعتذر ..! عينك قويّه
لأنه قلبك من عذآريبه ..! ملآني
غلطتي حبيت .. وكلّي عاطفيه
مآ أشوف العيب وإحساسي عماني
وإلا أنا لو صار ضدّي .. ألف وميّه
ما يهز إنسان في لحظه ..! كياني
يآحسآفه بسبّتك شفت ..! آلمنيّه
كنت أظنّك شيء وشفتك شيء ثاني
إنت قلبك كان مجهول الهوية
عادي عنده لو خذا غيري مكآني
والجروح من أسبابك : نديّه
إصرخت لك بس يآ جارح كفآني
( قصتي ويآك ) جدًا .. واقعيه
ماهي حلمٍ .. مَر في بآل الأماني
ما مداني .. أكتب أبيات الوصية
والكلام ، ثقيل أحسّه من لساني
القصيدة : ليه ماصرت وفيّــــــه
لما أكتِب فيك ... ما ألقى المعاني
بـ النهآيه تكفى ... اطلق لي يديّه
هل رأى الحب مثل قلبك .!! أناني
يآ مُحآمي روح ارفع لي قضيّه
قلبي مجني وهذآ في إيده نهاني
زرعتك شوق !
تَعَلَّم قلبي مِنْ إيدك
على كِل ما مضى يندم
زرعتِك شُوق أتحرى
حضورك وأثمر غيابك
تِحَمَّلتِك
ولكنه جُبرني الجرح : أتكلم
خيانه شِفتها مِنِّك
عِطِرهَا تارس ثيابك
بنيتِك حُب في قلبي
وإنتَ حضرتِك تهدم
كرهتِك
حيل صدقني وكِل هذا مِن أسبابك
تقول :
آسف يا خلف الله بقى
بـ وجه التسامح دم ؟
أسامح كِل شيء إلا الخيانة
ونشوة إعجابك
قلتي أحبك من بعيد وضعت !
قلتي
" أحبك "
من بعيد و ضعت
شوفي عاد لو من قريب ؟
ما تغيب أحلام قلبي في وجودك
لك أسلِّم نفسي أربطني بقيودك
جابك الله ؟
مدري لي جابك نصيب
المُهم أسمع " أحبك "
قصيدة يا سيِّدة شعري
يا سيِّدة شعري أنا
قومي إرقصي بين السطور
في داخلي شوق
وعذر
والله يعين المبتلي
زعلانه مني وتنهدم
فيني ملايين القصور
لأنك طموحي ورغبتي
وتخطيطي ل مستقبلي
" بركان " شعري
ما هدى وخايف مع المُده يثور
في غيبتك شفتي الشعر
وشلون فيني ينغلي ؟
زعلانه أدري وضيقتك
في داخلك أربع شهور
وتأكدي إنَّ إزْعَلِك
هو يُعتَبَر نفس إزعَلي
يا زهرةٍ وسط العمر
مو مثلَهَا باقي الزهور
يطاوعك قلبك كذا ؟
عن زارعك ما تسألي
ما كني إلا لك سما
وفي هـ الفضا إنتي طيور
يعني وجودك زينتي
ولزوم فيني تمتلي
من يوم ما غبتي وأنا
ضايع بلا قلب وشعور
تايه ولا عندي أمل
في آخري وفي أولي
يا أطهر اللي قابَلَت
عيني على مر العصور
تعالي عندي وإسكني
فيني كفى لا ترحلي
يرضيك أقابل هـ البحر
وأرمي من الضيقه صخور
وأذكر سوالفنا ب وَلَه
وش قلتلك وش قلتِلي
في غيبتك حالي تَعَب
وصرت ما أحب الظهور
ما غير أتمتم في نِدَم
يا وَيْلَ لي يا وَيْلَ لي
إيه أعترف خنتك
ولكني رغم هذا غيور
أرفض تخونيني وأدري
فيك ما ترضي علي
شاعر وأكتب ما أبي
وأقولها في كل غرور
إنك تحبيني غصب
وسِمْعي الكلام اللي يلي
كان القصائد مطلبك ؟
وهي اللي بتحل الأمور
بكتب قصيده أحلى من
" صَوتُ صفير البُلبُلي "



 


رد مع اقتباس
قديم 09-17-2017, 01:47 AM   #8


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي



تم بحمد الله
اتمنى ان اكون قد اعطيت
الشاعر حقه وينال اعجابكم
اعضاء جمانه الحبيب
وهذه بعض الكلمات للشاعر
مقططفات تصميمي المتواضع
......




 


رد مع اقتباس
قديم 09-17-2017, 03:30 PM   #9


الصورة الرمزية إمبراطورة البحر
إمبراطورة البحر غير متواجد حالياً

بيانات اضافيه [ + ]
 رقم العضوية : 512
 تاريخ التسجيل :  Jul 2016
 أخر زيارة : 08-17-2020 (09:55 PM)
 المشاركات : 138,590 [ + ]
 التقييم :  753574
 الدولهـ
United Arab Emirates
 الجنس ~
Female
 MMS ~
MMS ~
 SMS ~
من سعى لي الخير من وراي ؛
عسى الخير في طريقـه يخاويه ..
لوني المفضل : Cadetblue

اوسمتي

افتراضي



ما شاء الله عليكِ أحلام
ابداااع .. شاعر مميز وقصائده مغناة وجميلة
راق لي تنسيقكِ كثيراً وانتقاء عذب للقصائد
شكراً كبيرة لروعة ما تقدمينه من أعمال مميزة
ابدعتِ ولطالما كان إبداعكِ يسطع في سماء جمانة

لكِ تقييمي وإعجابي و

...


 
 توقيع :
بعض الكلام الي ما تحسب له حساب
في .. قلب غيرك ما يمر بسهوله
،،
خلك .. مع آلعالم تعاملك من باب
الي .. ما ترضى تسمعه لا تقوله

One kind word , can change someone's entire day



رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

مركز تحميل Top4toP


الامتدادات المسموحة: PMB | JPG | JPEG | GIF | PNG | ZIP

الساعة الآن 03:38 PM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
هذا الموقع يستخدم منتجات Weblanca.com
new notificatio by 9adq_ala7sas
User Alert System provided by Advanced User Tagging v3.1.0 (Lite) - vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.