جديد المواضيع
|
مقتطفات عآمة بحر الموضيع العامة |
|
أدوات الموضوع | انواع عرض الموضوع |
#1
|
|||||||||||||
|
|||||||||||||
مبارة بالأمثال الشعبية
مبارة بالأمثال الشعبية
ووصلة ردح بين الرجالة والستات👇👇😹😹😹😹😹😹😹😹😹😹😹 * ست: يا مآمنة للرجال يا مآمنة للمية في الغربال * رجل: خدنا منك أيه يا بصلة لما كل قطمة فيكي بدمعة * ست:. برة وجوه فرشت لك وأنت مائل إية يعدلك *رجل: ماتخدش السهتانة أم كحلة ولبانة، تأكل وتعمل عيانة .. ولا يعجبك قصتها .. ولا كحلتها دى وقت الخبيز تبان لخمتها *ست: إذا كانت الرجولة بالشنبات كان الصرصار سيد الرجال . *رجل: أش تعمل الماشطة في الوش العكر * ست: يا خاين وعامل من الليل ستارة بكرة يروح الليل وتظهر الأمارة * رجل: ما تخافش من الهبلة خاف من اللي خلفتها. * ست: اللي تحسبه موسى يطلع فرعون رجل:. هبلة ومسكوها طبلة * ست: دي الحياة من غير نسوان زى المسقعه من غير بتنجان • رجل: زمر بالزميرة تبان العاقلة من المجنونة! * ست:. اللي يشوفك يفتكرك فارس في ساحته ميعرفش إنك حتى الشراب شاحته *رجل: يا ويل من أعطى سِرَّه لامرأته، يا طول عذابه وشتاته * ست:. اللي أخدته القرعة تاخده أم الشعور * رجل:. أعدل العوجة ولو فى يوم فرحها * ست:. الراجل الخايب خلفته كتير زي البطيخة القرعة لبها كتير *رجل: لبس البوصة تبقى عروسة *ست: لا بيضة الفرخة لقية ولا جوز البنت هدية .. ده جوز البنت زي الرقعة في الجلابية" • رجل: أنت عاوزة جنازة وتشبعي فيها لطم * ست: جنازة بتار ولا قعدة الراجل في الدار • رجل: حرمة من غير راجل زى الطربوش من غير زر *ست: . الدلع فى الكبير زى الزغزغة فى الحمير *رجل: اللي بتموت وليته من صفاية نيته * ست:. زى المش كل ساعة بوش * رجل: بنت الفارة حفارة ★ ومن الآخر: المرة لو طلعت المريخ آخرتها للطبيخ * رد مجموعة من الستات الكبار علشان تلطف الجو و تصلح بينهم قالوا: - دة الراجل في البيت رحمة ولو كان فحمة - و جوزك على ما تعوديه وابنك على ما تربيه - وحطي جوزك فوق السطوح لو ليكي نصيب فيه مش ح يروح - وقصقصي ريش طيرك قبل ما يلوف على غيرك - والرجل من غير الست مثل الإبريق من غير الطشت. - واللي ما يقدر عليه الشيطان تقدر عليه النسوان - ويغلبك بالمال أغلبية بالعيال - وأتقل علي حبيبك وأرميه في بلاعة .. يرجعلك مستحمي وفي بقه نعناعة ** وليه يا بنات كل قناية متضايقة بميتها هي الدنيا كدة .. وعلى الحلوة والمرة مش كنتم متعاهدين.. فعلاً نقول للست العقلة .. متشكرين
|
05-26-2023, 04:03 PM | #3 | |
|
جميل
|
|
|
|
|