جد نفسك لتجدهم ، وتغيرهم ، كُن انت لأنت !

- السلام عليكم ورحمة الله وبركاتة . صبحكم الله بالرضا ، مساكم بما ترضوه . اخباركم ي قوم جمانه ؟ ان شاء الله بخير ، * اعتقد تكلمت معكم عن موضوع حديث النفس وعشان تلقى نفسك http://www.jomana.net/vb/showthread.php?t=6073 كانت مشاركة لي في مسابقة سوتها امبراطورة البحر وطبعاً اذا م شفتة فضلاً وليس امراً ، اتك تمر علية وتقراه بتمعن ، الموضوع يبيله روقان وجلسة "حُرة " ، لا تربط نفسك بأي شغل ولا تؤجلة معك شيء خلصة وتعال سمّ بالله واقرا . الموضوع يبيك رايق ومو منشغل . I'll come back انتظرو .

أطياف الفرح ,taymiyah ,طيف الأمل ,V I Oُ L E T ,تَرف ,عاشق الوادى ,انثى مختلفة ,عشقك خفوقي ,واثـــ الخطوة ـــــق معجبون بهذا

- تدري انك شخص ناجح ، ومجتهد ، ومثابر ، انسان إيجابي ! تعرف ليه؟ لأنك تقرا موضوعي امزح ، لأنك تعرف الحين من انت مجرد شخص؟ تتوقع انك مجرد شخص؟ لا انت من اهم الأشخاص في الحياة انت شخص مهم وبّناء ! تبي تعرف شالسبب ؟ لأنك في كل يوم تسوي شيء ، م يهم الشيء اللي سويته المهم انك تساهم في تغير شيء في رسم البسمه على وجه ذاك الشخص؟ انك تقسم حصتك عشان توكل المسكين ؟ اوتشتري لأمك اللي تبيه من السوق؟ تصبر على خدمة اهلك ؟ تسمع لهم تسوي اللي يبونه ؟ او حتى مجرد تروح لعملك ! انت تساهم في تغيير شيء ! انت تساهم في تحسيين الكون ! لما اقولك انك بمجرد تسمع معلومه ، انت ساهمت في تغير شيء تقول كيف وانا بس سمعت ! فمثلاً قلت لك ، والله قريت معلومه حلوه تقول : "كل شخص ناجح إلتقيته قال لي: حياتي بدأت عندما بدأت أثق بنفسي" أنتوني روبنز بتجلس تقول اي اي وتسلك لي لاني بديت اتفلسف ! لكن بتظل ببالك ؟ وبتسأل نفسك انا شخص ناجح؟ حياتي حلوه والا خايسه ؟ انت تعرف ان السبب " الثقة بالنفس " بس انت م تعرف النتيجه حياتك مُرة ولا حلوه ، بدث حياتك ولا لسا ايه هنا مجرد تكلم نفسك ، غيرت شيء في الكون تدري وش قصدي بالكون ؟ الكون هو انت ! فلكون هو نحن . انت تغير نفسك ، وصاحبك يغير نفسة ، وسبعين شخص تغيرو هنا حركة الكون ، الكون يتحرك فينا ! فيك! اذا وقفت بفشل ، لا تعتقد انك بتنجح رباني ، لازم تتحرك شويه عشان تنجح! ويقولك : ليس كل السقوط معناة الفشل والدليل سقوط المطر شايفين المطر ؟ ايطيح من السماء ، بعدين ينزل ع الارض يرويها كذا معناته المطر فاشل؟ لا هو فعلاً يسقط ولكن ليُحي الارض وانت كمان لأنك تسقط لا تسمي سقوطك فشل لانك انت لسا تحاول ! تعرف متى تفشل؟ لو وقفت شفت الحين انك اخذت المعلومة بعين الأعتبار؟ وهي مجرد معلومه ‘ كثير يتكلمون الناس ، وكلامهم ي سم ي عسل . وفيه البعض يهتم بكلامهم ، وهذا غلط كبير يسويه اي بني ادم هم يظلون يقولون عنك سواء نجحت ولا فشلت ، حيتكلمون عنك اعتبرهم زي الناموس، اذا برزت لهم اي جزء من جسمك بيقرصونك والغلط ابداً مو منهم ، بل منك انت عطيتهم فرصة وكشفت نفسك عشانهم هم قرصوك وخذو دمك وسحبو عليك ، بيتألمون معك؟ لا ومتى م يبون يجون بترجع تكشف لهم جسمك ! بس وقف خلاص! لمتى؟ تخليهم يسيطرون عليك!؟ انت بتصير اسفل السافلين وانت شخص غير ! بيتكلمون عنك ويقولون ملابسة قديمه تتعب وتشتغل وتاخذ راتبك وتسحب ع طلبات امك ، وتشتري ملابس وملابس ايش؟ ملابس اللي هابين فيها بحكم انك م تبي احد يعيب ع ملابسك طيب شفت ملابس البوم؟ شفتها ؟ لا ، وتمشي زي الاعمى ورا كلامهم وبيخلونك وبيقولون والله صاير خكري ؟ ولا بيقولون صايره لحجية ؟ طيب وينهم اللي ترضيهم انت؟ سحبو عليك؟ هذي نهايتهم ! بيقفون معك ؟ هه هيهات هيهات وتجلس تتحسر ، وتحط الغلط فيهم ! وهذا غلط ، اعترف بغلطك مع نفسك! ابداً مو عيب عرفت انك غلطت وسمعت لكلامهم ، اعترف ! وتعدل ! تغيير ، لا تخلهم يؤثر فيك ، والله محد بيندفن معك بالقبر ! فترة وبيسحبون عليك ، فتعلم من اول قرصة ، ومن اول قرصة لا تهتم فيهم ابداً ابداً ، لأنك انت مو محتاجهم لأنك انت تعرف الصح والغلط ، مو محتاج احد يعلمك اختر الطريق اللي تبيه ، لا تخلي احد يختاره لك . اذا حسيت للحظة انك ظال طريقك اقرب الناس لك ويهتم لمصلحتك استشيره - الحين تخطيت مرحلة نفسك ، تدري بـ وش طلع معنا ؟ انك لقيت نفسك وانت زي الجبل م بيهزك احد! تغير اذا عندك فرصة تتغير ! + وغير من حولك بتقول شدخلهم فيني؟ - ايه وهنا بدا موضوعي بعد الكلام ذا كله وصلت للنقطه اللي ابيها جاك فضول؟ غير اللي حولينك ، هذا اللي اقصده بتكلم لكمم شويه عن نفسي من باب الروقان : شوفة عيونكم ، ماني بذاك اللي ردوده نار ، ولا متفاعل ، ولا شيء ابداً شخص عادي، لكن فيني شيء وممكن يعرفة الأغلبية انا احب اغير نفسي و اللي حوليني ، احس بسعادة درس اخذته ما احب ابقى تلميذ فيه احب اتطور واصير مدرس ! كان اغلب كلامي ومواضيعي في تغيير للأنسان . يعني مب سهل زي م تتصورون طيب م جاك فضول اكثر تتعلم كيف تصير مدرس ؟ اول شيء بوضح لكم شيء ، ومن منبر هذي الأيه بديت موضوعي : ( أَتَأْمُرُونَ النَّاسَ بِالْبِرِّ وَتَنسَوْنَ أَنفُسَكُمْ ) وكان مفروض اكتبها بداية الموضوع ، بس احب التدريج احب اوصل فكرتي بطرقي الملتويه ، مو واضح لدرجة اني احطها واخرب الحماس اللي فيكم ومعناته اني بديت اتكلم عنك قبلهم ، يعني بديت اغيرك قبل لأعطيك مفتاح تغيرهم فعشان تغير الناس غير نفسك بالأول بتقول لي فارس شدخل الناس فيني ؟ خلاص اكتفيت اعلم نفسي بقول لك ، عندك ام و اخت واب واخ عندك صديق وعندك عزيز اللي بقلبك هم اللي اذا تأذو تأذيت معهم مهما صار تبقى تحبهم وم ترضى عليهم ، وم ترضى يطيحون نفس طيحتك ! لانهم بقلبك ، لأنهم رسموا ابتسامات في وجهك فأكيد تخاف عليهم من هالحياة ! وتحميهم! وتعلمهم ! وتعلمهم، فهمت ي الأناني اللي م فكرت الا بنفسك الاسلام دين يسر و لين ، مرح تمسك اخوك وتصفقه وتهاوشه لأنه اخذ سيارتك "اول مره" لانه عمر الصرامه ما كانت حل ، تعلم تتفاهم باسلوب راقي ، بعيد عن الازعاج والاحراج وانتي مرح تصفقين اختك لأنها سرقت مكياجك ، تفاهمي معها بهدوء بقولكم النتيجه لكل ردة فعل : بتهاوش اخوك وبتصفقه وبعدين؟ كرهته عيشته وبعدين؟ كرهك وبعدين؟ صار يسحب عليك ولا يعاندك! ويظل ياخذ سيارتك من دون علمك * هذا وانتوا اخوان تسببون القطيعه من بينكم ! بتصفقين اختك عشانها اخذت روجك وبعدين؟ تكرهك؟ وبعدين تشتري مكياج اطلق منك وتسحب عليك! وتظل تسرقة من دون علمك * طيب لو تفاهمتو بالطيب بيصير كذا؟ ابداً بالعككس اخوك بيعبيلك بنزين ويقضيلك ، وتكسب ثقته اختك بتحبك وتشتري مكياج وتعطيك ، وتعيشون بسعادة يعني بلاش صراخ ، ارقو ارقو - تفهم بعقلانيه وتكلم بهدوء وتأني وبطريقة تجذب عشان الطرف الثاني بيحب يسمعلك ويمشيي ع كلامك حلو الشخص يغير اللي حولينه ، يكسب اجر ، ويسعد ناس وينبههم ع اشياء تغافلو عنها ، وهذا اللي اسويه انا تماماً ! وسمعتك بتكون ريحتها مسك ، لانك مُحب للخير والصح تحب تغير العالم وتنشر الإيجابيه صدقتني لمن قلت لك بداية الموضوع انك شخص إيجابي؟ شفت انت نهيت الموضوع وطلعت بإيجابية اكبر وعقل افضل استخدم عقلك في تغيير مسيرة الحياة ، عشان الكون يمشي بشكل افضل ونشر الحُب و العطاء و التعاون . حنّا خلقنا معاً ومعاً الى اخر الأنفاس تحية طيبه لك ي تلميذي هاسمحت لك الفرصة بأن تصبح افضل مدرس! - سؤال : وش اكثر شيء فكرت تغيره ؟ وحرك موضوعي قلبك المتحجر شويه؟ - الحقوق : جميع الحقوق محفوظة لمنتديات جُمانه اشراف : ليلى الحاج ، واثق الخطوه . الهيدر : المبدعة : عشقك خفوقي - اطلق تحيه ، فمان الله اخوكم : تباَ

رعد السلاف ,طيف الأمل ,V I Oُ L E T ,taymiyah ,تَرف ,سكوت ,فتاة المستحيل ,ليلى الحاج ,واثـــ الخطوة ـــــق معجبون بهذا

-

موضوع رائع جدا
الأسلوب سلس , متدرج و يخاطب العقل
التغيير ليس صعبا
إذا كانت لنا الرغبة فعلا في التغيير و أدركنا قدراتنا الكامنة
عندما نبدا بتغيير انفسنا يكون تغيير الآخرين أسهل
لأن عنصر التأثير سيتكفل بذلك

من أروع و أجود ما قرأت
تقديري و تقييمي تبا

واثـــ الخطوة ـــــق ,تباً معجبون بهذا

موضوع عبقري

سلس سهل الفهم و الايستعاب

احسنتم

لنغير يجب ان نبدأ بانفسنا

والتوكل على الله ثم الثقة بالنفس

والباقي ييسره الله سبحانه

البساطة و العفوية لهما دور كبير يجب الا ننساه

بوركتم على هكذا مواضيع

تحياتي

تباً ,ليلى الحاج معجبون بهذا

تسلم الآكف ع الموضوع الجميل
وكتابه راقيه ومفهومه كثيررروعة
التغيرموهوصعب ابد عالعكس
سهل لكن يحتاج التوكل ع الله ثم المثابره
بهذالشئ ومنها الخطى والانسان يغير الشئ اللي
موحلو للأفضل موشئ سئ لا شئ بسيط
بحياة الانسان والمشوره بحياتنا اكيده لو كان خبرات الدنيا
نعرفها وياكم من فشل لكن ماسقط بل وقف ع رجليه
واثبت وجوده بهذه الحياه وموفقت حياتنا ع من ومن
بالعكس ولله الحمد سرنا
تبأ ..
شكراا لك ع الابداع المنهمر العذب
اعجبني حد الثماله كلام واقعي بالصميم
استمر
لك
اجمل الووتقيم واعجاب ورد

تباً ,ليلى الحاج معجبون بهذا

أول شيء أحب أشكرك جداً على الموضوعين الاكثر من رائعين
مجهود بطل وكلام رائع وشيء يعطي دافعيه قويه جداً

_
رح أبدأ بالموضوع الاول :

وهو أكثر شيء لامس قلبي وإحتياجاتي فترة طويل ..ومن بداية مرحلة المراهقه بالاصح
بدية أسأل نفسي من أنا وش أبي ..وأزعل من الأخطاء الي أرتكبها لين أخر المرحله وصلت للشئ الي ذكرته وهو تحطيم الذات كنت أحطم نفسي بشدة (أنا فاشلة ..أنا أخطائي لا تغتفر ..أنا لا أستطيع فعل شئ )يمكن البعض يشوفني مبسوطة ومرتاحه هاديه والوضع تمام لكن أنا من جواتي مهزوزه

بسبب أرتكاب هالشيء
رغم أني أمتلك مواهب كثيرة جداً وأحلامي كثيرة جداً وطموحي عالي جداً لكن الحين وقبل لحظات كنت أشوف نفسي (ولا شيء )
لكن لما قريت موضوعك أخي الفاضل ..أول شيء (أخنقتني العبرة ) وكأن روحي المتحطمه تطالع لكلاماتك وتبكي فرح بأمل يجعلها تعيش من جديد
وتقول أنا قادره ... وأنا مهمه وأنا لي موهبه وطموح وحياة وأحلام وهدف كبييير أنا جواتي بذور تنتظر أحد يسقيها ويرعها
_
أما الموضوع الثاني : فالحمد لله أجد نفسي متعونه جداً مع غيري جداً أحب أشوف غيري بخير وسعيد أحب الحوار التفاهم العطاء للغير أنا كذا لكن لي العكس تماماً

وبكل كلمه صدقة فيها وأبدعة أخوي




سؤال : وش اكثر شيء فكرت تغيره ؟
نفسي (أبيها تعيش من جواتها )أبي أردها للحياة

وحرك موضوعي قلبك المتحجر شويه؟
حرك ومحتاجه أقرها مليون مرها عشان يفتح وتشوف روحي احلامها أهدافها طموحها


شكراً لك

-

ليلى الحاج ,واثـــ الخطوة ـــــق ,عشقك خفوقي ,تباً معجبون بهذا

اقتباس:

المشاركة الأصلية كتبت بواسطة ليلى الحاج

-

موضوع رائع جدا
الأسلوب سلس , متدرج و يخاطب العقل
التغيير ليس صعبا
إذا كانت لنا الرغبة فعلا في التغيير و أدركنا قدراتنا الكامنة
عندما نبدا بتغيير انفسنا يكون تغيير الآخرين أسهل
لأن عنصر التأثير سيتكفل بذلك

من أروع و أجود ما قرأت
تقديري و تقييمي تبا

اهلن اهلن
مرحبّ بك ليلى ، كُنتي العون لي انتي وابوعمر
شكراً لك

ليلى الحاج ,واثـــ الخطوة ـــــق معجبون بهذا

اقتباس:

المشاركة الأصلية كتبت بواسطة فتاة المستحيل

موضوع عبقري

سلس سهل الفهم و الايستعاب

احسنتم

لنغير يجب ان نبدأ بانفسنا

والتوكل على الله ثم الثقة بالنفس

والباقي ييسره الله سبحانه

البساطة و العفوية لهما دور كبير يجب الا ننساه

بوركتم على هكذا مواضيع

تحياتي

موضوع عبقري ، مدحة عظيمة
شكراً على هذا المديح ، نورتي

اقتباس:

المشاركة الأصلية كتبت بواسطة عشقك خفوقي

تسلم الآكف ع الموضوع الجميل
وكتابه راقيه ومفهومه كثيررروعة
التغيرموهوصعب ابد عالعكس
سهل لكن يحتاج التوكل ع الله ثم المثابره
بهذالشئ ومنها الخطى والانسان يغير الشئ اللي
موحلو للأفضل موشئ سئ لا شئ بسيط
بحياة الانسان والمشوره بحياتنا اكيده لو كان خبرات الدنيا
نعرفها وياكم من فشل لكن ماسقط بل وقف ع رجليه
واثبت وجوده بهذه الحياه وموفقت حياتنا ع من ومن
بالعكس ولله الحمد سرنا
تبأ ..
شكراا لك ع الابداع المنهمر العذب
اعجبني حد الثماله كلام واقعي بالصميم
استمر
لك
اجمل الووتقيم واعجاب ورد

االله الله ، رد يجبر الخاطر
الله يسعدك ووجدوك بيكون شيء جميل وردك جميل
منورة .

عشقك خفوقي معجب بهذا