بعد الأم أحفر وطم

بعد الأم أحفر وطم

أول مانفوت عالبيت منسأل وينا أمي؟؟ حتى لو مابدنا منها شي لأن البيت بلاها مافيه روح ، وقد ماتكون موجوعة وتعبانة بتشتغل البيت وبترتبه وبتعمل أكل ووقت بتحط الأكل بتروح تصير تجلي وإذا قعدت لتاكل بتقعد ع طرف لتوسّع محل للكل وأنو هي مو كتير جوعانة وأكلت كم لقمة هي وعم تطبخ وفيها توصل لكل الصحون ، أنتو كلو وشبعوا شو بدكن فيني ، وبتصب للكل ومابترضى حدا يصبلا ودايما بتحط شوية أكل بربع الرغيف ومابتاكل من الخبز الطري ومابتقسم رغيف كامل وبتاكل من بقايا الخبز بحجة أنو بتحب الخبز البايت وبتتذكر أبنها الغايب وبتقول : علواه لو أنو معنا بيحب هالأكلة كتير ، وبتقول لكنتها : بالله أتركي هالولاد ياكلو ع كيفهن خليهن يشرشرو هلق منمسح بس يخلصوا أكل ، وإذا أحفادها ماأكلو بتحط الحق ع أبنها وبتقلو : الحق عليكن قلتلك لاتخليهن يشتروا من الدكان قبل الأكل ..
منقول 👌

صح والله
مع الأم تكن غالي عند الكل. بعدها لا تسوى شيئ
شكرا لك

الله يرحم امهاتنا
كلام صحيح وحلو
وم في اغلى ولا احن من الام
يسلمو هدوء

اسعدني مروركم