#1
|
|||||||
|
|||||||
ظلم السنين
ظلم السنين
قالوا الشقا وشهو الشقا قلت الشقا .. ظلم السنين ( احد يمر ويتعبه ) !! ( واحد يمر ويقهره ) !! قالوا الحزن وشهو الحزن قلت الحزن .. دمعة وعين احد ٍ قوي .. ويصطبر .. واحدٍ تبلل محجره !! قالوا الوفا .. وشهو الوفا قلت الوفا .. مسالم يدين واللي يغدر فصاحبه .. عاد الليال بتغدره !! قالوا الجفا وشهو الجفا قلت الجفا قسوة ولين يما تغلى صاحبك .. يما ملقيك ظهره !! قالوا الوصل وشهو الوصل قلت الوصل ماله وزين يبري جروح ما برت .. والعفو عند المقدره قالوا الامل وشهو الامل قلت الامل .. في نظرتين احدن يحاول يكسبه .. واحدن يخاف ان يخسره !! قالوا الرجاء وشهو الرجاء قلت الرجاء .. قلب حزين يمشي على تراب الامل ,, ويخاف لا يسفى ثره !! قالوا الوجيه اشهي الوجيه وقلت هي من جانبين ( وجه يزينه العفاف ) .. ( ووجه زين بمظهره ) !! قالوا الحكي وشهو الحكي قلت الحكي .. ما بين بين خير الحكي ما قل دل .. وزبدة القول ( ثمره ) قالوا الخجل وشهو الخجل قلت الخجل بالعام زين ( بس الخجل لا صار دون الحق .. خزي ومحقره ) قالوا الزمن وشهو الزمن قلت الزمن في ساعتين ساعة طرب نفس وهوى وساعة خشوع وتذكره قالوا الغلا وشهو الغلا قلت الغلا .. حب دفين والحب لا قدهو حقيقه ودك انك تستره !! قالوا الخطا وشهو الخطا قلت الخطا الله يعين احدن ما لاخطاءه عذر واحدن ليا اخطا تعذره قالوا المره وشهي المره .. قلت المره ضلع لدين يبقى على طول آعوج .. من جاء يعدله كسره قالوا الرجل وشهو الرجل قلت الرجل في حالتين ابختصرها والذكي لا جاه حكيي فسره ( رجل سليط وكلمته ماهي تغدي لك كلمتين ورجل معاالعالم رجل .. لكن مسيرته مره !! )
|
10-29-2018, 09:06 PM | #2 | |
|
حياك الله جزاك الله خيرا على المنقول الرائع أسأل الله لكم راحة تملأ أنفسكم ورضى يغمر قلوبكم وعملاً يرضي ربكم وسعادة تعلوا وجوهكم ونصراً يقهر عدوكم وذكراً يشغل وقتكم وعفواً يغسل ذنوبكم و فرجاً يمحوا همومكم اللهم اجعلنا من ورثة جنتك وأهلا لنعمتك وأسكنا قصورها برحمتك وارزقنا فردوسك الأعلى حنانا منك ومنا و إن لم نكن لها أهلا فليس لنا من العمل ما يبلغنا هذا الأمل إلا حبك وحب رسولك صلى الله عليه وسلم والحمد لله رب العالمين ودمتم على طاعة الرحمن وعلى طريق الخير نلتقي دوما |
|
|
11-03-2018, 03:58 PM | #4 | |
|
الله صح لسان شاعرها وسلمت اخوي الغارس على جلبها
قصيدة رائعة .. يعطيك العافية على روعة الطرح بارك الله جهدك .. لا خلا ولا عدم لسموك |
|
|
|
|