|
جديد المواضيع
|
|
|||||||
| مقتطفات عآمة بحر الموضيع العامة |
 |
|
|
أدوات الموضوع | انواع عرض الموضوع |
|
#1
04-03-2018, 12:56 AM
|
||||||||||||||
|
||||||||||||||
ياذا الجلال -سعد بن جدلان - آمر تدلل
ياذا الجلال اللي عروشك فوق وأملاكك حدر
ومهما تسامت به عروشه مستحيل يطولها ياحي ياقيوم .. ياذا الأنافة والكبر مانافسك في عظمتك مكر العباد وهولها ومانافسك من عمر بيوته على سطح القمر واللي ترسي فوق أقاليم المياه سطولها ماانت بحاجة من عبد ولا بحاجة من كفر ولا بحاجة ثابت الدنيا ولا منقولها أنت السميع لمن حمد وانت المزيد لمن شكر واللي مايشكر نعمة المنعم عليه تزولها ياذا الجبروت العظيم ويا القدير المقتدر تفزع لنا في معضلات(ن) مانريس حلولها تلعب بنا خلان .. فرقتنا كما لعب الكور إن أقبلت صاحوا لها وان دبرت صاحوا لها لا هبنا الطايف بعض الأحيان في فية عصر شهب الليالي من ورانا يسحبن ذيولها أنت السلام اللي لك الإسلام وانت المشمخر اللي عجايب قدرتك في المعجبين ذهولها سلام يامحمد رسول الله راعي الوجه الأغر وسلام ياروح(ن) ملائكة السما صلوا لها سلام يابوبكر ياعثمان ياعلي وعمر وسلام ياسبع الآفاق أطلالها وسفولها سلام ياصدق النوى سلام ياوسع الصدر سلام يامفتاح بيبان الفرج وقفولها وسلام ياشمس الضحى تشرق على بر وبحر وتشرق على كل الديار جبالها وسهولها وسلام يا غر السحاب اللي تبجح بالمطر و شم الجبال اللي تبجح بالسحاب قذولها وسلام ياهوج الرياح اللي عطاها مستمر مهما خذوا منها من الحسنات ماردوا لها ليت الرحاب اللي لنا بوجيهها حق وقدر ماتضمحل من الزمان ولانشوف سمولها وياليتنا لاما سرحنا اليوم الأبيض من فجر تبطي عبات الليل ماتضفي عليه سدولها والا ليا منها ضفن سدولها يطلع بدر ياصل ضياه اللي على الكوره تطق طبولها المعتبر ياخذ على الدنيا دروس من العبر والناس يكسبها معاملها بقد عقولها أحيان تصدف لعبة الشاطر مع غلطة عمر مره .. لكن لاعدت الغلطه ماعاد ينولها حنا عرفنا كلنا ماطال من شي(ن).. قصر والأحلام ماتوا قبلنا شرهين ماوصلوا لها حتى الجمال اللي تحملها الهقاوي بالصبر يالله بحملتها تقوم وتدرج بحمولها والحب سيسان العباده والعباده بالجهر إن ماقدرت تقولها وجه الصحيح يقولها يسرون عميان المحبه تيه في غدرا الغدر للي تحد سيوفها واللي تعن خيولها ولاتفكر في غناة ولاتفكر في فقر وتشفع لبيضان الصدورحظوظها وفعولها وأهل التكلف بالمعرفه والتصنع بالبشر والله ماهي حول الصحيح ولا الصحيح بحولها اللي يفضل مايقيم بو ميه من بو عشر حتى الفضوليه عن الفاضل بطل مفعولها اللي تخبره لحيته ذا .. طولها يصبح بزر واللي تخبره بزر يصبح لحيته ذا .. طولها
|
|
04-03-2018, 01:18 AM
|
#2 | |
 
|
الله يرحمنا برحمته ويحسن خاتمتنا
ورحم الله شاعرها واسكنه فسيح جناته واثق الخطوه اختيار رائع وموفق كلمات رائعه ومعبره يعطيك العافيه وماقصرت دمت متألقاً |
|
|
|
04-03-2018, 02:18 AM
|
#3 | |
 
|
ياذا الجبروت العظيم ويا القدير المقتدر تفزع لنا في معضلات(ن) مانريس حلولها تلعب بنا خلان .. فرقتنا كما لعب الكور إن أقبلت صاحوا لها وان دبرت صاحوا لها سبحانه ياسلام عليك من اجمل القصائد للمبدع رحمه الله عليه سعد بن جدالان ابيات محفوره داخلنا القدير واثق الخطوة اينما تكون يصحبك الجمال لله درك ابدعت في الانتقاء دمت ودام عطائك اتمنى لكم المزيد من التألق والتميز لك عمق الشكر .. وجزيله وأكثره  |
|
|
|
04-03-2018, 03:13 AM
|
#4 | |
|
الله يرحمه ويغفرله شاعر له وزن وبالقافيه الشعريه
تسلم الذائقةة العذبةة مديرنا طبت بخيروعافيةة .. |
|
|
|
04-03-2018, 12:40 PM
|
#5 | |
|
ذائقة جميلة وطرح رائع
قصيدة رائعة ومعبرة سلمت على روعة الطرح وجمالة ربي يعطيك العافية
|
|
|
|
04-06-2018, 05:55 AM
|
#7 | |
 
|
أنت السميع لمن حمد وانت المزيد لمن شكر
واللي مايشكر نعمة المنعم عليه تزولها اللهم لك الحمد والشكر ماشاء الله تبارك الله هذا القصيد اللي عليه الكلام رائعه جميله جدا بوركت اليمين وبورك الاختيار لك الفايف ستارز+التقيم. |
|
|
|
04-06-2018, 03:09 PM
|
#8 | |
 
|
ما شاء الله تبارك الله
قصيدة قمة .. رحم الله قايلها انتقاء اكثر من رائع مديرنا ذائقة فريدة يعطيك العافية الله يسعدك لسموك تقييمي وإعجابي و
|
|
|
|
العرض العادي
|
|
الساعة الآن 06:36 AM