تجمجمت جماتنا بجمة البير))

تجمجمت جماتنا بجمة ......... البير
وتمجمجت من جمته ..... يا جمانة
يا محلا ميه بصف ......... المغاتير
مرتاح بال ومن ورايه ....... حصانة
لا خايف منها ولا به ....... محاذير
وقتي معي وجمته في .... كيانه
قالت تعال اقلط على نية .. الخير
ضيف عزيز وعندنا لك ........ مكانة
واللي تريده اطلبه ...... بالتياسير
واللي تمنى شوفه يمك ... وعانه
لا تستحي واطلب ترى وضعنا غير
ولا غيركم في بيتنا له ...... ميانة
لولا غلاكم ما تجينا في ذا . الدير
ونياتنا بيضا ولا به ............. لعانة
يا شوقنا الغالي وزين .. التباشير
ترحيبتك تفقد القارظ ...... السانه
بس اسمحي لي اشكرك بالتعابير
واقدم اللي عندنا لك ........ اوزانه
هديتك بالحب ورد .......... ونواوير
وجمانة جلبتها من ............ جمانة

القارظ العنزي

إمبراطورة البحر ,أحلام منسية معجبون بهذا