ننتظر تسجيلك هـنـا


جديد المواضيع



مقتطفات عآمة بحر الموضيع العامة

إضافة رد
 
أدوات الموضوع انواع عرض الموضوع
#1  
قديم 04-09-2018, 03:11 AM
أحلام منسية غير متواجد حالياً
Saudi Arabia     Female
اوسمتي
وسام المشرفة المتميزة 
لوني المفضل Black
 رقم العضوية : 766
 تاريخ التسجيل : Jun 2017
 فترة الأقامة : 2466 يوم
 أخر زيارة : 04-25-2020 (04:51 AM)
 الإقامة : داخل القلوب الطيبة
 المشاركات : 149,568 [ + ]
 التقييم : 588940
 معدل التقييم : أحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond repute
بيانات اضافيه [ + ]

اوسمتي

Exll ديوان الامير الشاعر سعود عبد الله بن محمدال سعود





شاعر صافح بحروفه وبقلبه
وأحاسيسه جمهور الشعر
وعشاق الكلمة ..الامير والشاعر

سعود عبد الله بن محمد
بن عبد الرحمن
آل سعود ولد الأمير سعود عصر يوم الأربعاء
من سنة 1970 - 1390 هـ
توفي والده وهو يبلغ الثالثة من عمره
والدته هي الاميره العنود بنت سعود الكبير

ترعرع في حي البديعة حيث أمضى طفولته
ومراهقته وبقي ذلك المنزل عالقا في مخيلته
برغم انتقاله إلى منزل آخر وهو في المرحلة
الثانوية العامة.
طفولته كانت عادية ولكن وفاة والده
وهو في الثالثة من عمره جعلت حياته حياة
مختلفة نوعا ما لأن والدته أصبحت الأم
و الأب في نفس الوقت من أهم وأجمل
قرارات حياته تزوج في سن مبكرة
وهو في العشرين من عمري

درس المرحلة الابتدائية والمتوسطة
والثانوية بمدارس الرياض واكمل تعليمه
الجامعي بجامعة الملك عبد العزيز بجده
حصل على شهادة البكالوريوس
في الاقتصاد والإدارة العامة
وحصل على درجة الماجستير
من جامعة الملك عبد العزيز أيضا
اكمل رسالة الدكتوراه في قسم الإدارة
العامة وحصل على شهادة الدكتوراه
من الجامعة اللبنانية ببيروت

شارك في حرب الخليج كمتطوع على خط النار
في القوات البرية في دخول الكويت وتحريرها

في الشعر كانت أولى قصائده
وهو في الرابعة عشرة من عمره
وأول قصيدة نشرت في جريدة الجزيرة
في عام 1407 هـ
اصدر ثلاث دواوين شعريه
هي
خيل الفكر
خاتم الشعر والمارد
الاسامي
اقام الامسيات الشعرية
في كثير من البلدان
منها :
1- السعودية 4 امسيات
في كل من الرياض والشرقية وجدة
2-البحرين امسيتين
3-الكويت امسيتين
4-الإمارات امسيتين
5-سوريا امسية واحدة
6-مصر امسية واحدة

صدر له من المؤلفات كتابين
هما ..
كتاب الإدارة العامة
في المملكة العربية السعودية
سنة 1429هـ / 2008م
وكتاب تدريب المواد البشرية
سنة 1432 هـ/ 2011 م

لم يكتب إلاّ أوبريتين
هي
مولد أمة
وصفحة المجد
مولد أمة كان في مهرجان الجنادرية
وصفحة المجد أوبريت في دورة وفاء
باسم الأمير فهد بن سلمان رحمه الله
ولأجل فهد ولأن الدورة باسمه
كتب هذا الأوبريت





 توقيع :





آخر تعديل أحلام منسية يوم 04-09-2018 في 06:47 AM.
رد مع اقتباس
قديم 04-09-2018, 03:25 AM   #2


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي






قصيده غرق كل الورق
غرق كل الورق
والشوف غبش بين حجّانك
تعبت أكتب كلام
الحب
وتعاندني دموعي
تشيله حرف حرف
وتذبل الورده ببستانك
وانا أسهل شي وأصعب شي
لو بقول موجوعي
ترجّيتك بضعف الحب
ما توزن بميزانك
تشد الحبل لين يصير
بين إيديك مقطوعي
ترى هالقلب ما يتحمّل
تخلّيه ينشانك
وهو حتّى على صغره غدالك
صوت مسموعي
أنا حتى الهروب اللّى نويته
صار عنوانك
ما دامي لا مشيت بكل درب
تصير موضوعي
أشوف السحب وأشوف المطر
والعشب بألوانك
وأخلّي النجم لامني سهرت
بليلك شموعي
..................
قصيدة يا مر هالحزن
مرات تصدق علوم ليت ما تصدق
وأشين جميع العلوم الموت والفرقى
لا مات أبوك الذي بمحبته يفرق
تشوف حتى السماء سوداء وهي زرقى
الليله الدمع لحروف الحبر يسبق
وأورقنا من دموع عيوننا غرقى
سحاب حزن مزونه للصدر تحرق
يامر هالمزن والرعاد والبرقى
ياثوبي أغرق بدمع من غلاه أغرق
راح الذي من خلقه الله وهو يرقى
راح اللي أعده من قوله فهد تشرق
محرق قلوب الأعادي كلها حرقى
له صورة بالبياض تزود ما تعبق
حتى وهو فالقبرفي هيبته فرقا
رما عنان الفرس والسيف والبندق
وودع عروس الديار الشيخه الطرقى
اللي ربت بين كفينه وهو يفتق
صدر الدجاء لين شاف شموسها شرقى
والله هو اللي يميت ويحي ويخلق
والعين تدمع نهار الموت والفرقى
....................
قصيدة على فكرة مين
مين اللّي جابني عالبال
من اللّي ذكرك فيني
وهدايا الشوق وسنيني
أبد ما علّمك إني
نسيت جروح ظالمني
تجيني بكلمتين جداد
تظن إنك بترضيني
تقول آسف ومن عيني
أراضي قلبك الزعلان
تعلّم بعدي النسيان
وسلّملي على جروحي
وعطّني قلبي وروحي
وقول إنك عليّ غلطان
................
قصيدة بين البرد والبرد
بين البرد والبرد يا صاحبي فرق
وبينك وبين الناس حاجه وحاجه
يا ناعم الخدين من وجهك الشرق
يشرق سنا صبح الهوى ونتواجه
ويشيل لك قلب العنى سامره طرق
ويلبّسك زين المخاليق تاجه
حول من الهاجس على القلب ثم أرق
اشرب قراحه واعط غيرك هماجه
مالي بقلبي يا هوى خاطري عرق
يلقى بك القلب العليل انفراجه
متى القمر والشمس والنور والبرق
تهزم جبينك يا صعيب المواجهه
يا حارق قلوب توليتها حرق
ما أحد اذا طلّيت يرفع حجاجه



 

التعديل الأخير تم بواسطة أحلام منسية ; 04-09-2018 الساعة 07:53 AM

رد مع اقتباس
قديم 04-09-2018, 03:53 AM   #3


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي



أسرار القصيد
تسأليني عن أسرار القصيد
ما دريتي عن القلب العليل
اسأليني شقي ولّا سعيد
واسأليني عن انجوم وليل
واسأليني عن الجرح الجديد
اسأليني عن الحلم الجميل
شفتي الدمع فعيوني فقيد
ما بعد جفت اجراحه تسيل
اسمعي ضحكتي راسي عنيد
لا تضنين ما شفته قليل
كل فرحه لها عندي ضديد
اتركيني ترى صبري طويل
.............................
قصيدة لا تكون البحر
لا تكون البحر
وتفكر تخون بصاحبك
لا سرج مهر النهار الصبح
في جنح العتيم
لدلي ما لدلي غير الكلام بحاجبك
السحاب الأسود الداكن
اللي من سديم
صاحبي كيف اشتكي لك منك ولا اعاتبك
وكيف اروحك وارجعك
وارحلك وارجع واقيم
ودي اسال هو صحيح
اللي حصل لي عاجبك
لين صار من الحزن
دخان في عيني وديم
ليه مدري كيف ولا هالمتني قد زار بك
اسأله ما تنتهي وحكاية الحب القديم
قبل ما تصير البحر ويصير قلبي غايبك
شوف وش بعد الشبه بين نادم أو نديم
.......................
قصيدة محمد الدرة
كتبت هذه القصيدة بعد استشهاد
الطفل محمد الدرة في فلسطين
برصاص العدو الغاشم
محمد الدره من ما يعرف ها الإسم
كان في عمر الزهور كان في عمر صغير
وكان في جسمه صغيروكان في المواقف كبير
واجه افواه المدافع شايل كل المواجع
كلمة التوحيد وإيمانه في سلاحه
أمس زفوه في عرس الشهاده هالشهيد
ودعوه وواعدوه .. بجنة الخلد مع عمر
وابن الوليدسال له مليار دمعه
ودعه مليار مسلم
بالنصر والدعا .. والصبر لامه
يا إخوانه يلي بالمعارك طفلنا
هز العدو حتى لو راح وبقوا
لاح وجهه في سماهم
وشققت شمسه مساهم
ليتنا مثله نهز الريح .. أو نموت ونستريح
كل قطعة من حجر شالت يمينك
تهزم أنواع السلاح ومن يشيله
يا طفل الله يعينك
وقفتك في عين هالدنيا
ترى ما هي قليله
أمك تزغرد لموتك وتنتظر في الليل صوتك
إنت في الجنه وحنا كل يوم نموت موتك
حنا أمه تفتخر باجدادنا وامجادنا
كلنا نبغي الشهاده
ومن يخون الدين ويخذل بلاده .. ما هو منا
وكل أرض يرتفع فيها الاذان .. هي وطنا
يالمسجد الأقصى تجهزلك رجال
أبشر بنصر القادسية وحطين
ما فيه يوم إلا لهم مجد وأفعال
وحنا بعون الله بصدرك مصلين
حنا جنود الله تضرب بنا امثال
قليلنا دايم يهزم الملايين



 


رد مع اقتباس
قديم 04-09-2018, 03:59 AM   #4


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي





قصيدة لو ما نسيتك
لو ما نسيتك بعتذر لك تأخرت
اني نسيت أنساك في زحمة الناس
لا ما جرحتك و اعترف ما تعذرت
و لا ما انكسرت و جيت
لك طالب احساس
لا ما أنحنى راسي و لا تكبرت
انا العليل و خافقي يرفع الراس
صبرت لك يا ليتني ما تصبرت
هذي جروحك عدها كان تنقاس
لو صرت قلبي فانت لولاي ما صرت
و لو صرت زهر فالهوى الف نسناس
طال الحديث اللي به اسرفت و كثرت
ملت مسامع خافقي كثر الانفاس
أسهرت قلبي لك و يا ليتك اسهرت
قلبك معي لو في رجا قول لا بأس
لو ما نسيتك بعتذر لك تأخرت
اني نسيت انساك في زحمة الناس
...................
قصيدة ليه اخاف
ليه اخاف
ياللي علمت قلبي ما يخاف
الا منك
لين صارت هالسوالف
مره عنك .. و مره منك
و أنت بس اللي حبيبي
إيه اغار .. يكذب العاشق اللي ما يغار
لين مرت هالثواني
و ذاب فيني الانتظار
وانت ابد ما جيتني .. و لا لك وديتني
وانت عشاقك كثار
إيه أغار
لا تقول إلا متى
تنسى هالناس و تجيني
ادفني بكفي شتا
و قول يا قلبي و عيني
ياللي انت تحبني .. في عيونك ودني
ياللي ما اخاف الا منك
لين صارت هالسوالف
مره منك .. و مره عنك
و انت بس اللي حبيبي
............................
قصيدة البارحه
البارحه كانوا كثير
كان الحكي شوق و غرام
أحد حكى عني بخير
واحد ظلمني بالكلام
أنا حبيبك للأخير
لا تنزعج منهم حرام
يلي على جناحك أطير
للحب و قلوب السلام
تحبني بس لا تغير
النور يجرحه الظلام
لك عاشق قلبه كبير
و في داخل عيونه تنام
......................
لو كنت
لو كنت أنا الماء بكفك كيف تشربني
الماء يسيل وتصير الكف عطشانه
ارتاح يكفي عتابك لا تعاتبني
بعض الحكي ما يفيد القلب واشجانه
اتعبتك ادري ولكن طيبك اتعبني
وكل المعاذير لجل ارضاك سهرانه
ما شفتني يوم نام البرد في جفني
والشوق صاحي وعين الليل نعسانه
أنا كذا صاحبي لو كان تسمعني
مثل الورق لو يغيب آخره لغصانه
لو كل ليل نساه الحب يتعبني
ما كان نامت عيون الوصل حيرانه
.................
ما دريت
ما دريت و لكن البارح دريت
انها الفرقا حزينه يوم راح
طاح من عيني حديث و لا حكيت
كنت أضمه بين جفني بس طاح
باح من عين الحزن يوم انتهيت
و المولع لا تلومه لين باح
كنت أدور في ذنوب و لا لقيت
وكنت ادور لك معاذير و سماح
لو تعلمني متى هجرك نويت
كان اعرف ان الهوى ما به مزاح
آسف و لكن مع الذكرى سريت
من بداية هالغلا لين الجراح
ودي أعرف كيف في لحظه قويت
تاخذ من الروح كلمة ارتياح
لو نسيت انك بليله لي شكيت
و اني اللي شلت دمعك يوم ساح
و كنت احاول اسعدك لين ارتويت
و لين بعد الدمع فجر الثغر لاح
و لو ذكرت شوي في قلبك قريت
كان قلبي لك عن جراحك جناح
و انك اول و انك آخر كل بيت
و أنت ليلي و أنت في ليلي الصباح
سال من سحب الظما هجر و ظميت
و من غصونك يالشجر خافت رياح
لو نسيت فصدق اني ما نسيت
انك اللي خان وافي و استراح



 


رد مع اقتباس
قديم 04-09-2018, 04:16 AM   #5


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي





ديوان خاتم الشعر والمارد
قصيدة لاتحسف
لا تحسف أقبل الملح واقفى سكره
هي ثلاث اعمار وادوار في عمر الحطب
......
يا أخي ابهامك تعب ويش ذنبه تكسره
في جبين من الحسايف فـ .. غفلات العرب
......
ما كتب لك بين الأقدار لازم تبصره
وما منع ما والله يصير لك أو ينكتب
.....
خذ من الذكرى جناح السعادة واشكره
كم كفخ بك بين الأحلام لو كانت كذب
.....
وهزني بسم الفرج بين موجه وبحره
ول يا سود الليالي على كرسي الغضب
....
يوم كان النور شباك قبل تسكره
كان صوتك هو خرير السواقي في العتب
.....
هو حبيب راح ولّا حبيبه انكره
ما قوى يقضبه في عين محبوبه هدب
....
والوفا لا صار يحييه يوم وينحره
لا يهمك صيف قلبه ولو كله رطب
....
لا تدس السم للطفل يوم فسكره
وتنصحه لا ياكله وانت معطيه السبب
...............
قصيدة قالوا لي عنك
من هو بيبدأ بالوداع بعاف ولاّ عفتني
ياللي أبهديك الخيار وارجوك تهديني عذر
.....
يكفيني أشوفك بهم بعيونهم لا تزرني
بشفاههم وانت الحديث وانت الجمال اللي ندر
.....
قالوا لي عنك البارحه غلطت مرّة قلتني
قالوا لي إنك من خجلك السالفه راحت هدر
.....
مرّيتك البارح سهر ما ادري حبيبي شفتني
مرّيت بلسانك سكنت ما بين نونين وصدر
.....
أخاف تاخذك الدموع إذا حبيبي لمتني
واحط كفي لا تطيح واغضب على دمع حدر
....
أقول بنساك وعبرت مدري قدرت وخذتني
واصدّ عن كل النجوم واقول ما شفتوا بدر
....
هذا الحديث اللي تبي أدري بحبك نلتني
بس البدايات بقدر حتى النهايات بقدر
.....
منهو بيبدا بالوداع بعاف ولاّ عفتني
ياللّي أبهديك الخيار وارجوك تهديني عذر
...................
قصيدة ما لليالي طعم
ما لليالي طعم و الكحل معنا
يا كحلها يا احلى الليالي و الاسرار
....
غابت و ليت الشوق لحظه نفعنا
و الليل غاب و غاب فالقلب زوار
....
سال الحزن لين انتبه له وجعنا
الله واثر الجرح فالحب جبار
....
انا و حبك و الجروح اجتمعنا
نسأل طيوفك علها جابت اخبار
....
عنك نبي نرضى مشاعر ولعنا
اللي تبيع لعينك اقلوب و اعمار
....
كتا نتعاتب بس محدٍ سمعنا
انا و كل اللي تعرفه و الاعذار
...
وشلون تذكر و انت ما كنت معنا
يوم الليالي تنتظر منك مشوار
...
رحنا من البارح و لا له رجعنا
و جينا نعرف ان الزمن حيل غدار
...............
قصيدة تعلمت
تعلمت منك الليالي تجافي
ليه الليالي خذت مني قمرها
....
صحيت جرحٍ كان لرضاك غافي
و العين تحني جفنها من سهرها
....
لا غاب ليلك و اكثر الحزن خافي
بسألك عيني للبكا من ومرها
....
يطول ليل البرد ما صار دافي
ليلٍ همومه في ضلوعي نثرها
....
ذقت الجفا منه و لا قال كافي
ليل يذوق هالمشاعر كدرها
....
حبيب عمري ليه ما صرت وافي
و انت المحبة و السنين و قدرها
....
يا ليت تذكر ليلة كنت لافي
و قدمت لك عين السنين و بصرها
....
خليت لك كل الليالي خلافي
خذ ما تبي منها و عاتب سفرها
................
قصيدة سالفة ليل
أشيل همي لين يشرق نهاري
و لا تبين صوّت الهم لـ .. الليل
....
بالله يا باقي دروب المساري
أنا جروح و خطوة ما بها حيل
....
تعقب المسرى هبوب و ذاري
ما باقي الا جرح و شتات قنديل
....
يا قسوة الغربة على الجرح داري
تعللي و الجرح كله تعاليل
.....
و اسري مع نجمات عذب الطواري
و اروي الدروب و ربعي بالمماحيل
....
و يبدل الله همي اللي مباري
بالخير و يصير العنا سالفة ليل
............
قصيدة جف المطر
جف المطر يا سحاب الوصل به و اقفا
و عروق قلبي عليه من الأمل جفت
....
ما اختار هالديم غير القاع له ملفا
واهو السحايب على شانه له اصطفت
....
من كثر حبه غدا كل الحكي تكفا
يوم ان عين الوصل بموادعه رفت
....
يا ليت مذبوح بعد الحب ذا يشفا
أو نفسه اللي تتوق لصاحبه عفت
....
مير البلا ليت عين الهجر ذي تغفا
أو ليتها يوم قفا البعد له قفت
....
و قلبٍ ذبحته جفا ما كنه الاوفا
حط الخطا فالظنون و قال ما وفت
....
يالبرد ما اشتقت لو لحظة بها تدفا
و لا اشغلتك النجوم اللي بك انزفت
....
ودعتك الله بقول الحب ما كفا
و مشاعر الحب لجل ارضاك ما كفت
...............


 


رد مع اقتباس
قديم 04-09-2018, 04:31 AM   #6


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي





ديوان خاتم الشعر والمارد
قصيدة برق وسحابة

القصايد مثل برق وسحابه
تشربه عين وعيونك تخيله

والورق قاع والعشب الكتابه
والمعاني مثل روض ومسيله

والمنابت تراها ما تشابه
النفل والخزامى وش مثيله

صبح الاشراق يا سيف المهابه
يا مسا الحب يا العين البخيله

عاشقك بالهوى مغرم صبابه
خافقه بين كـفينه يشيله

هاجس مر ما جابه غدابه
هاجس فيك ما كفاه ليله

فـيه حكي بصدري ما درى به
وكل ما طاح حرف قمت اشيله

وبه بعينه حديث ما حكى به
اه لو بس يعطيني قليله

حرفي اللي احنه من عذابه
لين ناظر بعينيه الجميله

كل مـا مر نسناس وجابه
اطلق البال للهوجاس خيله

ابتدا به حديث ولا انتهى به
بين صدري والانفاس العليله
قصيدة جرح المودة
جرح المودة طاب وش عاد تبغين
خليني اعيش الحياة السعيدة
ما يرجع اللي فات لي دمعة العين
جربت كل الهم و انتي بعيده
جربت انا فالحب مر العذابين
ايام مرت في حياتي شديده
عذاب حبك يوم كنتي تغلين
و يوم الفراق الله بعد لا يعيده
لا عاد أنا راجي و لا عاد ترجين
خذي كلام اللي علومه اكيده
كنتي مجرد حلم راعيته سنين
و صحيت الاقي حلم عمري

قصيدة روحي فداك
روحي فداك
و كل من حب يفداك
يا غالي مالي من الناس غيره
العمر لك فدوه و ما تشتهي جاك
السمع يطرب منك في كل سيره
قلبي يفارقني لو اطريت فرقاك
عودته اللي منك عندي بريره
انت القمر ما ليله اخلفت مسراك
و انا خفوق يتبعه في مسيره
اي والله احبك و اراعيك و اهواك
بحر الهوى صدري و عينك غديره
القلب يتلونه محبه و يتلاك
ما شفت غيرك فالوجيه الكثيره
قصيدة مرت سنة
مرت سنه مالك على البال طاري
لا جاد لك حظ ولا سولفوا فيك


وينك بلم من الجروح الذواري
طال الهبوب وطال مسراه ساريك


لا ما انتظرتك بس طال انتظاري
لا ما ذكرتك .. بس لا تقول ناسيك


اشتاق لك مثلك .. وتشتاق داري
احتاج لك دايم ولو قلت ما بيك


لا تطري الفرقا ولا تقول ساري
تو الوصل ما بلل عروق مغليك


ما فيه غيري وانت والليل عاري
والنجم غاب ويا عسى القلب يكفيك


بهديك خفقه من خفوق المساري
وعطني عيونك لجل اشوف العمر فيك
قصيدة أبسألك
أبسألك
كل الوجوه اتغيرت
انتي من انتي بسألك
وليت الكراسي بس لك
كل يبي منا .. شي واماني كثار
وياليتنا حنا .. ندري الليالي قصار
وهذي الوجيه اسرار
لا تفضحي الخافي
دام العمر مشوار
كل الوجيه اتغيرت
وهذا مكان العام
ولا جروح العام
لا تصدقي هذا الظلام
باكر نبي نسافر
يا وجهك السافر
وننسى عواطفنا
ما كنا شفنا
ويا للي تعبت ارتاح
لا يتعبك من راح
ولو بطلب عيونك
هي لحظتين جراح
وكل الوجوه اتغيرت





 


رد مع اقتباس
قديم 04-09-2018, 04:42 AM   #7


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي





ديوان خاتم الشعر والمارد
قصيدة ذكروها

ذكروها بالغلا
واسمعو صوت المحاجر
وان قريتو دمعة
حولت شفتو قصيدي
الوصل وجه الرضا
والجفا حد الحناجر
ول يا جرح لفا
لو بري يظهر جديدي
كل صوت ما شكا
للوفا يا ناس فاجر
آه يا ليت الوفا
والهوى لو يوم بيدي
آه يا صوت طري
عز ما وصل الحناجر
واتركه بين الحكي
واسمعه باقصى وريدي
اضحك اضحك والجروح
امست بصدري تشاجر
وقلت هونك يا الجروح
ليت لو نزعل يفيدي
كل هالصدر امتلى
منه ثلمان ومفاجر
سيل حبه له هديل
كل ما هون يزيدي
بس احبه وراحله
واسكنه وارجع واهاجر
إيتخضع لي واحبه
واندهه للحب سيدي
قصيدة خل قلبي في مكانه
خل قلبي في مكانه
و ابتعد عني وسافر
يا خي شوف الطيور
و سو مثل الي تسوي
ما بقي فالصدر شبر
ينتظر منك الخناجر
و ما بقى لليل برد
يستحق اشب ضوي
كان لك في دنيتي سحب
و مطر و الفين حاجر
و كل هالدنيا دروبك
و البروق بروق نوي
مر مثل الطيف يوم
يمر وقت النوم عابر
لا تقول ان الصدر مرتع
غلا و ان الجو جوي
و لا تقول اني أكابر
و الله اني ما أكابر
و لا تعقد و لا تفك
و لا تحل و لا تلوي
كنت أكذب من يقول
الناس فالدنيا مخابر
لين شفت اللي تقول
الناس شوف العين توي
وان بغيت تقيم خلك
صاحبك منك مهاجر
لد للبعد وترك لك
خافق منك متكوي
قصيدة قال الصديق

قال الصديق و قلت وين الصداقة
اجرح ظلام الليل باشراقه النور

تسرق وجيه الناس عيني سراقه
لي نظرة ما كادها كل مستور

الله على اللي عاشقتني عشاقه
تموت لاجل احيا و لا تبدي شعور

تفيض لي حب و عطف و رقاقه
اثمن من المحار واحلى من الحور

مثل العسل يشفي و حلو مذاقه
ولا على الخلان ماني بمجبور

هذا الرفيق ان كان قصدك رفاقه
و أنا تراني صرت ما اطاوع الشور



 


رد مع اقتباس
قديم 04-09-2018, 04:57 AM   #8


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي





ديوان خاتم الشعر والمارد

قصيدة لو جيت
لو جيت .. لو طعتني و أوفيت
يا خي كفاك غرور .. وش فيها لو جيت

كان الليالي غير .. و كان القمر عاشق
و كان المحبة طير الساعه كانت ليل
و الظلمة فعيوني يآ آخر العشاق
لا ترحل بدونيو لو للمحبة حقوق
ما صرت لك سهران
كن السهر معتوق من حبس هالأجفان
يا مطوله بالك
و يا مقصر الأيام
ذوقني وصالك
لا تقول لي قدام
خل الغلا يحني .. جفنه على العشاق
و أحكي و تسمعني .. و أقول لك مشتاق
قصيدة خذ ذكرياتك
خذ ذكرياتك و خل الشوق فعيوني

يمكن فبعدي تشوف بعين ذكرانا

عسى يجي يوم تلقا نفسك بدوني
و تشوف وش سوت الايام بلقانا

غطيتك بشوق بين العين و جفوني
فالحلم كنا و جانا الوقت صحانا

يرحم زمان المحبة ضاعت ظنوني
ووقت نحسبه ذكرنا كيف ينسانا

أنا و قلبي و عين الحب و شجوني
ياما انجرحنا و ياما منك وش جانا

تعبتني وش بقا و الناس لاموني
شف فالمحبة طريقك وين ودانا
قصيدة ساري الليل
ساري الليل عود ما غفت هالنجوم
الله اللي جعلها في يدين الولا

لك بهالصدر نشوه و المحاني غيوم
ساقك الحب يمي في سحاب الغلا

خذت عنك السهر يا عل عينك تنوم
لين مل السهر مني و ضاق الفلا

كل ما جيت طيف ودعتني هموم
عاد وشلون لا من قلت لي يا هلا

ظالمي بس ابد ما قلت لك يا ظلوم
و انت قلبي بظلمك بالجروح امتلا

ينكر القلب حبك لا غدا الحكي لوم
وينزل الدمع لكن لا بكاك اعتلا

فيه للوعد باكر واقف خلف يوم
لا لباكر وصلت ولا خفوقي سلا



 


رد مع اقتباس
قديم 04-09-2018, 05:04 AM   #9


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي





ديوان خيل الفكر

قصيدة مداين الحب

مداين الحب تسأل عنك

و الشوق وقف على بابك

أنا بعد ما رحلتي ظنك
يا شين دنياي بغيابك

حياة قلبي وموته منك
من نجلك السود لاهدابك

أخفيت صوت الهوى واعلنك
من واجد الشوق غنابك

صوت الهوى بسألك ما احزنك
ولّا يذكرك بحبابك

غب يا الخلي دامني ظامنك
وما دامني باول كتابك
قصيدة بنفس اليوم واللحظة
بنفس اليوم واللحظة
سرينا للجهاد إخوان
حملنا الموت في ايدينا
ثمن لمشاهد الجنّه
غضب مجروح ساقه
في ملاقى المعتدي شفقان
يبي ثار الحريم
اللّي لصون العرض ينخنّه
يبي ثارٍ لعود ينتخي يبكي على شبّان
أحد تحت الثرى واحد أسير ما درى عنّه
يبي ثارٍ لطفلٍ دمعته هلّت على الأوجان
يشوف أبوه قدامه سيوف الغدر راعنّه
نعم نغضب لشوف الظلم
ونرد الظلم بالإحسان
وإذا ما فاد بالإحسان
سيوف الحق ردنّه
وحنا لاوردنا الموت
نورد وردة العطشان
نبيع العمر لاجل الدار
هذي عندنا سنّه
لنا عبرة بفعل اجدادنا
في ماضي الازمان
نبي من بعدنا يفخر
بفعلٍ فعلهم كنّه
تموت الناس وتخلد
فعول المجد للأوطان
ويبقى مجدها نبراس
كفوف الفخر شالنّه
ترانا الحلم عادتنا
نخللي للحلول لسان
ولا نغضب ولو يغضب
غشيمٍ زاد في زنّه
ولامنّا عضبنا أصعب
بشر ما همنا من كان
نخلّي من يشوف الفعل
منّا يختلف ظنّه
ولا نقبل بغير النصر
ولو قالوا كليف اثمان
لنا راس المعالي
يا المعادي ما بها منّه
قصيدة ليل الجفا
ليل الجفا ولا تباريح الاهات
والا الجروح المبطيه عاودتني

في غفلتي يا اللي معي كل الاوقات
مرت جروحك بالحشا وعرفتني

مرات اعرفك واجهلك حيل مرات
شوفيه قلبي شايله فوق متني

اثر الورق في بعض الاحيان ساعات
من عمرنا راحت ولا وادعتني

اذكرك تضحك لاجمل الوقت عبرات
هذي دموعي لجل عينك حكتني

يا ليل وش خلا الحكي يصبح سكات
ولا جروحي فالهوى ما لقتني

الله يا ليت المحبه مساوات
ما كان نمتي والنجوم سهرتني





 


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

مركز تحميل Top4toP


الامتدادات المسموحة: PMB | JPG | JPEG | GIF | PNG | ZIP

الساعة الآن 03:37 AM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
هذا الموقع يستخدم منتجات Weblanca.com
new notificatio by 9adq_ala7sas
User Alert System provided by Advanced User Tagging v3.1.0 (Lite) - vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.