ننتظر تسجيلك هـنـا


جديد المواضيع



مقتطفات عآمة بحر الموضيع العامة

إضافة رد
 
أدوات الموضوع انواع عرض الموضوع
#1  
قديم 07-26-2017, 12:26 PM
أحلام منسية غير متواجد حالياً
Saudi Arabia     Female
اوسمتي
وسام المشرفة المتميزة 
لوني المفضل Black
 رقم العضوية : 766
 تاريخ التسجيل : Jun 2017
 فترة الأقامة : 2466 يوم
 أخر زيارة : 04-25-2020 (04:51 AM)
 الإقامة : داخل القلوب الطيبة
 المشاركات : 149,568 [ + ]
 التقييم : 588940
 معدل التقييم : أحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond reputeأحلام منسية has a reputation beyond repute
بيانات اضافيه [ + ]

اوسمتي

82 روائع الشعر النبطي لمهندس الكلمة الامير ( بدر بن عبد المحسن )






الرسام ( والشاعر ) والأمير
بدر بن عبد المحسن بن عبد العزيز آل سعود
الابن الثاني من أبناء الأمير عبد المحسن
بن عبد العزيز آل سعود
والدته هي الأميرة وضحى الحمود الفيصل الحمود الرشيد
شاعر معروف على الساحة السعودية والعربية وهو أحد
أبرز روّاد الحداثة الشعرية في الجزيرة العربية
لُقّب بـ مهندس الكلمة، بعد المجهودات الكبيرة
في وضع نصوص أدبية ذات مستوى راقي تجمع بين
الغزل والفخر والرثاء والواقع الاجتماعي والسياسي
للمملكة و العالم العربي.
ارتقي بكثير من الاحسايس والمشاعر حتي ان
ذكرياتنا لاتخلومن قصائده في افراحنا في المناسبات
عندما قيل له ماذا تعني لك الانثى
قال الانثى اضخم من ان يتكلم عنها اي شخص
هي الام الزوجة الاخت والحبيبة هي نصف العالم
هي انسان عطاه الله الجمال والحنان والتميز
في شفافيتها ورقتها وسموها ولايمكن نوفيها حقها
بإختصار انه البدر في ليله الظلما من الشعر
من اشد المحبين لشعره وشخصيتة له أعمال كثيرة
احب ان اضع بين ايديكم بعض قصائده
( هام السحب )
فوق هام السحب و ان كنتي ثرى ..
فوق عالي الشهب يا اغلى ثرى
مجدك لقدام و امجادك ورى ..
و ان حكى فيك حسادك ترى
ما درينا بهرج حسادك ابد
انت ما مثلك بهالدنيا بلد والله ..
ما مثلك بهالدنيا بلد
من على الرمضا مشى حافي القدم يستاهلك
ومن سقى غرسك عرق دمع و دم يستاهلك
ومن رعى صحرا الضما ابل و غنم
يستاهلك .. يستاهلك .. يستاهلك
حنا هلك يا دارنا برد و هجير ..
حنا هلك يا دارنا و خيرك كثير
من دعى لله وبشرعه حكم يستاهلك ..
ومن رفع راسك على كل الأمم يستاهلك
ومن ثنى بالسيف دونك و القلم
يستاهلك .. يستاهلك .. يستاهلك
نستاهلك يا دارنا حنا هلك
انتي سواد عيوننا شعب و ملك
بيض الردون..
يبني السراب خيامها
وسط الخـــلا واقدامــها
تنبت عشب وتمطر غمام
لامن لمحت اثارها
يطري علي عشق الخلا
وقصيدةٍ (( لبن غيام))1
في حومة العقبان..
في الازرق .. الازرق..
شمس الضحى جمره..
شفت الندى يعرق
في وجنة النوار..
بدخل تحت سدره..
وما سحت الاغصان..
من ظلها البارد..
على الثرى الممطور..
واطلق عيوني طيور..
وانا على المشراف..
ومن حاجرٍ به شيح..
جول الحباري طار..
ريشه يخض الريح..
خض البحر مجداف..
وين انت ياالصقار..
جول الحباري .. طار...
بيض الردون .. طيري
برقة جناحك لي..
وحتوفك لغيري ...
( دروب الارض )
دروب الارض ..
توصلنا الاماكن وترجع !!
ويكفي هالسفر عذروب
بأن الارض ما تقوى الهروب ..
دروب وغير الارض
وين بتروح تسافر..
كان الصوت يرجع للحناجر ..
كان الجرح يرجع للخناجر
مثل كل الطيور اللي تهاجر
وترجع كل مرة
تعب هالبحر لا يجتاز
جدران السواحل
انا لي سنين راحل
حملت الطين
كله .. لكل الطين
قلي يا انا
الى متى وانت
على هذا الأنا مصلوب
دروب الأرض .. لكن
لكن
( اجمل الحزن )
يا اجمل الحزن .. لدموعك سلام
من حبيبٍ ... بقى منه الكلام
وين انا منك .. غربني الزمان
وخانني النور ... وابعدني الظلام
لو بعزيك ... سالت دمعتي
تدري الدمع في حبك ... حرام
لو بواسيك ... مايكفي الهوى
ولو أبي ... عذر مايكفي الغرام
أعطنى من عذابك يا البعيد
صرخةٍ ... تجعل ظلوعي حطام
آه ...لو في يدي أبكي معاك
قطرةٍ مادرى عنها الغمام
ماابخل الوقت ... يحرمني البكا
وانت لجلك حرمني الإبتسام
يا اطهر الحزن ... لو كان القصيد
يكشف الغم عن بدر التمام
لكتب الشمس شعرٍ في سناك
وامحي إمن السما...عج وكتام
ياعسي البدر نوره مايغيب
عن حبيبٍ بقي منه الكلام
( لامن غديتي شمس )
لامن غديتي شمس .. وشلون اعذلك
لابد مايظهر مع طلتك نور
ماالومهم لو لدت عيونهم لك
من ناظرك ياربة الحسن معذور
تلطفي وان كحل التيه نجلك
وتواضعي لوبك غدى الحسن مغرور
أغار لو بالزين قد ذكر مثلك
وأغار لو غيري سبقني لك شعور
لاصار لي قلبك .. وروحك .. ووصلك
لاقافلٍ بابٍ .. ولا بانيٍٍ سور
( الاربعين )
ادري ان الوقت يذهب ما يعود
اربعينٍ فارقتني يالعنود
ماطر الايام من غيم الزمان
ما يبل الريق لو مهما يجود
كم شربته صافيٍ بارد قراح
ما دريت ان الظما سر الوجود
كل شمسٍ تلمس اشجار العمر
تحرق الاوراق وتجف الفنود
وكل ريحٍ تدفع شراع العمر
ينقطع به حبل ويميل العمود
اربعين مرت وتوني صغير
انتظر لعل تصدق لي الوعود
والغريب اني على هذا مغبوط
ادري اني بخير لا شفت الحسود
الزمن يا بنيتي كله زوال
ما تخلد كود لحظات السجود
(سافري )
سافري كان يرضيك السفر
جربي لو ورى ليلي صباح
بدلي الرمل بأمواج البحر
واتبعي الغيم تحملك الرياح
سافري لين تبكين المطر
واضحكي لين ما يضيق البراح
ولا تعبتي وحسيتي بضجر
خلي الشوق لديارك جناح
أرجعي في ابتساماتك عذر
مثل ما الدمع في عيني سماح
انتي العين من طول النظر
وانتي القلب من كثر الجراح
( الروح الجريحه )
يا عذولي .. وش تفيد به النصيحه
لا تعذل القلب .. وجروحه طريّه
من يداوي علة الروح الجريحه
ومن يسلي دمعة العين الشقيه
ان شكيت من الهوى .. قالوا فضيحه
وان سكت استنقدوا جرحي عليه
وان نويت البعد .. ضاقت بي الفسيحه
وان بغيت القرب .. خان القرب فيه
من عذلني في الهوى الله يبيحه
ومن عذرني .. ما حصل مني خطيه
(حسايف )
التفت ...
وتوها ... توها ما اختفت ...
ماكساها الليل ... باللون الحزين ...
التفت ... وتعالت صرخته ...
في نظرته ...
صاح ... لكن بالنظر ...
وانكسر .... شوفه عثر ...
حسايف .. تذبل الضحكه وهى بين الشفايف ..
تذبل الفرحه وتضيع ...
ويصبح الكون الوسيع ...
مايكفي خطوتين .. لاكساه الليل بااللون الحزين ..
يوم مدلها يده ..
كانت الرجفه لقا ..
ودعت فيها الشقا ..
وتركت بين الاصابع ..
عطــرهــا ..
وعمرها ... عمرها ماجت على وقت الوعد ..
إلا ذاك اليوم ..
وعمرها .. مابكت .. وماضحكت ..
ماحكت له .. واسكتت
مثل ذاك اليوم ..
كانت اجمل من خياله .. كانت انظر ..
كانت اكثر .. من أماني عمره الظامي حنين ..
واختفت .. من كساها الليل باللون الحزين ..
اختفت في الطريق اللي معه..
كانت تجيه ..
كيف دربٍ جمعه معها .. خذاه..
ليتها اختارت سواه..
تزرع الفرقا لياليها .. عليه ..
وحسايف ... حسايف
( تحت المظله )
مطـر..معـلق ..بنـصف السـما.. لا ينـهمـر.. ولا يرتـفع
وكل ما بغـينا نجـتمع تحـت المصابيح الزرقـا يطيح منه رذاذ
اما انـهمـر فرقا .. و الا تـقـطع وصـل .. يا مـاطـر الليـل
لا تاقـف بوسـط الـسـما ..
لك هـالـشـوارع .. انما تـكـفيـك.. سـاعـه .. سـاعـتيـن
بنـشـيب وحـنـّا واقـفين.. تحت المظله .. ماهو خـوف من البـلل
لكن حـنيـن .. للمصابيـح الزرقـا.. ولليلةٍسـمراء.. سـماهـا صافيه
ومـوعـد لعـيونهـا..
والله غـرفنـا دافـيه..
ولهـا شـبابيـك وسـتايـر..على البـروق .. لكن .. زهـقـنـا بيـوتنـا
واللي يخـليـك .. اما انهـمـر.. والا ارتـفـع ..
تـمـرّ.. سـاعـه الا ربع .. وتـو الـسـحـاب.. مـا يـدري وش يبـي
أخاف أسـأل صـاحبـي .. ويقـول .. خـلـّـنا نـسـري..
ويـن نـسـري.. بـدري..
بـدري على المـسـرى ورا الـسـحاب قمـرا .. وقمرا ورا الأبواب
تبـي المطـر يـرقـا .. وتهـطـل نجـوم .. وتظهر علي ..أنا لـو علي
تحـت المصابيـح الزرقـا .. قـلبـي بيحـوم .. مثل الفـراش
تحـت الرشـاش .. والا الصحو .. لين أشـوفـك .. مـقـبـله ..
والله .. ضـلـوعـي مـبللـه.. بالـشـوق ..
ومـا ودي احاكـي صاحبـي .. ولا أسـاله .. بيقـول .. خـلنا نـسـري
ويـن نـسـري بـدري .. سـاعـه وربع.. وحـنا واقـفيـن تحت المظله
اما أنهمـر فرقـا .. والا تـقـطع وصـل .. يا ماطر الليـل ..
لا تاقـف .. بوسـط الـسـماء ..
( عطني المحبة )
كل المحبة عطني الحياه
عطني وجودي ..
ابغى وجودي أعرف مداه
املا شعوري بالحب مره
ابغى هواكم حلوه ومره
وأغلى الأماني عاشت في غربه
ياعمر ثاني عطني المحبه
عطني في ليل الياس شمعه ..
وبسمة نهار
عطني في ضياع العمر دمعه ..
وسكة ودار ..
واعطيك أمل في الحب غالي ..
يصعب على غدر الليالي ..
وأغلى الأماني .. عاشت في غربه
ياعمر ثاني عطني المحبه
( ردي سلامي )
حبيبتي...
ردي سلامي للهوى .. عذب السلام ..
وأغلى الأماني وللأمل .. كلمة ملام ..
قولي له إني ما هقيت ...
إني الى نحت وشكيت ..
ترجع ليالينا سوى شوق وغرام ...
سنين .. مرت وما أدري عن الأيام ..
يقولوا تفرق الأحباب ..
وانا أقول القمر ما غاب ..
من أول يوم تواعدنا ..
أثاري الوقت يخدعنا ..
ويبعد عننا الأحلام ..
قولي له إني ما هقيت ...
إني الى نحت وشكيت ..
ترجع ليالينا سوى شوق وغرام ...
حبيبتي يا نظر عيني ..
أشوف الليل ما بيني .. وبينك .. وكل الناس ..
أحس فـ نظرتك معنى ..
ودربٍ كان يجمعنا على الإحساس ..
قولي له إني ما هقيت ...
إني الى نحت وشكيت ..
ترجع ليالينا سوى شوق وغرام ...
( جمرة غصى )
جمرة غضى .. أضمها بكفي
أضمها حيل . .
أبي الدفا .. لو تحترق كفي
وأبي سفر لليل
بردان أنا تكفى .. أبي احترق بدفا
لعيونك التحنان .. فعيونك المنفى
جيتك من الإعصار .. جفني المطر .. والنار
جمرة غضى
والله الجفا برد .. وقل الوفا برد
والموعد المهجور ما ينبت الورد
ياحبي المغرور .. ياللي دفاك اشعور
رد القمر للنور .. واحلى العمر .. في وعد
بردان .. بردان أنا تكفى.. أبي احترق بدفا
يا أول الحب .. شفتك أنا مره
ويا أعذب الحب .. عشتك أنا مره
واهديت لك قلب
ورديت لي جمرة
ومن يومها كان الرحيل
وليل الشتا .. القاسي الطويل
وآه يا الحنين
لليل باب له حارسين
برد وسحاب
( لليل احبك )
لليل أحبك .. مابقى في السما نور
والى ضواني الليل .. للصبح أحبك
واللحظة اللي كلها صد وغرور
اشوف قبري بين عينك وقلبك
في صدري اسراجٍ حزين ومكسور
رغم المطر والريح شلته افدربك
والله مابه غير لوعاتي قصور
وخوفي عليك الله ربي وربك
إلى متى ببني على صمتك جسور
لاحيرتني اسباب سلمك وحربك
العمر احبك مابقي فينى شعور
ومتى جفاني العمر وشلون أحبك
( ابعتذر )
ابعتذر عن كل شئ ..
إلا الهوى ماللهوى عندى عذر
ابعتذر ...... عن أي شي
إلا الجراح ماللجراح إلاالصبر
إن ضايقك انى على بابك أمر
في ليلة ألم
واني على دربك مشيت عمري
وأنا قلبي القدم .........
ابعتذر ..ابعتذر ...كلي ندم
عن كل شئ ......... إلا الهوى
ماللهوى عندي عذر ......
اتصدقي ...ماخترت أنا أحبك
ما احد يحب اللي يبي ..
سكنتي جروحي غصب ..
ياحبي المر..العذب ...
ليت الهوى وانتى ...كذب
كان اعتذرلك عن هواى
وماأقول أنا كوني معاي ..
ان ضايقك انى على بابك امر
ليله ألم ...
وانى على دربك مشيت عمري
وأنا قلبي القدم .......
ابعتذر ..ابعتذر .. كلي ندم
عن كل شئ .. إلا الهوى
ماللهوى عندي عذر ..
الله كريم ..حبك ..يكون
جرحي القديم ..
وهمي القديم ...
والله عليم .. يا أحلي العيون
ان الفراق .. جزا الفراق
ابوعدك ..كان الطريق بيبعدك
بامشي بطريق ..
وكان الحجود بيسعدك
مالي رفيق ..
ابجمع اوراق السنين ..وأودعك..
كان الفراق اللي تبين ... الله معك
( ليل التجافي )
آآه من ليل التجافي ماأطوله
ليلة العاشق ثوانيها ليال
من يقول الشمـــس باكر مقبــله
كل شمسٍ مالها وجهك ظلال
بسألك باللي خذى منك الولـــــه
وحطه اف صدري واعطاك الجمال
حاكني لجل الليالــــي الآوله
آه انا بموت من ذل السوآل
هو صحيح انك حبيبي اللي دله
واستوى عندك فراقي والوصال
كل جرحٍ غير جرحـــــك بقبله
وكل ظلم ٍغير ظلمك لي عدال
يتبع .....





 توقيع :





آخر تعديل شواهيق يوم 07-26-2017 في 02:05 PM.
رد مع اقتباس
قديم 07-26-2017, 12:45 PM   #2


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي




( شكرا سحايب )
شكرا سحايب على لطفك
انتي مطر والصحاري الناس
قلبك شكا من كثر عطفك
لا باس هذا التعب لاباس
أغليك وان كنت ما عرفك
اخوين يجمعهم الاحساس
رسمك لحن رائع وعزفك
على القلم نوَّرالقرطاس
( سيف الغضب )
أفداك أنا كلي ..
عودي غصن يابس ..
لا تحرقيني اليوم ..
حر .. وسموم .. وصيف ..
إنتي إجلسي فــ ظلي .. ولا جا الشتاء يمدي
لا تجرديني اليوم .. خليني في غمدي ..
سيف الغضب ماضي خلي الكلام يموت ..
ووقت الغضب ماضي .. لا ترجعيه .. بصوت ..
وش كثر أنا راضي حبيبتي عندي ..
قولي لي يا بعدي .. يومين ماشفتك ..
يومين مالي عيون ..
محروقه أجفاني بشموع إحساسي
كانت دموعي فوق وجهي وانفاسي ..
وظلي على كتفك .. وراسي على زندي ..
أفداك أنا والله لاتسمعي رعدي
ولا يزعجك برقي ..
انا لو شكيت أحلم ..
ما به زمن نندم .. ومابه عمر للخوف ..
إنتي احفظيني فم .. ولا تحفظيني حروف ..
ولو غرقت فــ يم ..
لا تعشقي بعدي ..
( راعي الهوى مسكين )
شعر موج .. وقمر خد ..
دفا روح .. وطغى قد ..
وراعي الهوى مسكين ..
زهى الكحل .. في الحاجر الفتان
وسرى الليل .. تو الفجر ما بان
وراعي الهوى مسكين
كما الشمس .. يجهر سنا نوره
ما اقدر أناظر .. والعين مكسوره
وراعي الهوى مسكين ..
ثغر ورد .. ورده شكت ورده
من دونها الشوق .. والرمح والقرده
وراعي الهوى مسكين ..
( بحر العيون )

تقول اللي طرف عينك أنا مدري هدب
أو عود أحس اني من اللي صابها ماشوف قدامي
ضحكت .. وقلت لاتخافي على بحر العيون السود
على شط الكحل مريت .. وهذا موضع أقدامي
أدوّر عن ذهب عمري .. أدور كنزي المفقود
وأشوف الموج يطوي الموج ويبحر مركب أيامي
عيوني بسمة اعيونك ولو صارت مطر ورعود
أبا اشرب من ظما دمعك وابااغسل جرحي الدامي
عطيني عيونك الليلة .. وباكر ياعساه صدود
أمانه لا مسحتي الكحل خلي طيف أحلامي
أحبك كان يكفي الحب جروحي في هواك شهود
أنا اللي راس مالي حلم .. وهم الدنيا قدامي
( الله اقوى )
الله أقوى غدا شوفك سراب
كيف أبا أروي حنيني .. بالظما
يا ممنى حياتي .. بالسحاب
وين غيث المحبه .. ما هما
اجدبت بالحشا أرض العذاب
واشتكت من تجافيك السما
كيف ترضى عليّ .. طول الغياب
وانت حبك جرى مجرى الدما
يا حبيبي ذوى قلبي وذاب
من عذابــه وبيح ما كما
وعل عينٍ .. رضت فيك العتاب
تشتكي بعد نوره مـ العمَا
( جده )
إسقي كل البحر .. من طلك عذوبه ..
وانثري ضيك عليه ..
في المساء مر .. وشذى عطرك في ثوبه ..
وماسك الشمس بأيديه ..
وش عليه يلعب فـ شعرك هبوبه
ويغسل أقدامك في مده
ويكتم أسرارك في جزره
ويلقى في رملك لـخده لا تعب .. حضن ومخده
وكل ما جا الطاري في عرس وخطوبه ..
وقلنا مين هي العروس ..
قالوا : جده
لسا صوتك أسمعه .. آخر أيام الربيع
ويالمنادي في الطريق .. وش تبيع
بأشتري عمري العتيق .. لو تبيع
ولسا كيلو اربعه له مكانٍ في النفوس ..
وتبقى أيام الرطوبه والطفوله .. والجري تحت الشموس
أجمل أيام فـ حياتي ..
لما بيني وبين ( صالح )
تبتدي حرب البسوس ..
وتنتهي مرة بسهوله .. أنا العب فـ الظلال
وهوَّ يدخل غرفته .. يفتح الرادو ويغفى
وانا أحفر للمراكب .. في حدود الظل مرفا
وفي ضلوعي حلم .. وأمطار وخصوبه
ابني العالم وأهده ..
وكل ما جا الطاري في عرس وخطوبه ..
وقلنا مين هي العروس ..
قالوا : جده
إسقي باقي العمر من طلك عذوبه ..
وشدي أوتار الحنين .. مثل عود
واعزفي قلبي يعود ..
خصله من ليل الظفاير .. وضي من قمر الخدود
نرخي الماضي ونشده .. خيط قي البحر و جلب
ولو رحلنا عنها مدة .. وقلت أسماك الشعب
تبقى دايم هيَّ جده ..
وهي مكان اللي نحب
يتبع



 


رد مع اقتباس
قديم 07-26-2017, 01:18 PM   #3


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي




الخل العنيد
تل قلبي .. تل طيرٍ على طلعٍ وكيد
جود المقرود سبقه وعيا يطلقه
يوم فاع اركى جناحه على قاسي الحديد
وانكسر ريش النداوي ولا الله وفقه
يكفخ القلب المشقي على الخل العنيد
ما وفا بالعهد لا شك قلبي صدقه
واهني اللي على الحول ينبت له جديد
وش سواة اللي جناحين قلبه محرقه
يا لطيف الروح وبحق خلاق العبيد
اكرم المملوك بالوصل والا فاعتقه
(اقول احبك )
قلت الذي له داخل ضلوعي حروق
أقرب من اللي في سما الناس شارق
غيري يشوفك وأجود الشعر مطروق
وأنا أحسـّك وأصدق الحب فارق
ياللي عيونك دم وعيونك عروق
ولهاث قلبٍ فـي نواعسك غارق
أقول أحبك يخرج البحر صندوق
تبرالغزاة وكنز سود البيارق
وأقول أحبك صدرالايام مشقوق
عن وجه غرناطه وعن مهر طارق
وأقول أحبك والله إني من الشوق
ألقا طيوفك في جميع المفارق
كتبت لك قلبٍ من القلب مسروق
ولا طاب لي وصفٍ من الوصف سارق
( حلم )
أطوي الجديلة في كفوفي .. وهي ليل
ولا من طويت اليل .. صار الجديله
حلمٍ جمعني فيك .. ما كان بالحيل
حلمٍ ولكن .. شوفتي لك قليله
ناديت لك لين إسمعتني المواصيل
واشتقت لك .. كن العمر صار ليله
ولمستك بروحي .. وكانت قناديل
أصابعي .. والقلب نار.. وفتيله
ما هو غريب .. أبتل من جارف السيل
لا شك ينبت في عروقي خميله
( انفاس )
يازين مافي العيون نعاس
والقلب مشغول بهمومه
اما معي نطرد الهوجاس
والا لك النوم وحلومه
هذي نجوم السما .. جلاس
وعيبٍ على العاشق القومه
لاجل الهوى عذبونا الناس
ومن بيح السد ما الومه
انفاسنا ماغدت انفاس
من حرها دوم مكتومه
( انا الجفا )
عن كل نجم ظهر بسدل أجفاني
لعل ما عيش حزني لحظة غروبه
وعن كل خلٍِ طويل الصمت كفاني
الصاحب اللي قليل الهرج عذروبه
وعن كل ثوبٍ جديد باالبس أكفاني
وأدله ولا ألقى رسايل هم في جيوبه
أنا الجفا ليه أخاف الناس تجفاني
وأنا الحبيب الذي من يعشق عيوبه
راعي الوعد وأن صدق مرة ولاقاني
يحتار بين السراب وقلب محبوبه
يامن عذابه يشققني ويرفاني
فرقاك غصب علي بالحيل مكتوبه
خبرت نصف تعب من نصفه الثاني
بعضي الرماد وبعضي نار مشبوبه
( اغفر لي الزله )
أبيك في كلمةٍ لو هي خطا تغفـر لي الزله
وردتك ظاميٍ وان عز وصـلك بااقطع حبالي
أحبك ذا ترى أول كلامي .. وآخره كله
ولكن وش يضر اليـوم لو تدري عن احوالي
وخذ ما جـاز لك من هالحكـي واللي تبي خلـه
انا لا قلت ما في خاطري والله ما بالي
ظلال العاشق جروحه ومن ما يتبعه ظله
أمانة يا شعاع الشمس لا تغضب من ظلالي
وتقـدر تطـوي الدرب البعيد وتقـدر تفـّله
ولكن صعب تمنع في الهـوى صبري وترحالي
وتقـدر تغمد السيـف الرهيف وتقـدر تسلّه
ولكن عـند خلاّق البرية علم الأجالي
متى عمرك سمعت بعاشق قد مات من غلّه
هذاك الحاسد وراعي الهوى تتلفه الأمالي
حبيبي من يعـزك في الهوى ما تقدر تذله
ترى قربك يزيدك بالغلا وان عفتني غالي
( طفله وطفل )
غديت انا .. وانتي .. طفلة وطفل ..
تبكين فـ وداعي .. وانا كني مفارق أهل ..
وبيتٍ صغير .. ودربٍ كهل ..
ياللي على خدك كحل .. لوتمسحيه
وتتبسمي .. ما للبكا داعي
ياللي سنا عيونك أمل .. لا تقتليه وتتألمي ..
ما للبكا داعي
يا اول مواعيدي .. ويااخر مواعيدي
انتي فرح عمري .. وجرحي وتسهيدي ..
افارقك ليله .. يا طولها ليله ..
واجيك انا باكر .. وقلبي على إيدي ..
ومادري سبب خوفك .. وانتي العمر شوفك ..
ياللي على خدك كحل .. لوتمسحيه
وتتبسمي .. مال البكا داعي
ياللي سنا عيونك أمل .. لا تقتليه
تتألمي .. مال البكا داعي
وغديت انا .. وانتي .. طفلة وطفل ..
تبكين فـ وداعي ..
( صعب السؤال )
صعب السؤال .. ليه نفترق !!
صعب السؤال .. وين نلتقي
إنتي الجنوب .. وأنا الشمال ..
وما بيننا .. بحر .. ورمال
لكن نحب .. والله نحب .. وفوق الخيال
.. صعب السؤال
يا اللي اجمل من كلامي عنك وأقرب من سكوتي
آه يا طول المسافة بين احساسي وصوتي
ما هو غريب .. إني أسألك
و إنتي أنا .. كيف أوصلك !!
لا مستحيل .. هذا الرحيل
من يقطع الصمت الطويل
ويــدلنـــي ..
قصيدتي .. وين الحروف .. جف القلم
يا ضايعه .. ببرد الكفوف .. رعشة ألم
قصيدتي .. إلا الندم .. إلا الندم
بتسافرين .. وانتي معي
وبترجعين .. وانتي معي
قصيدتي .. لا تسمعي .. غيري قصيد
يا ساكنة افـ ورق الحشا .. وحبر الوريد
( عيونك )
شعرك كساه النور ما باج ظلماه
وخدّك غشاه الليل ما غاب نوره
فــ .. عيونك جنود .. وبواريد ورماه
غزو .. ورمشك صار مقدم سبوره
صبّح به اللي داله القلب بحماه
قبل النذير .. وقبل يملك شعوره
أنا الصويب اللي غشت صدره دماه
شلفا عيونك هشمت مش زوره
يامن يبي ذبحي .. وأبي منع لاماه
روحٍ شكت ظلمك تراها معذوره
يتبع




 


رد مع اقتباس
قديم 07-26-2017, 02:08 PM   #4


الصورة الرمزية شواهيق
شواهيق غير متواجد حالياً

بيانات اضافيه [ + ]
 رقم العضوية : 538
 تاريخ التسجيل :  Aug 2016
 أخر زيارة : 02-22-2024 (08:13 PM)
 المشاركات : 17,354 [ + ]
 التقييم :  75663
 الدولهـ
Saudi Arabia
 الجنس ~
Female
لوني المفضل : Black

اوسمتي

افتراضي



تسلم هالكفيــن ..آحلام منسيــةة
ع جمال الآنتقاء والأالتألق ..وراوئعطكـ ..الشجيــةةة ..
طبتي بخير
لك

يتم التثبيت
!!


 
 توقيع :

.آستغفرالله العظيمـ .
..



رد مع اقتباس
قديم 07-26-2017, 02:22 PM   #5


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي




( تخيل )
تاقف على طرف الهدب ما تلمحك عيني
عاتبت أكيد إن العتب ما كان يعنيني
سلم أبرّد السلام .. وهذا ترى كلّ الكلام
اللي بقى بينك وبيني .. تخيّل

اليوم مشتاق لسما .. للشمس والأرض البعيد
اليوم ولغيرك أنا يطرى على بالي القصيد
اشتقت للقلب الخلي .. وش هم لو تعتب عليّ
جيتك أنا بليلة ألم .. قلبي على كفي
همست لي روح يا غريب .. الشوق ما يكفي
سلم أبرّد السلام .. وهذا ترى كلّ الكلام
اللي بقى بينك وبيني .. تخيّل

من وين .. ومنين ومتى بالله ذكرني ..
جيتك أنا فليلة شتا .. تهزني ريح الشمال .. تهزني
محتاج أنا لبسمة وشال .. محتاج لك ..
تركتني لبرد الطريق وأنا على بابك
أتذكر إنّك قلت لي .. بالله وش جابك ..
ودعتني قبل السلام .. وهذا ترى كلّ الكلام
اللي بقى بينك وبيني .. تخيّل
(ارفض المسافة )
ارفض المسافه
أرفض .. المسافة
والسور .. والباب والحارس ..
آه أنا الجالس ورى ظهر النهار ..
ينفض أغبار .. ذكرى
أرفض .. يكون الإنتظار .. بكرا
أبسقي ..عطش قلبي اليابس..
على اشفاهي ..
بقول أحبك ..
أرفض إني أموت في قلبك
مادرى بموتي أحد .. حتى أنا
أرفض الصورة .. على الرف البعيد
وجهك المحبوس في ورق وحديد
أرفض احساس الحبر
وجرح سكين السطر ..
أرفض الليل ..الحصار
حبنا خلف الجدار
آه أنا الجالس ورى ظهر النهار ..
أنفض أغبار ذكرى
أرفض يكون الإنتظار .. بكرا
مثل البكا .. حبيبتي تحتاجني ..تحت الظلام ..
ومثل الفرح .. حبيبتي أحتاجها .. وسط الزحام
الحب علمها السكوت ..
والحب علمني الكلام ..
أرفض الصمت .. الحوار
بيننا .. خلف الجدار..
أبسقي عطش قلبي اليابس ..
على شفاهي .. بقول أحبك ..
أرفض إني أموت .. أموت في قلبك
مادري بموتي أحد .. حتى أنا
( الرسايل )
وليله كانت الفرقا
و قالت لي .. فـ أمــان الله
و ليله ذكرها يبقى
على جرحي .. و لا انساه
و جت تاخذ رسايلها ..
و خصله من جدايلها
و تديني جوباتي
بقايا عمر بسماتي
و قالت لي .. فـ أمــان الله
في ليله كنها الليله عرفتك بسمتي و فجري
و ليله زي ذي الليله و هبتك في الأمل عمري
و يا ليت البسمه ما كانت ولا الاحساس
وياليت الدنيا خانتني و كل الناس
و لا خنتي هواي انتي
و لا قلتي .. فـ أمـان الله
لا تردين الرسايل ويش اسوي بالورق
و كل معنا للمحبه ذاب فيها و احترق
لو تركتيني في ليله بسمتك عند الرحيل
دمعة العين الكحيله عذرها الواهي دليل
و ليله كانت الفرقا
و قالت لي فـ امان الله
( الله البادي (وطني)
الله البادي .. ثم مجد بلادي ..
ديرتي .. غيرتي ..
حبي اللي في العروق ..
جارفٍ .. دافي .. صدوق ..
حالفٍ ما أشرب و أذوق ..
غير حب بلادي ..
و غير عز بلادي ..
دارنا ماهي في كل الديار ..
شمسها .. تسبق الشمس بنهار ..
و أرضها .. تزهر أمجاد و فخر ..
أهلها اهل الشيم .. عمروها من عدم ..
سطروا فوق العلم .. لا إله الا الله ..
الرمل .. عانق السهل الهضاب ..
وحدةٍ .. تجمع قلوب و تراب ..
شرعها .. حكمة الله في الكتاب ..
أهلها اهل الشيم .. عمروها من عدم ..
سطروا فوق العلم .. لا إله الا الله ..
( زمان الصمت )
وترحل .. صرختي .. وتذبل
في وادي لا صدى يوصل .. ولا باقي انين
زمان الصمت ياعمر الحزن والشكوه
ياخطوه ماغدت تقوى .. على الخطوه
على هم السنين .. وترحل صرختي وتذبل
حبيبي ياحبيبي ..
كتبت اسمك على صوتي ..
كتبته في جدار الوقت
على لون السما الهادي .. على الوادي
على موتي وميلادي ..
حبيبي لو ايادي الصمت .. خذتني لو ملتني ليل
حبيبي ياحبيبي
انا عمري انتظاري لك
لاتحرمني حياتي لك ..
وترحل .. صرختي .. وتذبل
( قصت ظفايرها .. ودريت )
البارحه .. جاني خبر ..
أدري لبست خاتم عقيق ..
وتقرا لها كتاب .. عتيق ..
كتاب .. واظنه شعر ..
أحفظ أنا حجار الطريق .. اللي يودي لبيتها ..
واعرفها زين ..
واعرفها زين ٍ وانا ..
لا شفتها ولا جيتها ..
قابلتها صدفه .. على شفاه الصحاب ..
همسة أمل حسيتها
ودمعة عذاب ..
وصارت هي الخبر الجديد ..
وعلومها همي الوحيد
وش عاد .. لو كانت بعيد ..
بين الحروف حبيتها ..
حبيبتي .. يا حلم ..
ياللي أعرفك اسم ..
وجهٍ تصوره الحروف .. واتخيله ..
نجم ٍ احس انه قريب .. ما اوصله ..
انتي اللي اعرفه .. زين ..
واللي اجهله انتي ..
حبيبتي .. وياليتها ..
اعرفها زين وانا .. لا شفتها ولا جيتها ..
( قلت المطر )
قلت المطر قالت من الـيوم ديـــمه
ما به رعد لا برق ماغير هـــــــتان
عشق جمع ما بين قـاع وغيمــــه
سيّل علي صدر الثري دمع الامزان
همس النديم اللي يـعاتب نديمــــه
صوت المطر كنّه تعاتيب خــــــــلان
تبسّمت لاجل اللـيالي القديمــــــــه
وقالت تذكّر قلت يابنت نسيــــــــــان
نقض الجروح اللي تشافت ظليمه
ما عاد به وصل ولا عاد هجــــران
ما للرجا في بعض الاحـــوال قيمه
و ما للعمي صبح ولو بات سهران
لو للزمن عن نيّة الغدر شيمـــــه
ما فرّق احباب ولا بعّد اوطـــــــــان
لاشك وينك يالقلوب السليمــــــــه
اللي تجازي عن خطا الخل غفـــران
كلن خصيم وذاق لوعة خصيمه
واللي خصيم الوقت يا بنت خســران
( ياطفلة تحت المطر )
يا طفلة تحت المطر .. تركض واتبعها بنظر
تركض تبي الباب البعيد .. وتضحك على الثوب الجديد
ابتل .. وابتل الشعر
لو رميتي شالك الدافي .. على متن السما
دفيت الشمس من فصل الجليد
لو نثرتي صوتك الغالي .. على صدر الظما
انبت العشب واخضر الجليد
يا طفلة تحت المطر .. تركض واتبعها بنظر
تركض تبي الباب البعيد .. وتضحك على الثوب الجديد
ابتل .. وابتل الشعر
( كل ماقفيت )
كل ما اقفيت ناداني تعال
وكل ما أقبلت عزّم بالرحيل
الحقيقة غدت مثل الخيال
هو عدوّي وهو أوفى خليل
شفت أنا الظلم من بعض الدلال
يجرح القلب لو كانه جميل
يوم ٍ أجنبت واعدني شمال
يا أهل الحب ضيعت الدليل
أشهد إن الهوى ما به عدال
هو خلي ٍ وأنا قلبي عليل
كل ما قلت له يا ابن الحلال
المحبة عطا وانت بخيل
التفت يمي وهو عجل ٍ وقال
لذة الحب في الشي القليل
( المرايا )
كلنا عشاق لكن
انتي لا ما أنتي معايا
ولما تجمعنا الأماكن
تأخذك مني المرايا
انتي مشغولة بروحك
ما ملك قلبك وروحك
لا انا ولا سوايا
كلنا عشاق لكن
كل واااحد له حكاية
أعطي ظهرك للمرايا وشوفي غيرك
اظهري من ليل كحلك ومن اساورك وحريرك
افتحي الشباك مرة شوفي هالناس في الشوارع
وش كثر هالغربة مره اللي وسط الزحمة ضايع
انتي مشغولة بروحك
ما ملك قلبك وروحك
لا انا ولا سوايا
كلنا عشاق لكن
كلنا نحبك
وانتي جرحك فيا ساكن
وانتي جرحي برا قلبك
امشي لو نصف المسافه
وقفي بينك وبيني
اكسري كل المرايا
انتي اجمل وسط عيني
ياللي مشغولة بروحك
من خذا قلبك وروحك
هو انا ولا سوايا
( انت والا الموت )
ان رفعت الصوت .. صحت يا بعدك
وان قويت سكوت .. آه .. آه .. آه يا بعدك
انت ولا الموت ما حد ٍ بعدك ..
وين أرضك وين .. يا دوى المجروح
ان فقدتك عين .. ما فقدتك روح
انت شينك زين .. ارجع و مسموح ..
بالجدايل شيب .. من سبب هجرك
لو سنين تغيب .. جيتك عذرك ..
كيف أببكي عيب .. كود في صدرك ..



 


رد مع اقتباس
قديم 07-26-2017, 02:27 PM   #6


الصورة الرمزية عاشق الذكريات
عاشق الذكريات غير متواجد حالياً

بيانات اضافيه [ + ]
 رقم العضوية : 775
 تاريخ التسجيل :  Jul 2017
 أخر زيارة : 08-06-2023 (11:33 AM)
 المشاركات : 36,274 [ + ]
 التقييم :  286614
 الدولهـ
Saudi Arabia
 الجنس ~
Male
 SMS ~
عاشق الذكريات
عاشق الذكريات
عاشق الذكريات
عاشق الذكريات
لوني المفضل : Cadetblue
افتراضي



أحلام منسيه
اجمل من هذا الشعر
تنسيقك وترتيبك واختيارك
مجهود مميز و اكثر من رائع
تستحقين الفايف ستارز
والله يعطيك العافيه وماقصرتي
ودي


 
 توقيع :








رد مع اقتباس
قديم 07-26-2017, 03:51 PM   #7


الصورة الرمزية انثى مختلفة
انثى مختلفة غير متواجد حالياً

بيانات اضافيه [ + ]
 رقم العضوية : 751
 تاريخ التسجيل :  Jun 2017
 أخر زيارة : 03-24-2020 (12:49 AM)
 المشاركات : 148,019 [ + ]
 التقييم :  699184
 الدولهـ
Saudi Arabia
 SMS ~
لوني المفضل : Black

اوسمتي

افتراضي



الله عليك وعلى هذا الطرح المتفرد بالجمال
البدر من الاسماء الرائعة في عالم الشعر
انا من اشد المعجبات بشعرة
متصفح انيق .. ابدعتي ي جميلة
كل الشكر لك على روعة طرحك


 
 توقيع :


امبرا تسلم ايديك ي قلبي على هذا الاهداء المميز


رد مع اقتباس
قديم 07-26-2017, 07:48 PM   #8


الصورة الرمزية عواد الهران
عواد الهران غير متواجد حالياً

بيانات اضافيه [ + ]
 رقم العضوية : 734
 تاريخ التسجيل :  May 2017
 أخر زيارة : 09-23-2017 (10:07 AM)
 المشاركات : 1,382 [ + ]
 التقييم :  2928
لوني المفضل : أ‌أ‡أ‘أ›
افتراضي



صاحب السمو الملكي..................
شكرا...........


 
 توقيع :
الناس ماهم واحداً بالموازين=وماكلهم يستاهلون الصداره

من ناظرك بعين شوفه بعينين=ومن هو سال عنك تتبع اخباره

من باع بيعه لاتفكر بتثمين =لاتعبره..لاتستمع لاعتذاره

من قصيده لي/ ديواني الشعري بموقع الشعر


رد مع اقتباس
قديم 07-27-2017, 12:27 PM   #9


الصورة الرمزية واثـــ الخطوة ـــــق
واثـــ الخطوة ـــــق غير متواجد حالياً

بيانات اضافيه [ + ]
 رقم العضوية : 1
 تاريخ التسجيل :  Sep 2015
 أخر زيارة : 03-27-2024 (09:14 PM)
 المشاركات : 81,634 [ + ]
 التقييم :  455574
 الدولهـ
Saudi Arabia
 الجنس ~
Male
 MMS ~
MMS ~
 SMS ~
لوني المفضل : Blue

اوسمتي

افتراضي



مجهود مميز رائع

لك التقييم و الختم

بارك الله فيك ع الطرح

وفقك الله و رعاك


 
 توقيع :




رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

مركز تحميل Top4toP


الامتدادات المسموحة: PMB | JPG | JPEG | GIF | PNG | ZIP

الساعة الآن 01:41 AM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
هذا الموقع يستخدم منتجات Weblanca.com
new notificatio by 9adq_ala7sas
User Alert System provided by Advanced User Tagging v3.1.0 (Lite) - vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.