والله اني ما حسدت الا المرايا

الغلا ماهوب في سعر الهدايا
..........الغلا فاللي مقدم لك هديه



دام قدره غاليً بين الحنايا
.......مايهم القلب وش نوع العطيه


وأنتي أغلى يا (...) كل الصبايا
.......والهديه جات من كفً نديه


تعتبر بعد اللقا عندي بقايا
........ذكرياتً تطري الموقف عليه


العيون الحور مع سحر الشفايا
.......وعطرك الجذاب والريحه زكيه


كلها في داخلي سوت سوايا
........سحرتني وأودعت قلبي ضحيه


ياعظيمة فالوصوف وفالمزايا
........أعشقك عشق البدو للشاذليه


حبنا مبني على بيض النوايا
.......مايهزه ريح والنية مطيه


مابخلنا مع بعضنا بالعطايا
......والمعاتب حكمنا وقت الخطيه


والله أني ماحسدت الا المرايا
......حظها في شوفتك صبح وعشيه

روح نقية ,باشة الغيد معجبون بهذا

سَلِمتْ الأيَادي ودَام عطَائَكـ
بإنتظار جَديَدكـ المَمَيز
أكاَليِل الشُكرْ

اسهرني الجرح معجب بهذا

أبيات بقمة الروعه
واختيار ينم عن ذائقه شعريه
سلمت يمناك على الجلب المميز
لاعدمنا حضورك وتألقك
دمت بسعاده