ننتظر تسجيلك هـنـا


جديد المواضيع



مقتطفات عآمة بحر الموضيع العامة

إضافة رد
 
أدوات الموضوع انواع عرض الموضوع
قديم 04-09-2018, 05:20 AM   #10


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي





ديوان خيل الفكر
قصيدة الحلم
الحلم انا .. مدري أنا الحلم

وانتي الحقيقه والمنام

وآه يا طول العنا

وكثر السؤال

لمرايتي من أنا

حبيبتي إذا طريتي بالخيال

اللي ابد .. لا ما نساك

ابنتظر لحظة جفاك

علها تسمح

وانساك يوم

ودي اعرف من أنا

حبيبتي أمس .. وانتي فجر باكر

يا فرحة اليوم

حبيبتي والله

منك تغار نجوم

لا صرتي القمرى

وفي عيني الشمس

سافرت فعيون الظلام

وقفت أبي بعض الكلام

اللي نساني .. مدري نسيته

وشفت المواني .. بذيك العيون

اللي نست موج البحر

مثلي أنا .. ناقصها شي

حبيبتي سافرت .. لجل انسا

وطيفك معي سافر

آسف .. كلك معي سافر

من المدامع للعيون

ومن الخواطر للخيال

وكنتي الحديث

بين الدفاتر والقلم

حبيبتي انتي نسيانك محال

لأنك انا

حبيبتي انتي الحلم .. انتي الحلم

قصيدة شط الأرق
مريت وعيونك بحر
واهدابها شط الأرق
وردت لأمواج العيون
والملح ما يروى ظما
فعيوننا باكر وعد
باكر ورى باكر غرق
شف باكر اللي ننتظر
في مهجة الياس ارتما
ناظر جفون البارحه
من خوفها نز العرق
تحكي عيوني ليلتي
لا صارت ادموعي دما
تمر فعيون الجراح
خل لخلانه درق
يضحك و هو يجرح بهون
و ان قلت له جرحي كما
انسى مثل باكر نسى
لا مرّه اليوم وشرق
نبدا مثل شمس النهار
ماهمها ليل العما
احتاج لك و انت الحبيب
اللي على بابي طرق
أنا الحبيب اللي دمحت
و انت الحبيب اللي رما
لك صاحبٍ يضماك شوق
وان جيت فعيونه شرق
من فرحته تنبت نجوم الليل
لا صرت السما
بالخير يا برق الغرام
اللي من البارح برق
تباشرت بك مهجةٍ
مدري تباشر بك غما
من امس لك طيفٍ مقيم
بين الخواطر والورق
يا مرحبا وانت الحديث
اللي على اوراقي نما

قصيدة ضاقت دروبك
ضاقت دروبك وين بالقاك خلّي
الشوق جابر واصدق العشق ذبّاح

بالله من لك وانت لولاك من لي
كانه صحيح فعطني الود وارتاح

بعطيك كل الحب يكفي تغلّي
ترى بصدر العشق حكي ولا باح

جمر الغضى صدري وهذا محلّي
وهذي دلال بالغلا هيلها فاح

قبلك وانا شوف المحبه تسلّي
وبعدك كتمت العشق والعشق فضّاح

وكاني جرحتك لو دقيقه فقلّي
ولا انتظر عينك ولا اسألك من راح

كن الوصل نجم تركته يصلّي
بين السما كنّه لهاليل مصباح


قصيدة ليل الموادع
أه ليل الموادع باول الصبح مدّو
وبين هاك المحاني للمحاجر كلام

ليه حنت ركايب حبنا يوم شدّو
ليه ما زهر حديثي يوم شليت خيام

الليالي تفرق مدري الناس صدّو
ويل عين المسافر لين حل العتام

ليتهم يوم مرو بالمعاليق لدّو
أجدبت كل نبته والمحاني حطام

ساترتني ثيابي والبلا يوم عدّو
شققوا صدر ثوبي واستباحو ظلام

يا عرب لي خفوق ردو القلب ردّو
صحت والعين نادت غاب بدر التمام

روحوا للسلامه يوم شدو ومدّو
وللموعد تحية وللموادع سلام




 
 توقيع :





رد مع اقتباس
قديم 04-09-2018, 05:31 AM   #11


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي





ديوان خيل الفكر
قصيدة كل الأماكن
كل الأماكن تنتظر في غيابك
و كل الدروب اللي تحب سألوني

كتبتني بأول سطر في كتابك
ونسيتني فيني وفيك اذكروني

وان علني بعض المزن من سحابك
أنا غرقتك في سحايب عيوني

اخاف ما يشبه رجوعك ذهابك
الشوق يذبل في كثير الظنوني

واصعب سؤال ما درى عن جوابك
يسكب خيوط الفجر داخل جفوني

كل الكلام اللي بقلبي هلا بك
تهز لك جذع المسافه شجوني

قصيدة الرياض العمر
البارحة واهل الوفا سهر وسهاد
والحاجب الطلق الرخي صار معقود

والناس خل الحكي ما تقبل الزاد
واللي فعل هالفعل خايب ومقرود

دام الرجال جبال والعز وقّاد
يا جهلهم ما انهز في هالثرى عود

يا دارنا دام الغلا ورث الاجداد
خطاك سوء الجهل واحلامه السود

تبقى الرياض العمر فعيون الاسياد
مر المربّع وانشده عن هل العود

هذي ثلاث قرون في دار الامجاد
والدار لاهل الدار من زود في زود

ندري لنا من بين هالخلق حسّاد
واللي بنعمه من هل الشر محسود

انّا هل العوجا مهمات وجهاد
وانّا لبيت الله خدام وجنود

حمالة المصحف وغيث للاجواد
ولكل ناوي شر نار وبارود

وانّا الغضب والجهل لاجات بعناد
وانّا العقل والعدل والطيب والفود

داري سيوفك حدب ورهاف وحداد
تاريخها بالفخر والعز ممدود

قصيدة رحلت
رحلت وجمّع طيوفك حبيبي لا تعذبني
تعبت اجمّع طيوفك وعيت ترحل بدونك

حبيبي ذا شعوري صدق قلته لا تكذبني
وقفت وكانت الذكرى مشيت وكانت عيونك

اهد اللي يعلقني بحبك والغلا يبني
تصدق لين مريته مكانك يسأل اش لونك

اصد وكني المخطي سؤاله عنك يتعبني
ألا ياخل يا صعبك ولا ياخل يا هونك

أنا ودي بعذروب على وصلك يعاتبني
واثر حتى عذاريبك بياض يشبهه لونك

بربك لا بغيت ارحل بعيد هناك قربني
ترى لو مرت وجيه كثيرة ما يكفونك

قصيدة الرجال أفعال
الرجال أفعال وأقوال ومبادي
والزمن ما علم البخل العطيّة

وباخص الدنيا يقود ولا يقادي
والصّواب اللّي يعلمك الخطيّه

والردي وجهٍ كريم النفس غادي
على ايدينك يالرّدي تكرم ايديّه

والنوايا بالصّدور وبالفوادي
والصلاح بلحمةٍ بالصّدر نيّه

هيه يا صوتٍ من البارح ينادي
بين خلجان الغلا والمقدريّه

نخلة التاريخ تنبت من بلادي
نخلةٍ صارت لها الدنيا هديّه

الوفا في ديرتي ما هو بعادي
من مهاد الطفل لا حد المنيّه

بين كفّينه رجالٍ للهجادي
ولاجل عينه لو تموت الروح حيّه

والرفيق اللّي أنوخ له ودادي
ما عليه من الزمان وما عليّه

الجواد يجيك من ظهره جوادي
والحديّه ما تجيب إلا الحديّه

علّ غصن ما يجي ظلّه برادي
تقلع جذوره قبل يظهر خويّه

ألف علم وألف درب وألف وادي
كلمها مرت من البارح هنيّه

قصيدة ما فيه مثلك
غريب صادق وافي حيل كذاب
مدري انا بأي دروب اتجه لك

بخيل معطي مخطي حيل عتاب
لا جافى طبعك ولا زاد وصلك

البايع الشاري جحود وطلاب
يشكيك قلبٍ ما أحد فيه قبلك

ان جيت فدروب الحكي شفتك احباب
واعطيك كلي وانت ما قلت وش لك

لو قلت ابخفي شفت فعيون الاصحاب
انت الحبيب وكل شيء شهد لك

في حجر عينك صادق الشوق ما ذاب
تخفيه ليه وفرحتي سامرت لك

ما غاب فيك الحب لا لا ولاتاب
ادري انا اللي في خفوقك ونجلك

حنا الحبايب وادري الشوق ما شاب
ما فيه مثلي وانت ما فيه مثلك




 


رد مع اقتباس
قديم 04-09-2018, 05:40 AM   #12


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي





ديوان خيل الفكر
قصيدة فعيونك اسرار
فعيونك أسرار تقتلني و تحييني
ميلاد عشق وعذاب قلوب فعيونك

في رحلة الشوق وش ودك تسميني
شهيد هالحب ولا صرت مظنونك

وان جيت تسأل أنا في هالحكي ويني
نظرات عيني على حبك يدلونك

يا أنت مدري ولكن كنك سنيني
و الفرق في بسمتي بالقاك وبدونك

من حلمي اللي أحبه لا تصحيني
يا اجمل العشق واجمل منّه شجونك

تقول وش فيك وانا اقول وش فيني
ما فيني الا اني من سنين مجنونك

أحيان اهوجس وبالهاجس تلاقيني
يا انت حتى هواجيسي يعشقونك

قصيدة ما جابك الا
ما جابك الا هالخطى
ولا انت مبطي ما سألت
الله يسلم هالخطى
ما دامه اللي رجعك
لا ما زعلت ولا تخاف
أو تدري يمكني زعلت
بس الأكيد ان الضجر
كان فعيوني يجمعك
مبطي وانا هذا البطي
متعوده منك وقلت
طبعك وخفت اقول لك
طبعك وعيني تدمعك
ساعدني لو مره بطيح
من التعب مدري ذبلت
ساعدني أو قلي وش
اللي فالحقيقه يمنعك
والله مدري ويش اقول
اعرف ومن عرفي جهلت
أو هو الملل هذا خذا
قلبي وقفى يتبعك
فمرايتك الفين مره
في غيابك قد رحلت
وش رجعك قلبي ذبل
ومرايتك ما تسمعك

قصيدة البارحة والجروح كثار
البارحة والجروح كثار
والموت في هالهوى راحه

ان قلت لي ما سمعت اخبار
دوك اسمع القلب واجراحه

بعض الليالي لها تذكار
فالقلب يا نايد افراحه

تقول مدري وش اللي صار
وشلفاك بالصدر ذباحه

لي طير عندك عسى ما طار
قلبي كفخ حبه جناحه

يقول يا طوله المشوار
من خنجره لآخر اتراحه

لو للعمى مشعل من نار
وش ينفعه والعمى زاحه

تعبت واقف وكلش دار
والروح للبعد نزاحه

ذكرى عمر خلها وقدار
عذر ندور به الراحه
قصيدة كثر الحكي
كثر الحكي ما قصر الليل لو زاد
وياليت لو بعض السوالف يداوي

البارحة والشوق بالصدر وقاد
ووجه سهر في مهجة البعد ذاوي

واللي رحل ما فرح القلب لو عاد
وما عاد تفرق كان بالبعد ناوي

من قال في فرقى المحبين ميعاد
أو ديرة الفرقى للاحباب تاوي

ياللي جمالك نور وعيونك سهاد
عمر القمر ما حب لو كان ضاوي

قبل الرحيل اللي نبت هم وعناد
لا غاب حبك ويش قلبك يساوي

قصيدة ما طول الوقت
ما طول الوقت أو طول
الحب باقي وانا باقي

في محبتك مثلي من أول
يا ساكن باجمل أشواقي

تعال وارقى و لا تحول
بين المعاليق فاعماقي

لو كثر الحكي أو قلل
عنك سواليفه دقاقي

حكيت لك ليتك تكمل
لا صار في هالحكي باقي

لي خافق عله يجمل
لا راح لك بآخر أوراقي

يحكي معك وآقف اتأمل
لا قال لك حيل مشتاقي

الحب في صدره يهول
عسى ضلوع الهوى تاقي

باتحمل البعد و اتحمل
لا صرت بالقا وبتلاقي

قصيدة الخواطر كثيره
يا مطول الليل الخواطر كثيره
اتعبني الهوجاس واتعبني الليل

خليتني من بين ياس وحيره
طال انتظاري وانت طولت بالحيل

كل المشاعر في غيابك كسيره
انت بظلام العمر للعمر قنديل

عين تشوف وما تشوفك ضريره
عيد الغلا بعد العذاب المواصيل

جرحك حبيبي ما يجي مثل غيره
احتاج جرحك حاجة الأرض للسيل

للحب نشوة والليالي قصيره
يانور ليل الحب عذب التعاليل

الليل للعشاق دنيا كبيره
والصبر خطوة في دروب المقابيل




 


رد مع اقتباس
قديم 04-09-2018, 05:54 AM   #13


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي





ديوان خيل الفكر
قصيدة خيل الفكر
أسرجت خيل الفكر وقت المساريح
مداد لفياضٍ مطرها قصايد

تزاحم أشواقي على صهوة الريح
و الشوق وهاجه لياثار كايد

أفيض عبرات ووجد و تباريح
تبوح بأيام الهجير الشدايد

بالشعر أجرح وجه الأيام تجريح
من فعلها الخلان صاروا بعايد

أمس ولنا ربع عزاز و مجاريح
في حبنا قالوا من الشوق زايد

و اليوم ما شيفوا بحزن و تفاريح
غابوا و غيبتهم بليا عوايد

عوضتهم بنجوم مثل المصابيح
و أفكار تكتب فالنهاية قصايد

قصيدة أكذب الوعد
أكذب الوعد في شوفك
حتى ألاقيك قدّامي

و أقول يا كبر معروفك
حققت لي أثمن أحلامي

لا صافحت كفي كفوفك
يبرا بها جرحي الدامي

يا مالك القلب بوصوفك
طرفي من الشوق ما نامي

طوّلت و أتعبت ملهوفك
الشوق عن طلتك حامي

يا مخوّف الحب من خوفك
لا تترك الحب ينضامي

أحيان تطربني حروفك
و أحيان هي مصدر آلامي

مدري متى تسمح ظروفك
بشر بها ناظرٍ ضامي

قصيدة تسأليني عن غلاك
تسأليني عن غلاك
واسألك لا ترحلي
ياللي اشتاق لوصالك
في وصالك من غلاك
اسألي ذاك القمر
واسألي نار اجسدي
اسألي طيفٍ سرى
من عيوني في جفاك
اسأليني و اسألي
إسألي ثم اسألي
اسألي ذاك الحكي
لا تلعثم من بهاك
آه يا ذيك الليالي ليلها ما ينتهي
ودي أعرف من خذا
شمسك و خلالي سماك
النوى طول و انا اللي
شفت حلمٍ مبتدي
اتقضب به و انا ارجي
تشرق الشمس بسناك
كنت اكذب موعدك
كنت اردد ما تجي
لين شفت بخطوتك
فرحةٍ تسبق خطاك
ناظري عشبٍ نبت
من سلامك في يدي
ناظري كفٍ نسى
السلام و لا نساك
اسأليني ما تبين
و اسألك قلبٍ خلي
ياللي اشتاق لوصالك
في وصالك من غلاك
قصيدة لا تقطف الوردة
لا تقطف الورده و لا تقطع العرق
خله يموت ان كان ودك لحاله

خلك تشوف الفرق يا جاهل الفرق
عساك تحلم كل يوم بخياله

تسمع هديلٍ ما بقاله و لا ورق
ما غيرك اللي داري وش جراله

يا قلب لا صار الفرح ينسرق سرق
لا عاد تنشد عن ليالي وصاله

غنيت لي طرقٍ و ضيعت لي طرق
أثره يشيل القلب فوق احتماله

الشمس من وين طلعت سمه الشرق
و الغرب كحل هالسنين بلياله

دور سحاب للرعد ما احترى برق
لا صار هتان المطر في خياله

لك صاحبٍ ما خاف في هالبحر غرق
و كل البحور اللي تغرق فباله

إلا بغيته فوق كل النجوم ارق
ترديدنا بعض السوالف جهاله

قصيدة رسالة حب
ابكتبلك رسالة حب
تعبر عن عذاب القلب

قصيدة شعر تحكي لك
ألم روح تناديلك

نسيتيني … تركتيني

في ليل اليأس واقفيتي

أهيم بعالم الأحلام
أدوّر للهنا قدام

يصير أو ما يصير ألقاك
ما دامي ما قدرت أنساك

ولا انتي ذكرتيني

وفي هجرك تماديتي

أماني العمر
يا أغلى الناس .. كان انتي
عذاب وصبر
وشوق وياس .. لكنك تجاهلتي
أناديلك قهرتيني
ولكنك سمعتي
صوتي المبحوح وصدّيتي
جرح مشتاق لقيا بعد غيبتنا
ألم وفراق سميتي نهايتنا
وأنا اردّد نسيتيني .. تركتيني
في ليل الياس واقفيتي




 


رد مع اقتباس
قديم 04-09-2018, 06:10 AM   #14


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي






قصيدة يا حبني لك
ودني لك

او تعال وجيبني لك
صاحبي يا حبني لك

اجلس وخل الأماني
تبتديك وتنتهي لك

ما للنجوم أوطان
دام السماء عيونك

بعثرت هالتحنان
بلقاك و بدونك
بسمتك من هو قراها
وضحكتك من هو كتبها

ما تعرف من السوالف
عشقها وعتبها
المساء هاللي ملاه
الشوق ما اسمه مساء

يمكن اسمه عمري
اللي ضاع فيك

ولا اسمه الف
ضحكه تحتريك

ولا اسمه قلب عاشق
دايم يسمي عليك
وأنت غايب كنت
حاضر في النواظر

في سوالف هالغرام
وهالخواطر

ياللي دايم فيني
حاضر ما تغيب

ما تكفي يا حبيبي
لين قلت انك حبيب

قصيدة وش فيك غايب
وش فيك غايب طعنت القلب بغيابك
يلي أحبك … حرام إنك تجافيني

إنت النظر والحكي والشوق يزهي بك
ما شوف ما حكي ما دامك ساكنٍ فيني

ان جيت بأحكي ظهر صوتي ونادى بك
وان قلت ابسكت حكى دمعي على عيني

أرسلت لك خافقٍ طقيت به بابك
ومن كثر ما طق قلبي شارك يديني

إن قلت أحبك ضحك قلبي وهلّا بك
ثم التفت لي وقال انك معنيني

يا غايبٍ حالفٍ ما قول وش جابك
رضاك الأوّل ووصلك بس يكفيني

أسبابك إنك جمالك أوّل اسبابك
ولأجلك تمنّيت قلبي صار قلبيني

قصيدة حزين
حزين .. حزين .. ليلي حزين

أحلى السنين أحلى السنين

راحت وأنا عيني لها

شوق وألم كلّي لها

أحلى السنين أحلى السنين

يا غلطة عمر ما أنساها لو طال الزمان

يا عين مجروح بكاها زمان خوّان

أنا توّي أحس الوقت يا هاجر

وش أسوّي إلى صار الزمن غادر

انا بحّار في بحر الأماني

بحر غدّار توّهني المواني

أنا عمر تضيعه السنين

أنا المجروح في ليل الأنين

أنا الشاكي أنا الباكي على أحلى السنين

قصيدة لا يهمك من يقول
لايهمّك من يقول
بس أنا وانته نقول

لايغيّرك الكلام
لا يجي طبعك زعول

لايهمّك من يقول

جيت أبهديك هديّة
أغلى ما عندي عيوني

خذ عيونى بس ترضى
يا أمل عمري وشجوني

لا يهمك من يقول

يا أمل عمرى بدونك
ما يساوي العمر شي

انت لي ماضى وحاضر
انت لى دنيا وضيّ

لايهمّك من يقول





 


رد مع اقتباس
قديم 04-09-2018, 06:32 AM   #15


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي






قصيدة سلام
سلام مشتاق لانفاس الكلام
انت وينك سلام سلام سلام

امس كان الليل حالك
ليه تجلس به لحالك

انا ويني وانت وينك
ماوحشنى الا عينك

ولا تدرى ماوحشنى الا حنينك
ولا اسف نظرتك رعشة ايدينك

سلام سلام
لييه ليه تحتار المشاعر

تبتدى من وين فيك
فى ابتساماتك وصوتك

ولا انا طول سكوتك
وانا جاو الطوارى

وصرت احيا بيك واموتك
ايه ابيك والله ابيك

اكذب اني قلت ابيك
لين طول بي غيابك

وبالسهر قمت احتري
سلام سلام سلام
قول قول وادلل وامر
وش تبى

ياللي يحيينى حنينك
الله يخليك وينك

انا مشتاق لسلامك
وابتسامة ضى عينك

خلي في بحرك غرامك
واحملينى فى مركبك

دامنى اللى تبيه
ودامك انت اللى تبيه
قصيدة علمني أمسح دمعتي
علّمني أمسح دمعتي وأتوب
علّمني أزعل منك لو مرّه

ليت الحنايا يا هواي قلوب
تشوف حبّي فيك وش كثره

لي قلب واحد وانت له محبوب
ما غيرك احدٍ هز به شعره

أذوب في سود العيون أذوب
القلب صادق والهوى جمره

ناوي العذاب ناوي تبكّي قلوب
وأنا على أمرك لو علي تشده

ليل المحبّه لوعة ٍ وذنوب
يا حظ من يقوى على صبره
قصيدة الشوق جابك
غبت عنّي

والشوق جابك

حبّي الغالي هلا بك

يا مسى الأشواق يا روحي

الهوى يسأل جروحي

غبت وين الناس قلّي

قلّي وينك .. الهوى مشتاق

بالمحبّة أبتدي من وين

يا غرامي شوقي لك بعثر كلامي

قلّي يا خلّي من الّلي

ياخذك منّي وانا اللّي

توقف أيّامي في بابك

في غيابك

يا حبيب روحي

في دروبك ألف كلمة شوق

تبتدي بك وتنتهي بك

وتضحك بنظرة حبيبك
يا حبيب روحي

غبت عنّي والشوق جابك

قصيدة عطني بعض ما أعطيك
عطني بعض ما اعطيك ما أطلب أكثر
ما أطلبك شيٍ محتاج نظره

نظره ترد الروح ما ظنّي تخسر
والخاطر المكسور بيديك جبره

الخاطر اللّي من جفاك يتكدّر
والعين ترسل عن طاريك عبره

ترى التغلّي بعض الأمرار يقهر
والخلّ يرضي صاحبه ما يعسره

حنّا تصافينا على الحلو والمر
يوم إنت وافي وإنت حبّي تخبره

واليوم تجفاني وتبغاني أصبر
والقلب ملّ الصبر طول صبره​




 


رد مع اقتباس
قديم 04-09-2018, 06:41 AM   #16


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي






قصيدة يلي تعاتب
يلي تعاتب بربّك تترك ضنونك
حنّا حبايب وذا الكلمة تكفينا

لا ما خلقلك زعل تسلملي عيونك
ما دامها أيامنا تضحك لأمانينا

تراهم كثار لكن كلهم دونك
لا تترك الناس تسأل يوم وش فينا

تراك الأغلى والأجمل لا يهمونك
ارتاح دام الغلا في ر احة إيدينا

أقول قلّي حبيبي بس وشلونك
خلنا نحاكي الغلا ولّا يحاكينا

تعال يلي خذيت من السنا لونك
ننسى الأسامي ونذكر بس أسامينا

يا هيه يا الوقت ليه أفكارك تخونك
لا ما زعلنا عشان أصرخ تراضينا
قصيدة دامني ما سألتك
دامني ما سألتك لا تقدّم عذر
أشهد إنك عذاب وعندي أغلى حبيب

والمحبّة لزوم يصير فيها صبر
ومن يواخذ على الزلّه بيلقا ألف عيب

غيبتك عن عيوني يوم مثل الشهر
لاتفكّر نسيتك يوم عنّي تغيب

كيف أنسى عيوني وأنت كل النظر
أنت كل الأماني من بعيد وقريب

يا ربيع العمر عمري بدونك دهر
والجروح العطيبه في وصالك تطيب

مير خلك قريب تعيش كلّ العمر
في سعادة عسالك في السعادة نصيب

قصيدة محتاج لك
محتاج لك وينك
عنك سألت الناس

محتاج لك وينك
محتاج للإحساس

وش آخر أخبارك
وإنتي القمر جارك

يلّي بعيدة حيل
من بالنظر زارك

من خبّر العشاق
عن هالعيون وليه

وإن قلت لك مشتاق
زادك غرور وتيه

مشتاق لك يكفي
خلّي السهر يغفي

في عيونك اللّيله
ما للحكي آخر .. دام الحكي عنك

ولا تسألي باكر .. عن غيرته منك
وغابت نجوم كثار

وأحلى الحكي تذكار
يا نجمة اللّيلة




 


رد مع اقتباس
قديم 04-09-2018, 06:54 AM   #17


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي








قصيدة فمان الجرح
فمان الجرح يا ذيك السوالف
بعد ماخانت ظنوني ظنوني
عرفت الغدر هو كذب الولايف
جروحك علموك وعلموني
نزل دمعي وبعض الدمع واقف
سأل عن باقي طيوفك عيوني
انا كل المشاعر حيل خايف
ابسدل هالستار وساعدوني
وداع وكلمه التوديع اسف
واذا باقي لكم غدر اعذروني
حبيب الكذب فيني الصدق حالف
اموت الصادق الى يعرفوني
سألتك هو بقى للناي عازف
يغنى للحزن مره بدوني
واذا صار الحكي كله حسايف
بعد مااروح يكفي تذكروني
قصيدة العنا
العنا وشهو العنا ؟
غيرانتي واجروحك أنا
ابجرحك بظما وارضي علي مره
دامك حياة الماء
يا بنت منهو غاب
ضحك و حكي و أحباب
و انتي و أنا و قلوبنا صرنا
حديث أغراب
أثر المفارق صعب
غيمة سواد وليل
أنساك هذا صعب لا مابقى بي حيل
يا عيونك الظلما مافي الجفا كلمه
ومال الغياب اللسان
اتصوري
مره نسيتك وابتسمت
واتصدقي
اني على البسمه ندمت
و الأكيد اني بكيت ما ابتسمت
أبسألك
وشهو الشبه ؟
بين النهايه والأخير
كلها نفس المصير
وأبسألك
من قال لك ان الهوى جرحه عذاب
وأجمل أيامه غياب
عمر الحزن ما يلبس اثياب جداد
مثل الهجير ما يعرف أنفاس البراد
العنا وشهو العنا ؟
ابجرحك بظما وارضي علي مره
دامك حياة الماء
قصيدة يا صاحبي
ياصاحبي لايسري الليل بدري
خلك بوسط الدار لاتجرح الليل
الليل توه وان تجليت يسري
ولليل ناس ماتمل التعاليل
خلك على تجريح الأحباب حذري
ماتدري إن الليل ستر المواصيل
ياحبي اللي بين عيني وصدري
يافرحة الماضي وخوف المقابيل
شوفك هناي وانت والله تدري
والله انا مشتاق ياصاح بالحيل
للقلب عين وانت للعين مغري
يامجرح القمرا بسود المظاليل
الدم يجري في عروقي وتجري
انا الصحاري وانت معشوقها السيل
يضيع في وصفك كلامي وشعري
اشبهك بالريم واوصفك بالخيل
قصيدة تدري
تدري إنك غير كل الناس والله
وتدري إن الحب مخلوقٍ عشانك
ياحبيب الروح خذت القلب كله
و الحنان اللي بهالدنيا حنانك
كل دربٍ في معاليقي تدله
في خفوقٍ قد حلف مايوم خانك
يحمد الله قلبك إنك صرت خلّه
وله عيون ماتشوف إلا زمانك
في هواك اللي يظللني بظله
وكل كلمه حب تفرق من لسانك
كان لك شك في هوى قلبي فخلّه
او تعال وشوف في قلبي مكانك
قصيدة فاقد الشئ
اخطيت يوم اني طلبتك حنانك
لاصرت فاقد شي ..وشلون تعطيه
مهما نطق لي بالمشاعر… لسانك
شيٍ بدون احساس .. ما اقتنع فيه
احساسك المصنوع خنته وخانك
جاملتني به وانت تجهل ..معانيه
مني نصيحه تنفعك في زمانك
إلا شعورك .. لا تبيعه وتــشـــريه
كانك تقدر قيمه الحب .. كانك
اللي يودك .. لا تحــــاول تعنيه
يا كـثـر ما حبك فوادي وصانك
مع كـثــر ما تبعده .. كـنـــك تناديه
غيرك امانه خوف والخوف امانك
ما كل من راعاك تقدر تراعيه
حتى لو عليت بالقلب …شانك
ابقى يتيم الحب .. جرحي اقاسيه
اعذرك ..لاحطيت نفسي مكانك
لا صرت فاقد شي وشلون تعطيه




 


رد مع اقتباس
قديم 04-09-2018, 07:51 AM   #18


الصورة الرمزية أحلام منسية
أحلام منسية غير متواجد حالياً

بيانات اضافيه [ + ]
 رقم العضوية : 766
 تاريخ التسجيل :  Jun 2017
 أخر زيارة : 04-25-2020 (04:51 AM)
 المشاركات : 149,568 [ + ]
 التقييم :  588940
 الدولهـ
Saudi Arabia
 الجنس ~
Female
 MMS ~
MMS ~
لوني المفضل : Black

اوسمتي

افتراضي





بعض الابيات بتصاميم متواضعة
.......
......
.....
تم بحمد الله ورعايته
ارجو ان تكونوا قد استمتعتم
بما نقلت إليكم عن هذا الشاعر
الذي كثيرا ً ما نتوق إلى سماعه
وهو يلقى قصائده بشكل رائع
طابت اوقاتكم بكل خير



 


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

مركز تحميل Top4toP


الامتدادات المسموحة: PMB | JPG | JPEG | GIF | PNG | ZIP

الساعة الآن 09:54 PM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
هذا الموقع يستخدم منتجات Weblanca.com
new notificatio by 9adq_ala7sas
User Alert System provided by Advanced User Tagging v3.1.0 (Lite) - vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.