... مجلس الشعر والمحاوره ...
السلام عليكم ورحمة الله وبركاته ... اخواني وخواتي أعضاء المنتدى منتدى .. جمانه هذا الموضوع هو موضوع عن مجلس الشعراء والمحاورة موضوع لابداعات شعر المحاوره فقط ويمنع فيه القصايد والخواطر وجميع الشعر معدى المحاوره والرد من الأعضاء مفتوح لجميع شعراء المنتدى وجميع الاعضاء للمشاركه . اتمنى ان يرتقي لاعجابكم واتمنى من مشرف القسم او المراقب تثبت الموضوع وهذا الموضوع يصب في صالح المنتدى والهدف منه الارتقاء با المنتدى الى سماء الابداع |
.. وأنا ابدأ ..
يا ليت لو للقلب . . مركز صيآنه مثل الجهاز ويقبل الفك والربط لو صاب قلبي .. قهر ولا خيــانه أعالج الفيروس .. بإعادة الضبط |
وعليكم السلام ورحمه الله وبركاته هلا باهل القاف والجزالة استاذي نجم ضاوي مساحه نترقبها منذ زمن هنيئاً لـ حرفٍ ينطاع بين أناملكـ وشرف لنا رؤية مثل هذه الجزالة حضوركَ إنسكابةِ عطرٍ برائحة شذى الزيزفون لقد اضاء سنا جمانه بنورك لله درك سلم لنا ابداعك ودمت لنا نبض لا يتوقف تقيمي ويستحق التثبيت والختم بانتظار ابداعتكم :ورد: |
يا ليت لو للقلب . . مركز صيآنه مثل الجهاز ويقبل الفك والربط لو صاب قلبي .. قهر ولا خيــانه أعالج الفيروس .. بإعادة الضبط ياسلاااااااااااااااااااااام عليك اعالج الفيروس بإعادة الظبط ياشيخ صح راسك حتى ترضى تمنيت ان لا تنتهى بى الكلمات فلا يسعنى غير قول الصمت في حرم الجمال جمال فدمت بكل تميز وابداع :ورد: |
اقتباس:
هلابك مليون ولا يسدون اخيتي ... وكل الشكر والتقدير على تثبيت الموضوع ... شرف لي مرورك وختمك الموضوع ... وان شاء الله الموضوع يحقق المأمول منه ... شكرآ من كل قلبي على مرورك الراقي اختي احلام منسيه ... لا خلا ولا عدم ... |
صح بدنك وكلك مراقبتنا القديره والرائعه ...
انه لمن دواعي سروري تواجدك بين طيات متصفحي ... وهاذي شهاده اعتز بها خاصه انها من مراقبه متذوقه لشعر ... يسلموا على مرورك الرائع والعذب ... لا خلا ولا عدم ... |
لا قلت مابيك تغاضى عن كلامي
ترى من زعل .. حلفتك . . بربك الزعل يعكس معاني هالاسامي اكرهك . وقت الزعل يعني احبك |
ياسلامي يا سلامي يابو ضاوي
القصيد اللي كتبته ينتخي بك الشعر فوق الوصف و الهقاوي و القصايد كلبوها من نصيبك شاعر جزالة و اللباقة وانت ناوي للعلا فوق القمم منهو يجيبك |
ما شاء الله تبارك الرحمن
متصفح فخم وزاخر بالجزالة وابداع القصيد .. سلمت شاعرنا نجم على المساحة المميزة متابعة لكم بشغف :رحيق: لسموك تقييمي واعجابي و :رحيق: |
يامرحبى واهلين . يا الازرق سماوي
جيت أنا . . عاني . . ودقيت . . بابك قافك .. لفاني . . مثل بدر .. ضاوي يا واثق الخطوه . شرفت يا مرحبابك يا الصاحب اللي .. ماخابت بك رجاوي هو جابك المرسول ولا الشوق جابك |
تدري وش اللي . يذبح القلب مرات
انك .. تحب انسان .. ماهو .. حلالك وتدري وش .. اصعب حب .. بالذات انك تشوفه وتحضنه . . فـي خيالك |
وتدري بعد وش يذبح الرجل بسكات
لاصار في غربه مفارق...... .... بلاده يصير ضايق كل دربه.......... متاهات مايهتني ولا يشوف .........السعاده صح لسانك اخوي نجم وتسلم يمينك على هذه المساحه الجميله تحياتي لك اخي |
عندي على صياغة القاف دورات
واملك .. من معجبيني شهاده شرحت لك حالي .. مره . ومرات ولا لقيت .. منك رد .. أو إفاده |
يا ابو الليل . . خلي حرمني وداده
والصبر حملني .. غرابيل .. وهموم صابر واقول الصبر .. يخلف سعاده بس الصبر ياخوك بهلوقت معدوم كل ما خفيت الدمع .. يذرف زياده هذي حياة اللي له الهم مقسوم |
صح لسانك
نهلت من عذب حرفك حد الآرتوآء كلمآت وأبيآت رآقيه برقيك نثرت العبير في سماء جمانه ويبقى للمبدعين كلمة على ضفاف الأبداع |
اكثر شيء يشد اعجابي للشعر المحاورات الراقية وتكون من نوع فاخر وفخم وهذا ما أقراه الان في هذا المتصفح الراقي بمحتواه استمرو يا ابطال القاف فنحن بالقرب نستمتع بعذب القوافي لا حرمنا الله منكم ولأمن هذا التواجد الذي يثلج الصدر للجمال هنا مداد سياجات من نور سلاسة في التعبير ورقي في الاحساس تقديري لقلوبكم :ورد: |
متصفح مليء بالشاعرية متابعة :rose:
|
لا تحسب البعد . . في ظنك
يخلف هوانا .. عن .. الترتيب غايب .. عن .. العين . ولكنك في القلب غايب عنه متغيب |
كلمات جميله وانتقاء اروع
|
ولد الهوى . دايمآ تعبان
مكتوب عليه قلت الراحه مثل السفينه . . بلا ربان يلعبها الموج في الباحه |
وين انت ياللي على الطيب مسعاك
يابن اليمن . يا راعي العلوم الجزيله متى يحين والوقت . واسعد بلقياك والقاك مثل مايلتقي الخليل بخليله |
بعد العصر شبّت بقلبي ...قوافي
قمت اكتب اشعاري ورتّب حروفي ابغى على الابيات مردود ..شافي في وصف ذيك اللي تعدت وصوفي |
كافي كفاك ومنك يكفيني الكافي
هذا الذي . . كان . . منه . . خوفي اعطوني الفرشه .. وابغى .. لحافي نار الاشواق . . تشعل وسط جوفي |
غدت سنيني يابوضاوي عجافي
كم لي اراجيها وعيت.... تروفي الحب دمرني وابدا .....الخوافي ياويل قلبي من المحبه وخوفي |
غدت سنيني يابوضاوي عجافي
كم لي اراجيها وعيت.... تروفي الحب دمرني وابدا .....الخوافي ياويل قلبي من المحبه وخوفي |
لولى الحيا . . واشغلتني ظروفي
اجيك لا حدك . . لو كنت . . حافي بعون الله . كل خير مني تشوفي دامتك بخير .. وطيب . . ومتعافي |
تسلم ولك منزال عالي ..بجوفي
انا اعرفك ياخوك بالوعد وافي حلحيل نسل اجواد طبعك لطوفي تسلم وخيرك يابوسلمان ...كافي |
يا سلامي يا خويّ لي ووافي
اشهد انك بالمروءة ما تحوفي انت الذي بمسكنك دوم ضافي و انت الذي موطنك بوسط جوفي |
ذبحك عشق زاهيات الوصوفي
اللي كلامه على القلب دافي ابو ثنايا بيض . والروج موفي زاهي الخدين . وبالوعد وافي |
يامرحبا بللي لفانا .......وهلين
على الشحم والعود ..والشاذليّه ترحيبةٍ من جوف قلبي ملايين ياحي واثق الف مليون ...حييه مخورر اخوي الواثق |
يا مرحبا يالواثق اهلآ وسهلين
على دفوف .. عرضه .. سامريه عطنا من القاف . لو كان بيتين تشفي بها هوى قلوب مبتليه |
البارحه وي .. نجمة سهيل سهران
ضايق . . والنوم . . عيا .. لا يجيني ماظنتي .. مثلي من الناس انسان جافت .. احلى . . لذيد النوم عيني |
الحب مايعرف حدود ...وقوانين
يجلب لقلب اللي يحب الف سيّه والحب اعمى في عيون المحبين تمشي بكفيفك معه درب المنيّه وانا من اللي غصت في الحب عامين دمر حياتي عقب كانت سوييه من يومها وانا اعاني.... وللحين مازلت اذكر طيف ذيك ..البنيه |
الله يعين اللي مثلي محبين
حالاتهم والله صعبه وقويه راحو .. في خرايطها مساكين لاصاحب ن ينفع .. ولا لا حميه اخبارهم صارت . للعالم عناوين كيف الزمن سوى فيهم كذيه |
يا واثق .. جمانه . تراها ودايعك
وانته من اللي يحفظون الوداعه خل قافي في قلبك وبمسامعك تصدى للمخرب بكل عزم وشجاعه |
ضاق صدري .. ويم دارك تمشيت
قلت اشوفك .. ولا .. المح خيالك شي ن تحرك داخل القلب وبكيت ياساكن الدار ياعسى السعد فالك |
ليتني ماشفتك اليوم بكيت
كله من الحب التليد و طرالك لكن العبرة ليامن تعزويت توكل على ربك تريّح ببالك الحب بلوه لا روّحت أو جيت لكن ذكرى القلب تشكي بحالك |
وش حيلتي . كاني لك يوم حنيت
غصب ن على قلبي تعنى وجالك انا في حبك .. عمري . ما تسليت قلبي وروحي .. كل ابوها حلالك يا واثق الخطوه في حبه تبلويت اليوم نجم ضاوي . بهمه شكالك |
الله عليكم شعراء جمانه
ابدعتم |
ياورد ياللي فاح عبيرك بالاركان
باركان جمانه . . وزود . . حلاها يانبض ابوها ويا وريده وشريان وفي قلب ابوها قد تزايد غلاها |
الساعة الآن 10:55 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
new notificatio by 9adq_ala7sas
User Alert System provided by
Advanced User Tagging v3.1.0 (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.