خيبة امل
 

العين من كثر العنا دمعها ..سال
يلي ذبحت العين بالهجر ..كافي

ارفق بقلبٍ شاف من عقبك اهوال
كنّه يتيمٍ يفتقد حضن ....دافي

قضّى حياته بين الاتعاب .رحّال
وحيد والعالم ...كلابٍ ....تهافي

ياليت شعري ويش اسوي بهالحال
ناديت لكن من مانفعني... هتافي

ياروعة الاحساس دايم على البال
جيتك بأحساسٍ من القلب صافي

اشكي هموم الوقت يومه علي مال
خلاني عقب العز عوّدت ..حافي

اليوم للغالين .دزييت .....مرسال
لكن ماجاني .....ولارد...... شافي

حسبتهم وافيين اثريهم ..انذال
اقوالهم بالكوم والفعل..... مافي

الوقت غير الوقت والعالم اشكال
ياسعد حظ الّي لقى شخص وافي

ولّا زمانٍ فيه تتضارب....... امثال
بالجود لـ صارت سنينه ..عجافي

ترا البشر مايوم ظلّت علي .حال
ماغير اقول يالله تجيب العوافي

بقلمي ابوالليل الشريف

الله الله شاعرنا من طول الغيبات ياب الغنايم
اشتقنا لقصائدك وبوحك :رحيق:
قصيدة قمة في الجزالة والإبداع
عسى ايامك كلها افراح وتفائل و لا ايي خيبة او ضيقة تكدر خاطرك
ابدعت كالعادة .. يعطيك العافية على جمال بوحك
الله يسعدك لا تحرمنا من جديدك دائماً بإنتظارك

لسموك كل شيء جميل :رحيق:

هلا وغلا بــ شاعرنا المتالق
نورت بعودتك
صح لسانك على هذه الابيات الجميلة
والاحساس العذب
سلمت ولا عدمنا روعة وجمال بووحك
لك تقديري:ورد:

ارفق بقلبٍ شاف من عقبك اهوال
كنّه يتيمٍ يفتقد حضن ....دافي

الله الله ي جمااال احسااسك.... صح لسانك شاعرنا.. احترت ماذا اقتبس.... ودي وتقديري... أكاليل الياسمين لقلبك

الوقت غير الوقت والعالم اشكال
ياسعد حظ الّي لقى شخص وافي

ولّا زمانٍ فيه تتضارب....... امثال
بالجود لـ صارت سنينه ..عجافي

ترا البشر مايوم ظلّت علي .حال
ماغير اقول يالله تجيب العوافي


صح لسانك ابو الليل
كلمات جميله وصادقه
ما ننحرم جديدك يا رب

ابداع اخى ابو الليل شاعرنا الكبير

الوقت غير الوقت والعالم اشكال
ياسعد حظ الّي لقى شخص وافي


أحسنت صح لسانك شاعرنا و لاهنت

ترا البشر مايوم ظلّت علي .حال
ماغير اقول يالله تجيب العوافي

ما أكثر خيبات الأمل في هذا الزمن
لكن يظل التفاؤل كالشمس المتجددة
والذي من خلاله سيشرق الأمل من جديد
والحياة لا تتوقف عند أحد ..

صح لسانك شاعرنا
قصيدة أكثر من رائعة
سلمت وسلمت يداك..