اسلوب سعيد الطويل بخليلنا نحب نتابع الاخبار
✅يكتبها / #سعيد_الطويل
▪︎الجمعة الأخيرة بفدوس أولاد المدارس ..تقريبا كانت أطول عطلة من سنين نحس فيها زي هيك.. ▪︎كمان اليوم آخر زيارة ممكن تكون للنسوان لدور أهاليهن،بعدها شغل دفاتر وتسطير وكتب وتجليد وبرري القلم واغسلي الجرابين ▪︎موسم الشاليهات تقريباً شطب،ولو ناوي تحجز الأيام الجاية اسعارهم نزلوا للنص تقريباً ▪︎تصريح بايخ زي كل مرة ،مجدلاني بيقول انه شيكات الشؤون حتنصرف الشهر الجاي ▪︎الوكالة بتقلك فش معنا مصاري ووضعنا صعب ودخلنا مرحلة التشقف ..صايرة تشكي زي أم فؤاد طول نهارنا تقلك من وين ياحسرة.. ▪︎تذكرة حضور مهرجان فوزي موزي بغزة ب30 شيكل ومضلش ولا تذكرة مش محجوزة كله شطب ▪︎حكموا بالإعد.ام شنق حتى الموت للي قتل المواطن عاصم العرعير بغزة ▪︎ممدوا اعتقال بسام السعدي ورفضوا الافراج عن عواودة إللي لسة مضرب من 177 يوم ▪︎الشؤون المدنية معندهاش علم بتصاريح النسوان ،وأصلا محكوش فيه مع شلومو ،يعني راحت عليكي يا ميسون ▪︎أبو مازن مدد حالة الطورئ 30 يوم جداد عشان الكورونا، ع أساس في كورو.نا يعني والبلد مسكرة. ▪︎كيلو الجاج ب9 شيكل والمانجا الرطل بخمسة شواكل للعصير والبلح الاصفر الفرط مش القطوف الكيلو بأربع شواكل #صباح_الخير لكل أب وضعه صعب و عنده كوم لحم ومصاريف المدارس هلكته هلك ، وبيحاول قد ما يقدر يفرحهم وما يكسر خاطرهم ويجيبلهم أحلى شنطة للمدرسة #صباح_الخير لكل أم صاحية من الصبح تخبز الصاج وتحشي الجاجات وتحضر أمورها لاستقبال أولادها وبناتها المتجوزين |
والله يا سعيد انا اليوم صاحيه ومستعده لاستقبال بناتي واولادهم
مع انه الوضع رح يكون عندي هيك :mf_swordfight: |
كان الخميس عنا غير
حلو واستقبال واجتماع وقت غابت مامي غاب الخميس وقعدته وبقى يوم بفتكر فيه ذكريات موضوع جميل سلمت الايادي |
اي سعيد الطويل بخلّيك تستمتع بالأخبار :123:
يسلمو ع المتابعة وردتنا. |
اقتباس:
وان شاء الله بيتها بضل مفتوح بوجودك ووجود الوالد وربي يعطيه الصحه والعافيه ي رب نورتي حبيبتي♡ |
اقتباس:
وتسلمي للحضور المميز |
رحمة الله عليك
سعيد الطويل |
الساعة الآن 11:45 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
هذا الموقع يستخدم منتجات Weblanca.com
new notificatio by 9adq_ala7sas
User Alert System provided by
Advanced User Tagging v3.1.0 (Lite) -
vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.