انواع الكناين بموسم الزيتون
 

#أنواع_الكناين بموسم حواش الزيتون

الكنة #المغلوب ع أمرها .
كل الشغل عليها تلقيط الفرط والنقل،
وآخر شي لا حمداً ولا شكورا وبتاخذ متلها متل غيرها وبتكون بالعادة قاعدة عند حماتا .

الكنة #الموظفة
هاي ما بتنزل الا بأيام العطل وحجتها معها أنو عندها وظيفة وموقفين الأجازات ، وبتنزل متكحلة وكل شوي بتاخذ سيلفي وبتنزل عالفيس وبتكتب كان يوماً مرهقاً وجميلاً .

الكنه #ام_لسان_حلو
هاي بتنزل آخر النهار حاملة و محملة وبتبلش تملق بالحكي😜
حقك عليه يا مرت عمي والله الصغير أخذ وقتي والله لو علي أحب ع قلبي أجي معكم من الصبح بس هالصغير مش ساكت .

#العروس الجديدة👱♀️
أو المخلفة جديد👩👧 أو الحامل🤰 هاي بخلوها في البيت مع الصغار 🤼 ع اساس هيدا يعني دلال و راحه إلها
وهاي المسكينه بتتحمل ألف جميلة انها ما بتنزل مع العلم والله الزيتون و تعبه أرحم الف مرة من شغل البيت و الطبخ و طوشة الصغار😭

الكنة #المخطوبة
بتقضيها مع خطيبها ضحك وحكي وكل شوي بيروحوا بيعبوا مي .

الكنه #المغتربة
مرت الغالي😏 اللي بيوصلها كل شي ع البارد المستريح وطول نهارها الحماه بتتحسر عليها و ع زوجها يا ويلي شو بحبو الزيتون الأسود .

سلام لكل الكناين 😀

ههه مشكورة