منتديات جمانة فلسطين

منتديات جمانة فلسطين (Http://www.jomana.net/vb/index.php)
-   مقتطفات عآمة (Http://www.jomana.net/vb/forumdisplay.php?f=15)
-   -   وإن مـاحـصلك ماتمنــاه / خيــره (Http://www.jomana.net/vb/showthread.php?t=22493)

أحلام منسية 06-21-2019 05:36 AM
وإن مـاحـصلك ماتمنــاه / خيــره
 


حنا واسامينا برحله اقصيره
ياحظ من له سمعةٍ تملي العين
،
والموت درب ،، وكلنا في مسيره
يعني بنرجعله ولاندوم ،، حيين
،
نمشي ونركض والخطايا كثيرة
وبعدين صوب القبر ماشين ماشين
،
من حط هالدنيا بعينه صغيره
انشهد انه عارفً دربها ،،، زين
،
ومن ذاق ويلات المرض في سريره
مايشبه اللي نام نوم السلاطين
،
ومن لف كل الكون ديرة بديرة
ماهو مثل من سكّر الدين بالدين
،
ومن جرب الحاجه وروحه كسيره
يفرق عن المرتاح وابو الملايين
،
لاتحسد الأمير ،،، والا الاميره
وأوصيك لاتضحك بناسن ضعيفين
،
ولاشفت وجه المبتلي لاتثيره
إفزع له بدعوه وحث المصلين
،
يدعيله اللي عارفن وش مصيره
واللي بيشمت فيه هو المسيكين
،
رحاة هالدنيا ترى مستديره
دكاترة ياخوك صارو مجانين !!!
،
تحمدالله ،، واشكره ،، واستخيره
ومدامنا في صحه وخير راضين
،
وإن ماحصلك ماتمناه / خيره
مردها وإن ضاقت أعوام / بتزين
،

مهابة 06-21-2019 09:17 AM
صح لسان شاعرها
وتسلم يمين ناقلها

إمبراطورة البحر 06-21-2019 11:42 PM
تحمدالله ،، واشكره ،، واستخيره
ومدامنا في صحه وخير راضين
،
وإن ماحصلك ماتمناه / خيره
مردها وإن ضاقت أعوام / بتزين

الله الله .. قصيدة جزلة وصدق فيها الشاعر
انتقاء اكثر من رائع احلام سلمتِ يمينك على الانتقاء العذب
بارك الله جهودكِ .. الله يسعدكِ

لكِ كل شيء جميل :رحيق::127:

أحلام منسية 06-23-2019 01:26 AM
الانيقة نقطه
اسعدني مرورك العذب
لاحرمني الله منك
تقديري لروحك
:127:

أحلام منسية 06-23-2019 01:28 AM
امبراطوره العطاء
اسعدني ردك
المفعم بلجمال والروعه
لاحرمني الله منك عزيزتي
تقيمك سعادة تقديري لروحك
:a22c106026:

واثـــ الخطوة ـــــق 06-23-2019 11:03 AM
ومن جرب الحاجه وروحه كسيره
يفرق عن المرتاح وابو الملايين
،
لاتحسد الأمير ،،، والا الاميره
وأوصيك لاتضحك بناسن ضعيفين

صح لسان الشاعر و سلمت يمينك

:رحيق:

الغارس 06-23-2019 12:12 PM
صح لسان شاعرها
وتسلم يمين ناقلها

عذب الكلام 06-24-2019 02:08 PM
وإن ماحصلك ماتمناه / خيره
مردها وإن ضاقت أعوام / بتزين...

الله الله عليك ي جمال احسااسگ ويا جمال ذوقك :eh_s(7):
لقلبگ الياسمين :152:


الساعة الآن 09:34 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
هذا الموقع يستخدم منتجات Weblanca.com
new notificatio by 9adq_ala7sas
User Alert System provided by Advanced User Tagging v3.1.0 (Lite) - vBulletin Mods & Addons Copyright © 2024 DragonByte Technologies Ltd. Runs best on HiVelocity Hosting.