به شخص دايم وين ما سارت اخطاه
موعود في ذنب الخطا والأدانه
......
يدله وضحكاته تغطي محياه
وبداخله حزنٍ يزلزل كيانه
......
يكتم معاناته وينسى عطاياه
وإليا جلس تجلس همومه وزانه
.....
وده يفضفض لأقرب الناس بلواه
لاكن بعض الناس ماهم تكانه
......
وحلمه كبير وبعض مما تمناه
يشوف روحه يوم ماهي مدانه
......
هذا أنا ومسلم الأمر لله
يارب لاتوصل حدود المهانه
......
يارب عبدك راح ليله مناجاه
وحتى بوصوله ماتعدى مكانه
.......
إلى متى وأنا رهين المحاتاه
عيا الفرح يهدي عليّ الميانه
.......
أسوقها سوق المشاكيل للجاه
من باب ( ماعاشت نفوسٍ جبانه )
......
وأطيح من حظي وأعاود بلياه
حكاية الفارس وكبوة حصانه
......
مولود من رحم العنا والمعاناه
قانع بأن الوقت مابه ضمانه
......
استقبل العالم بورد المداره
وتدرون وش يطلع جزاي الخيانه
.......
ويلاه ياحظ لو شوي ويلاه
اقصر من النجمه وفوق الطمانه
.......
ولا بمنهو لافزع جالك من اقصاه
شخص يصونك وان خذا السر صانه
.......
شخص ما يبغي من محاصيل دنياه
غير ونعم وفلان قد المكانه
.......
والا انت ياللي غرك اسمك وطرياه
صدتك عن شخص هقابك لعانه
.......
وياصاحبي ياطيّب الذكر والجاه
يامن كسبت الطيب ثقل ورزانه
.......
أدري اتصالك ماهو للضحك معناه
القلب غايب واتصالك عشانه
.......
عندي خبر ما ودك بيوم فرقاه
واهو بعد وده يجي للأمانه
......
لكن زمانه عذبه حيل وأعياه
خله وإذا تسأل عن القلب عانه
.......
عانه مابين الشعر ومعاشر الاه
ومآبين نكبات الزمن وامتحانه
......
الوقت يابن الناس عقبك تولاه
وما كل صده تعتبرها خيانة
........
الشاعر : المبدع المتألق
مبارك الحجيلان