صراصير فى مطبخك وحشرات يا حلوه ونبي منتي نافعه 😂!!تعالي اقولك أزاي تقضي عليها؟؟ 🐜
انا نضيفه ومطبخى معقدنى وكاسفنى 😔
لارش نافع ولا بودره مأثره 😭
كلام اخوات لينا عن المشكله دى ..وحلها ف انك تعرفى الاسباب ..والعلاج ☺

الاسباب يا ست الكل 👇🏻👇🏻
*مطبخك مش متهوى فوط ودواسات مبلوله والرطوبه واكله الخشب
*بتشترى انابيب ومبترشيهاش قبل ما تدخليها الشقه 🙁
*سله الزباله عندك بتقعد باليومين والتلاته ومحطوطه ف مكان مقفول ..والسله نفسها بتغسليها كل فين وفين 😱
*ادراج ورفوف مطبخك مبلوله وبتحطى المعالق مبلوله فيها ومبتصفيش مواعينك 😒
*المواعين بتتركن ..والتلاجه مليانه اكل ومبتغسليهاش بالخل
*عندك فتحات وشقوق ف المطبخ او الشباك مش متقفل بسلك او البلاعه مش مقفوله كويس
دى تقريبا اسباب وجود الصراصير
طيب ايه الحل 😭
1- تطلعى كل ادراج وارفف مطبخك فى الشمس يومين على الاقل ف البلكونه
2-كل الدواسات والفوط تتغسل بالكلور وتطلع بره المطبخ
3- تقفلى بالجبس الابيض كل شقوق وفتحات ممكن يتخبى فيها الصراصير ..تحت الحوض ورا التلاجه تحت البوتاجاز وتقفلى شباك مطبخك قبل ما تنامى
4ترمى كل الكراكيب والبرطمانات والقزايز اللى تحتها اكوام صراصير 😞
5-تغسلى التلاجه غسله محترمه وتعقميها بخل وتحطى عجينه صراصير تحت جلده التلاجه
6-هتختارى يوم وتعملى فيه كل ده وهتطلعى الحلل والاكل وتمسحى المطبخ بفنيك ..اه فنييييك لازم تطلعى الصراصير من جحورها وتطفشيها ..
وبعد ما المطبخ ينشف هتعملى الخطه المحكمه دى
تطلعى عيالك م الشقه الاول بس 😘
والبسى كمامه على انفك بلخطه انك هترشى المطبخ باى مبيد براحتك .. ف المطبخ من جوه وتحت الحوض وورا الغساله
وهتجيبى بودره البوريك اسيد ..حمض البوريك من الصيدليه وتخلطيها بمعلقه سكر ومعلقه لبن بودره 😄
اسمعى بس 🏃🏻‍♀
السكر هيجيب الصراصير واللبن البودره هيخف من ريحه البودره ..وترشى ف كل ركن وشبر
يعنى فنيك ورش مبيد وبودره مخلوطه !
اه كل ده
والحلل والمواعين والتوابل والخضار بره المطبخ اسبوع ! اه برده مانتى مستحمله الصراصير شهور ☺
هترشى لمده اسبوع وكل يوم تكنسى وتمسحى وترشى وهكذا ..خلاص الصراصير خفت ..تمام
هتجيبى العجينه الصينيه او بودرة باور كيس اخضر بتجيبه من عند بتاع الصابون اوسوبر ماركت دة فوووق الخيال وتحطيها ف اركان المطبخ وترصى الارفف والادراج وتفرشيها بجراايد بلاش مشمعات دلوقتى الجرابد هتمتص الرطوبه ولما يبقى تمام مفيش ولا صرصار افرشى مشمعات
وتحطى نفتالين ف كل درج تعيدى الخطه دى كل شهرين مره 😎
اقفلى شقوقك .اغسلى مواعينك .ارمى زبالتك .رشى انبوبتك .وهوى مطبخك
منقول