من رباعيات صلاح جاهين✋👇

الرباعيّة الأولى: 🌱🥀🌺🍀
إنشد يا قلبي غنوتك للجمــــــــــــال
وارقص في صدري من اليمين للشمال
ما هوش بعيد تفضل لبكره سعيـــــــــد
ده كل يوم فيه ألف ألف احتمـــــال
الرباعيّة الثانية: 🍀🌺🫶🏻
أعرف عيون هى الجمال والحسن
وأعرف عيون تاخد القلوب بالحضن
وعيون مخيفة و قاسية و عيون
كتير وبحس فيهم كلهم بالحزن!
الرباعيّة الثالثة: 🌷🥀🌱
صوتك يا بنت الإيه كأنّه بدن
يرقص يزيح الهم يمحي الشجن
يا حلوتي وبدنك كانه كلام كلام
فلاسفه سكروا نسيوا الزمن
الرباعية الرابعة: 👌🍀🌷
اخطفني ياللي تحبني ع الحصان
الدنيا قالت يوم في ماضي الزمان
اخطفني ياللي تحبني ع الـــــفرس
الدنيا قالت، قام خطفها الشيطان