خالد المريخي

اهدا لأم ردن جعلها الماحي




تعبك راحة وأحبك مهما تتعبني
شفت الغلا كيف سوا من التعب راحة

عذب ومنهو يردك لا تعذبني
البال مرتاح والأعصاب مرتاحة

لا ينكسر خاطرك كيفي وعاجبني
اجرح ترى صاحبك مبسوط بجراحه

أنا الي كسبان مادام إنت غالبني
ما ظني خسران مثلي يحسب أرباحه

صوبني من وين ماودك تصوبني
مذبوح ومسلم روحه لذباحه

غصب على كل ما سويت يعجبني
قلبي قفلته عليك وضاع مفتاحه