الغلا ماهوب في سعر الهدايا
..........الغلا فاللي مقدم لك هديه



دام قدره غاليً بين الحنايا
.......مايهم القلب وش نوع العطيه


وأنتي أغلى يا (...) كل الصبايا
.......والهديه جات من كفً نديه


تعتبر بعد اللقا عندي بقايا
........ذكرياتً تطري الموقف عليه


العيون الحور مع سحر الشفايا
.......وعطرك الجذاب والريحه زكيه


كلها في داخلي سوت سوايا
........سحرتني وأودعت قلبي ضحيه


ياعظيمة فالوصوف وفالمزايا
........أعشقك عشق البدو للشاذليه


حبنا مبني على بيض النوايا
.......مايهزه ريح والنية مطيه


مابخلنا مع بعضنا بالعطايا
......والمعاتب حكمنا وقت الخطيه


والله أني ماحسدت الا المرايا
......حظها في شوفتك صبح وعشيه

روح نقية ,باشة الغيد معجبون بهذا