جديد المواضيع
|
مطبخ جمانه لكل وصفات الأكل ما يتعلق بالطبخ والتحضير |
|
أدوات الموضوع | انواع عرض الموضوع |
#1
|
|||||||||||||
|
|||||||||||||
نصائح لكل ربه بيت
🤍 نصائح لكل ربه بيت
💥💛💜❤️💙💚❣️ ازاي تدبري مصروف بيتك 💥💛💜❤️💙💚❣️ ١- اولاطلعي صدقة من المصروف اول مايكون معاكي 💥💥 ٢- اعملي الاكل في البيت و متشتريش حاجه من باره خالص اوفر واحسن وانضف 💥💥 ٣- اكتبي احتياجاتك في ورقة قبل ماتنزلي تشتري عشان هتلاقي نفسك جبتي حاجات مش في الاولويات 💥💥 ٤- اشتري دايما الخضار والفاكهة من السوق اوفر بكتييير من الخضار المغلف في السوبر ماركت 💥💥 ٥ اعملي في جدول للاكل اكله فراخ في الاسبوع تعمليها علي صنيه كوسه او صنيه بطاطس اوملوخيه بالطشه 💥💥 ٦ و نعمل طبخه بنصف ك لحمه علي يومين مع اي خضار وكميه اللحمه هنا تبع عدد الاسره وقطعه لحمه كفايه اووووي لكل واحد 💥💥 ٧ ونعمل يوم نصف ك لحمه مفرومه تتعمل كفته حاتي في الفرن ومعاها مكرونه بالصلصه وسلطه او مخلل وكل واحد صابعين كفته بس مع المكرونه وممكن يفضل من الكفته حتي لو صابع لكل واحد لتاني يوم نعمل معاهم ارز بالشعريه وبطاطس محمره مش عيب 💥💥 ٨ او يتعمل به صنيه مكرونه بالبشاميل او صنيه جلاش او صنيه رقاق ولو جلاش او رقاق نعمل جمبهم بطاطس محمره وشوربه لسان عصفور بتتعمل بمعلقه سمن بلدي علشان يبقي لها طعم مميز مش لازم يبقي في شوربه وبتتعمل بالمستكه والحبهان ورشه فلفل اسود ومعلقه صغيره بصل بودر ورشه بسيطه من التوم البودر ومعاهم مرقه فوريه اومكعبين من ماجي بتطلع جميله وخطييييره وطعمها تحفه 💥💥 ٩ او اعملي عصاج لحمه مفرومه او لحمه بوفتيك وتتقطع ترنشات رقيقه شاورما وممكن يبقي فراخ بانيه وتتقطع ترنشات صغيره وتتعمل فاهيتا وممكن يبقي سجق ويقطع قطع صغيره بعد ميأخذ تشويحه علي النار لكي يتماسك ومعاهم بصل كتير وبشر جزر وترنشات صغيره من الفلفل الاخضر او فلفل الالوان وعليهم عدد ٣ من الطماطم المبشوره وبهاراتك وملحك ويتشوح كله مع بعضه ويتعمل احلي سندوتشات في العيش الفينو اوفي عيش الكريب او العيش السوري و عيش الكريب او العيش السوري بيأخذ تحميره في الطاسه برشه زيت بسيطه بعد مبنحشيه بالعصاج او اللحمه شاورما او بالفراخ او السجق بالخلطه وممكن نضع معاهم رشه فوقهم من الموزريلا وبعد كده نلفه لفه الكريب او لفه العيش السوري ويتحمر علي الوجهين ونعمل جمبهم بطاطس محمره ومخللات وبكده يبقي عملنا اكل مطاعم سندوتشات مبيتكلفش حاجه زي باره وناكل ونشبع ونوفر كمان 💥💥 ١٠ ويوم كشري مصري بكل التحابيش بتاعته وممكن الكشري بيقعد علي يومين ويوم كشري اصفر وبيضه مسلوقه ومتحمره لكل واحد ومعاهم سلطه او بزنجان وفلفل مقلي بالتومه 💥💥 ١١ ويوم تعملي سمك مشوي او مقلي مع ارز احمر او ابيض وسلطه وهما سمكتين بس لكل واحد ولوالسمك كبير في الحجم ومقلي تبقي سمكه واحده كبيره لكل واحد مش بكتر الاكل 💥💥 ١٢ ويوم نعمل بطاطس محمره او مسلوقه ومتحمره وارز بالشعريه وفلفل وبتنجان مقلي وعليه التومه اكله تحفه وممكن نعمل طماطم محشيه تومه بالكمون والفلفل الاسود والملح والشطه احلي اكل 💥💥 ١٣وممكن نعمل مسقعه بالصلصه بزنجان وفلفل وشطيطه مقليه ونعملهم في الصنيه بمعلقين زيت كبار عليهم معلقتين توم نحمرهم الاول وننزل عليهم بمعلقتين من الصلصه وعليهم ٢ كوب من عصير الطماطم ويتسبكوا مع بعض ونظبط الملح وفلفل وننزل بالبزنجان والفلفل والشطيطه نضعهم مع الصلصه يأخذوا غلوه مع بعض احلي مسقه ومعاها ارز بالشعريه وبطاطس محمره وبيض مسلوق ومتحمر ومتبل بالملح والفلفل اجمل اكله والله احلي من اي لحوم 💥💥 ١٤وممكن نعمل مكرونه اسباجتي بالبصله والصلصه ومعاها بيض مسلوق ومتحمر وعليه رشه ملح ورشه فلفل اسود ومعاهم سلطه بتبقي تحفه ونعمل لكل فرد بيضتين يالا 💥💥 ١٥ وممكن نجيب كيلو بانيه في الشهر يتبل كويس ويتحط في اكياس حسب عدد افراد الاسره ويطلع يتحمر بالبيض والبقسماط بجانب الاكل مع مكرونه صلصه او ارزبالشعريه ومعاه بطاطس محمره ومش لازم القطعه تبقي عريضه وكبيره ممكن تتقسم علي جزئين بالطول وكل واحد ياخد قطعتين بدل قطعه ياتري فاهمني اقصد ايه 💥💥 ١٦وبكده هيعدي اكثر من اسبوعين من الشهر بأجمل اكل واقل تكلفه وانتي وشطارتك بقي في التوفير وديما فكري ازاي توفري 💥💥 ١٧ لو اتبقى من الاكل اوعي ترميه .. شيليه في الفريزر هينفعك في يوم تطلعيهم وتعملي احلى اوبن بوفيه 💥💥 ١٨- اعملي جدول بأكلات الشهر عشان متحتاريش كل يوم تعملي ايه و هتلاقي حاجتها موجوده ولا لأ 💥💥 ١٨- استغلي وقت عروض وخصومات اي سوبرماركت علي المنتجات اللي بتحتاجيها دايما 💥💥 اتمني منكم دعوه حلوه علي كل المعلومات دي ودي اسرار وتكات سنين طويله من مطبخي 💥❤️💜💛💙💚❣️
|
|
|