#1
|
|||||||||
|
|||||||||
الناس الحلوة
الناس الحلوة مش هي الناس المرشوشة سكر ...👌.... لا دي ناس كده بتحلي الأيام والظروف وبتفتح الغامق وتجيب طراوة في الأيام الزمتة الحر اللي مافيهاش هوا❤ الناس الحلوة دي بتبتسملك وهي من جوه مايعلم بيها إلا ربنا بس هي بتخاف تتعبك بألمها وحاسة إن اللي فيك مكفيك.🌺 الناس الحلوة👌 اللي أول ماتشوفك داخل عليها مكان توسعلك جنبها كده ووشها ينور حتي لو كانت تحب إنها تبقي قاعدة لوحدها علشان بتفكر في حالها... تحسهم بيفرشولك إبتسامتهم تقعد في رحابها.🌺 الناس الحلوة👌 اللي دايما فرحانالك بغض النظر عن وضعها وتلاقيها تطبطب عليك وتطمنك ولو لقيت فرصة حلوة ليك تقولك وتساعدك توصلها. 🌺 الناس الحلوة👌 اللي تفتكر إنك بتحب الأكلة اللي هي طبخاها فتحلف لتدوقك منها قبل ماتاكلها هي.🌺 الناس الحلوة👌 اللي زغروتتها ترن في فرحك وإيديها تتهري تصقيف...... وتمسك دموعها في حزنك علشان إيديها مش هاتفضي تمسح الدموع دي علشان هي حضناك بيهم وبتطبطب عليك.🌺 الناس الحلوة 👌 اللي تقدر إنك مشغول وتبعت تسأل عليك تطمن مش تعاتب بتحب تعرف إنك بخير بس ده كفاية بالنسبالهم.🌺 الناس الحلوة 👌 لما تفارق لأي سبب ماتغلطش ولا تطلع الأسرار دي بتتكلم عن اللي فارقوهم أحسن ماتكلموا عنهم وهم معاهم.🌺 الناس الحلوة👌 لو عجبها هدومك تقولك ولو عجبها أكلك تقولك 🌺 الناس الحلوة👌 فاكراك في دعاها وماتستخسرش فيك إخلاص دعاها وتتمني ربنا يستجيب.🌺 الناس الحلوة 👌 نعمة ورزق يستحقوا الشكر... يارب إجعلنا ناس حلوة... وارزقنا بناس حلوة........وارزق الناس الحلوة بناس أحلي منها بحق ماكانوا حلوين معانا...........🌺🌺🌺
آخر تعديل amrlion يوم
11-11-2018 في 04:12 PM.
|
11-11-2018, 09:29 PM | #2 | |
|
ان شاء الله نكون من الناس الحلوة
ويجمعنا ربي بناس حلوة يسلمو على جمال طرحك ربي يعطيك العافية |
|
|
11-11-2018, 09:38 PM | #3 | |
|
حياك الله ولدي عمرو جزاك الله خيرا على الموضوع القيم المضمون واسال الله تعالى ان نكون من الناس الحلوة أسأل الله لكم راحة تملأ أنفسكم ورضى يغمر قلوبكم وعملاً يرضي ربكم وسعادة تعلوا وجوهكم ونصراً يقهر عدوكم وذكراً يشغل وقتكم وعفواً يغسل ذنوبكم و فرجاً يمحوا همومكم اللهم اجعلنا من ورثة جنتك وأهلا لنعمتك وأسكنا قصورها برحمتك وارزقنا فردوسك الأعلى حنانا منك ومنا و إن لم نكن لها أهلا فليس لنا من العمل ما يبلغنا هذا الأمل إلا حبك وحب رسولك صلى الله عليه وسلم والحمد لله رب العالمين ودمتم على طاعة الرحمن وعلى طريق الخير نلتقي دوما |
|
|
11-11-2018, 10:07 PM | #4 | |
|
يحلي ايامك يا رب على الكلمات الحلوة ....صحيح هذي هي ميزة الناس الحلوة
الله يجعلنا منهم ونقابل ناس زيهم ....مشكور على الموضوع الحلو. |
|
|
11-11-2018, 10:58 PM | #5 | |
|
الله يجعلنا من الناس حلوة
انتقاء مميز اخوي amrliom يعطيك العافية على جمال الطرح بارك الله جهودك .. الله يسعدك لسموك |
|
|
11-12-2018, 08:51 PM | #7 | |
عذب الكلام
|
النااس الحلوة زيك أنت ياانيق
بالمصري ايه الحلاوة دي ايه الجمال ده ياسكرة انت |
|
|
|
|