جديد المواضيع
|
مقتطفات عآمة بحر الموضيع العامة |
|
أدوات الموضوع | انواع عرض الموضوع |
#1
|
||||||||||
|
||||||||||
ثريد رسم الشعر للفنان عبد العظيم سراج
ثريد عن طريقتي في رسم الشعر: ممكن تطبقوها بكل الخامات مو شرط اقلام رصاص.
صحيح إننا لما نفكر بالشعر نتخيله على إنه عبارة شعرات كثيرة فوق بعض واذا جينا نرسم هذه الفكرة، نرسمها بطريقة سطحية ونفوّت أشياء مهمة مرة ، مثل: 1- حقيقة إن الشعر شيء ينبت فوق الشعر بشكل رأسي! يعني هو بارز عن الجمجمة ! وما ينفع نرسمه لاصق فيه... 2- الشكل العام للشعر، يعني ما افكر لا في خصلات ولا في شعرات لحالها! أبغى اتعامل مع الشعر كأنه قطعة وحدة كبيرة لاصقة بالرأس وفي مثالنا هذا الشكل العام يشبه الصندوق ويغلف الرأس. 3- تصميم الأشكال الفرعية: في بالتصميم نظرية تقول: لو قسمت شيء لثلاثة أقسام متفاوتة بالحجم، منظر هذا الشيء بيكون جميل لعين المشاهد. وفعلا لو تشوفوا اغلب المنتجات حولكم بتلاقوا فيها هذا الشي، وفي مثالنا قسمت الشكل العام للشعر لثلاثة أشكال: -كبير -وسط -صغير 3- دحين أقدر أمسك كل شكل فرعي وارسم الخصل الموجودة فيه واصممها زيما أبغى 👌 يعني حتى لو أرسم من صورة عادي أغير بكيفي وزيما اشوف مناسب للرسمة حقتي 4- دحين الموضوع كامل يعتمد على قد إيش أنا أفهم للضوء والظل! وللأمانة الموضوع بسيط 😂 كل شيء بيكون فيه جزء مضيء وجزء مظلم، فبكل بساطة اطبق هذا الشي على كل خصلة! * لو كنت أرسم إنمي فهذا هو آخر شي نوقف عنده... 5- لو أبغى اخليها واقعية بكمل فوقها وارسم دحين الشعرات اللي في الخصل ولازم انتبه ان رسم الشعر يكون بخطوط ولازم تكون هذه الخطوط متوازية ببعض في اتجاه الخصلات يعني مو عشوائية، وبعدها اقدر اضيف شعرات متطايرة خارج حدود الخصلات ويكون المنظر واقعي أكثر، وما أنسى الظلال حقت الخصل! |
|
|