دعاك الشوق ياطيف الغلا ولا الجروح اجداد

صبـاحــكم / مسائـكم جمــيل كـ طيفكم

,.

دعاك الشوق ياطيف الغلا ولا الجروح اجداد
او انك مالقيت من المواجع غير ذا السيرة

تذكرني عذابي وانتحى لك طايع منقاد
وتروى من عروقي لين اموت ويالله الخيره

طلبتك خلنى ماعاد جرحي دمعة وسهاد
كبرت .. وكبرت جروح الغرام وشان تدبيره

ولانى طفلة تزعل وتضحك للرضا بعناد
يمرجحها الغرور وغرها الوقت ومقاديره

سرت فعيونى طعون الفراق وخاطرى ماهاد
بكيت ولا ذبحت البعد والهوجاس والحيرة

انا ياصاحبي غنيت جرحي لين صوتي باد
اسند له طروقي واتعداني محاديره

وانا اللي داعي الاشواق صافحته عنا وجهاد
ولا حصلت من وجه الزمان الا مخاسيره

تذكرني او انك جيت ياطيف الغلا نشاد
وتدرى مانسيته من خطاه اليا معاذيره

سريته لين ماصارت عيوني له مسا ورقاد
وصار الليل مسرى خوته والعهد والجيره

"احبه" وان ذكرته ضاعت بلاد ونسيت بلاد
ولادري عن مكاني وين انا والناس والديره

كتبه الله لعمري جرح ولغيري كتبه مراد
وتذبحني ظنوني لاصحت بي جمرة الغيره

يقول انتي واقول انت الغلا ياروح روح ابعاد
عليك الله وامانه وش يضف الدمع ويجيره

دريت انه لغيري واقتنعت ولابقى مقعاد
تفارقنا ويامكثر غلاه وكثر تقصيره

خذا كل العمر واقفى بلاعذر وبلا ميعاد
وانا قفيت ما والله في قلبي سكن غيره

ـــــ
لــ الشاعرهـ ابعاد التركي "

عاشق الذكريات معجب بهذا

"احبه" وان ذكرته ضاعت بلاد ونسيت بلاد
ولادري عن مكاني وين انا والناس والديره

كتبه الله لعمري جرح ولغيري كتبه مراد
وتذبحني ظنوني لاصحت بي جمرة الغيره

سوكرا
صح لسان شاعرتها
وصح ذوقك وانتقائك
قصيده اكثر من رائعه
يعطيك العافيه وماقصرتي
وبانتظار كل جديدك

نقل مميز واختيار شاعري و ذوق مميز

سلمت يداك