أحبك من هنا لآخـر محطات الغلا

أحبك من هنا لآخـر محطات الغلا لهناك ..
وأحبك كثر ما يهوى رضيع الصدر غفواته



أحبك يا بعد كل الحروف و يا علّها تفداك ..
أحبك يا بعـد بـيت القصيد و كـل غاياتـه



أحبك يا بعد عمر قضى مني على ذكراك ..
أحبك يا بعد من داج بدنيا بخطـــواتــه



أحبك يا دفـ برد ـى السنين إليا غفت بحماك ..
أحبك يا أمل عمري الوحيد و يا بعد ذاته



أحبك يا بعد قلب نزف كل هالغلا لرضاك ..
أحبك يا بعد كل العيون ونزف دمعاته



أحبك كثر ما تبرَى جروح لامست يمناك ..
أحبك كثر ما يلجأ فقير الحال لسكاته


أحبك بس لو تعرف وش اللي بالحشا ينخاك..
وربي لو كشفت اللي لك بقلبي مت لرضاته



أنا وشلون أبين لك غلاك ولهفتي للقياك ؟؟
ألا وشلون قلبي يعبر لك عن اللي بين طياته ؟



أنا لو قلت لك بأبعد و بأرحل و أنتحي وانساك ..
لساني و أعرفه لا زل و يا شينه بزلاته


أنا و الليل و أبيات القصيد في أمل لقياك ..
أقول للشعر وليل الحزن يعد نجماته



نعزي نفسنا ننتظر تسابق لهفتك وخطاك ..
تقول أن الخطى تقصر ولا تسبق لهفاته



أماني عاشت بصدري أغاني داخلي تهواك ..
تموت أن غبت و أن رديت عاش الليل وأبياته



دخيل الصبح في وجهك دخيل الليل لا غطاك
يموت بغيبتك قلب نزف لك حر حسراته ..


ودخيل الرمش لا سيّر على خدك بجياته ..
دخيلك تدمح الزله وغلطاته وهفواته

باشة الغيد معجب بهذا

مساء الورد
منقول جميل .. و حروف رقيقة
سلمت الأنامل
وردي و ودي

حكاية

الله الله اعجبتني حيل
يسلم هالذوق الراقي
مننحرم منك يالغلا
ووودي

منوريني "

موضوع في قمة الروعه

لطالما كانت مواضيعك متميزة

لا عدمنا التميز و روعة الاختيار

دمت لنا ودام تالقك الدائم

منورني