اليوم عيد

اليوم عيد

اليوم عيد وكل يعايد محبيه : مابين كلمة ياهلا والتهاني

وانا بقلبي جرح وهماً اعانيه : سافر وليفي وانا جالس مكاني

وين انت ياللي دوم للقلب غاليه : وين انت ياللي بعدكم قد كواني

وين انت ياللي خافقي دوم حاويه:ماغبت لو شخصك وكادا جفاني

مازال غالي وانا احب طاريه : مبطي ويبقى والتخيل كفاني

لامنتظر عودته ولاني براجيه :يامل حظاً والقدر به رماني

العيد عقبك مابقى شيء لي فيه : يوماً يمر من العمر والزماني

يمر طيفك ثم بالصوت اناديه :خداع ياطيفاً سرحت وخذاني

ولني غفلت بهمس اصبحت اناجيه : واعيش انا وياه شوية ثواني

ساكن بدنيايا ولا يوم ناسيه : ماعاش في دنياي سواه ثاني

عزيز ماحسيت شيئاً يساويه : تكاملت فيه الصور والمعاني

اسيّر الخاطر واداري خوافيه :واقاوم احزاني اذا احساس جاني

الشاعر: عواد الهران

أميرة الحرف ,أحلام منسية ,واثـــ الخطوة ـــــق ,إمبراطورة البحر معجبون بهذا