الحب قهوة بدو ( حلوة ) وهي مرة !!!

تعال عندي . . أبيك بـ سالفة قرّب
بعلّمك وش يسر القلب ويضره . .

الحب تدري وشنهو ( إسأل مجرّب )
الحب قهوة بدو .. حلوة وهي مرة !

إتبع ( حبيبك ) بـ حبّه شرق وغرب !
قلوب الأحباب .. مملوكة وهي حرة

إن خَرّب الكون ، خلك مثله وخّرِب
حلاوة الحب مرة . . والعمر مرة

وإن هاجر الدار وعاش العمر متغرب
خاآوه . . لو إنه يِحد الموت ويجرّة !

مدام قلبك .. بعشقه سنين متشرق
و شلون تتركه بين الضيق والحرة !

إن قال وش رجعك ؟! لا تبتعد قَرّب
وقِله : كلام القلوب فبيتٍ(ن) يِسرّه

الحب لازم يردك . . وإسأل مجرب
الحب قهوة بدو ( حلوة ) وهي مرة

أحلام منسية معجب بهذا

الحب لازم يردك . . وإسأل مجرب
الحب قهوة بدو ( حلوة ) وهي مرة

ياسلام تشبيه اكثر من رائع للحب

لا هنت اخوي ولاهان شاعرها المبدع

ثامر شبيب اهنيك ذائقه شعريه جميله

لك عمق الشكر .. وجزيله وأكثره

نقل مميز واختيار شاعري و ذوق مميز

سلمت يداك