جديد المواضيع
|
فلسطين والقضية الفلسطينية هنا كل ما يخُص فلسطين ❤ |
|
أدوات الموضوع | انواع عرض الموضوع |
#1
|
|||||||||||||
|
|||||||||||||
امثال شعبيه عن الزيت والزيتون
أمثال شعبية عن الزيت والزيتون ، بمناسبة موسم قطف الزيتون :
1- اللي إمُه بالبيت بياكل خُبز وزيت. 2- كُل زيت وناطح الحيط. 3- الخُبز والزيت سَبعين في البيت. 4- الزيت مسامير الرُّكَب. 5- خلّي الزيت بجراره حتى تجي أسعاره. 6- ما حدى بيقول عن زيتُه عِكِر . 7- تقول شجرة الزيتون : إبعِد أُختي عنّي وخُذ زيتها مِنّي. 8- سيل الزّيتون من سيل كانون. 9- أيّام الزّيت أصبَحت وأمسيت. 10- في أيلول بيدور الزيت بالزيتون. 11- الزّيات ببيّن من ثيابُه. 12- الزيت الطيّب من الشّجر للحجر. 13- بأيام الزّيت بالكاد المرأة تطبخ وتكنّس البيت. 14- إن حَضَر القمح والزيت إتسوجرت مونة البيت. 15- إذا عندي طحين وزيت صفّقت وغنّيت. 16- شجرة الزيتون مثل ما بدّك منها بدها منّك. 17- الزيت عامود البيت. 18- أخضر الزيتون ولا يابس الحطب. 19- الزيتون زيتُه طيّب بس لقاطُه بشيّب. 20- الزيت بالعجين ما بيضيع. 21- كُل زيت على الريق بتصير أُوتوماتيك. 22- عليك بمسبح السّقي ومرصوع البَعل. 23- ما بِيطلَع الزيت إلاّ من كُثر العَصر. 24- زيتنا في طحيننا. 25- الزيتون النبالي زيتُه سيّال ولقاطُه بهدّي البال. 26- اقعد ببيتك وغمس خبزك بزيتك.
|
|
|