#1
|
|||||||||||||
|
|||||||||||||
ذكريات الماضي
انا عايزة ارجع لزمني 😢😢
انا عايزة ارجع لزمني مش عايزة الزمن ده 😢 مش عايزة موبايلات ولا تكنولوجيا... عايزة التليفون الارضي الرمادي ابو قرص وسلك طوييييل اتكعبل فيه كل شوية وهو في السبت الملون ❤️... مش عايزة دش و 2000 قناة... عايزة الاولى والتانية والخامسة وبس كده شكرًا...✋❤️ مش عايزة الفلاشة والسي دي... عايزة الكاسيت ابو بابين واجيب شريط فاضي واسجل عليه صوتي او الاغاني اللي بحبها من التليفزيون او الراديو...❤️ مش عايزة فيس بوك ولا واتس آب... عايزة نرجع تاني نتزاور ونتجمع ونتقابل ونطمن ونتصل ببعض ونطمن لما نسمع صوت بعض ❤️ مش برسالة على الواتس آب مش عايزة اذاعة ال fm... عايزة اذاعة الشرق الاوسط والبرنامج العام وهنا القاهرة ❤️ مش عايزة سخافات واستخفافات ورخامة واستظراف وهطل مسرح مصر... عايزة اشوف كل يوم سك على بناتك والهمجي وتخاريف و العيال كبرت وريا وسكينة والمتزوجون ووجهة نظر...❤️ مش عايزة اشوف دراما محمد سامي ومراته واخته... عايزة اشوف دراما العبقري اسامة انور عكاشة ضهر الدراما المصرية اللي اتكسر بموته ❤️ والعمالقة صفاء عامر وجلال عبد القوي والدراما الاجتماعية الكوميدية الجميلة لفيصل ندا وغيرهم من المبدعين اللي كانت كلها رسايل وعبر وهدف...❤️ مش عايزة اغاني عمرو دياب بتاعة دلوقتي الماسخة اللي ملهاش لا طعم ولا لحن وكلها بقت شبه بعضها ... عايزة اغاني برقي رصيف نمرة 5 ورجعت من السفر ودلع التمانينات والتسعينات...❤️ مش عايزة صريخ وتنطيط وتمثيل واتفاقات رامز جلال في برنامجه كل رمضان 🙄 عايزة الكاميرة الخفية بتاعة الراحل إبراهيم نصر مع الناس الطيبة التلقائية الحقيقية بدون تمثيل او اتفاقات في شوارع مصر ❤️ مش عايزة المولات والمحلات الفخمة والبراندات... عايزة محلات محطة الرمل والبس السيلبس بتاع باتا الابيض زي اصحابي كلهم ونبقى كلنا زي بعض ❤️ مش عايزة اسمع نصايح رضوى الشربيني التخريبية وهي بتقول للبنات والستات اتحديه واقفيله والعين بالعين هو مش احسن منك وقوليله قوم اعمل لنفسك انا زيي زيك 😠 عايزة المحترمة فايزة واصف وهي بتستضيف اساتذة متخصصين واطباء نفسيين وشيوخ وعلماء لحل المشاكل الاسرية بم يرضي الله لجمع شمل الاسر في برنامج حياتي كل جمعة بعد العصر ❤️ عايزة ارجع استنى يوم الخميس عشان اخلص كل واجباتي ومذكرتي واصبح الجمعة الصبح بدري اروح لجدي وجدتي وانطلق عندهم من معاناة الاسبوع ❤️ عايزة اعلانات طارق نور ❤️ عايزة نيللي وشريهان ❤️ عايزة بابا ماجد وماما عفاف وماما نجوى وبقلظ وماما سامية وكرنبة 😢 عايزة الماضي بكل هدوءه وبساطته وطيبته ونقائه ❤️ عايزة ارجع لزمني ❤️ منقول 🖕👌
|
08-13-2023, 12:50 PM | #3 |
|
وعايزنا نرجع زي زمان قول للزمان ارجع يا زمان
زمان كان كلشي حلو بجد لكن للأسف ما في رجعه كل ما مشينا لقدام بكون الوضع اسوء يسلمو للطرح الحلو هدوء عوافي حبيبتي |
|
|
|