10-31-2017, 05:55 AM | #559 | |
|
صباح الخير هل ينصفنا شعورنا الصادق هل من عــودةٍ الى الـــوراء وهل ينقذنا الحنين ذات يوم |
|
|
10-31-2017, 07:56 AM | #561 |
|
المدونه تقول لي انها فاقده امبراطوره وانثى مختلفه
كل يوم لهم طله هنا وحالياً مختفين مدري وينهم الله يرجعهم بالسلامه .. المدونه اللي تقول ماهو انا طبعا الكثير يمرون الله يسعدهم لكن بشكل يومي وكل ماكتبت مااعتقد مثل الامبراطوره وانثى احد مو الحين تزعلون انتم يالباقين وتسحبون ترى مااحلل احد <= اكره جمله هههههه |
|
10-31-2017, 08:24 AM | #562 |
|
السناب يعلق من فتره وحذفته
طبعاً كنت ناسي الرقم السري <= زهايمر جلست كم يوم وسويت واحد جديد وحطيت الاسم بس حرف n واضفت الشباب عن طريق ولد عمي يرسل يوزراتهم بالخاص والله يافيه ناس تحفه مدري وش يحسون فيه هههههههه واحد منهم من عيال عمي قاعد يراضيني مدري من مشبهني عليه وانا مدري وش سالفته اسلك له شوي وشوي اسوي نفسي زعلان ودي اعلمه انه انا وخايف ينفجر البنكرياس حقه ههههههههه اول يعتذر انه مايدري من انا ويقول علمني من انت وبعدين قلت له مغرور انت مايمدي اغيب فتره الا نسيتني وقام يترضاني ويعتذر ومسوي انه متذكرني واني على باله هههههههههه شكلي بطنشه وماافتح رسايله واذا حسيته رايق الليله علمته شكل السهر مأثر علي حيل لاني ماني عارف ليش قاعد اعلمكم ههههههه باقي 3 ساعات واكمل 24 ساعه مانمت دعواتكم ياايها الزوار الكرام الطيبون الجميلون المميزون <= مصلحه مافيني نوم لكن ان شاءالله اغمض وانام على طول سي يو ليتر ياحلوين <= يارب سامحني مدحتهم مصلحه ههههه فمان الله |
|
10-31-2017, 08:31 AM | #563 |
|
اخر شي وقبل انام حاب اقول شكراً لكل اللي يمرون على المدونه والله يعطيكم العافيه نفر نفر وربي يسعدكم وعسى الله يديم المحبه والاخوه بيننا جميعاً دمتم كما تحبون واكثر .... الى اللقاء |
|
11-02-2017, 07:04 AM | #564 |
|
صباح الخير
احد منكم يتابع ارطغرل والا بس انا شكلي بعلمكم بالاحداث واحرق المسلسل عليكم من كثر مااتحمس مااتابعه الا لحالي تخبرون عيب الرجال يبكي وعنده احد هههههههه والله ياهالمسلسل مأثر فيني حيل عسى الله ينصر الاسلام والمسلمين |
|
11-02-2017, 08:06 AM | #565 |
|
قرب السفر
لازم احلل الجلسه بحايل قبل اسافر لذالك بنام واذا صحيت بطلع للبر ان شاءالله عاد الليله قمرى يمكن تضبط النفسيه ونجي بعد الطلعه ونعطيكم كم كذبه محترمه نشوفكم على خير يابعد حيي <= طلعة اللهجه هههه En iyi arkadaşları bekliyoruz <== ارطغرل الشمري في امان الله |
|
11-04-2017, 06:17 AM | #566 |
|
صباح الخير
غيم ومطر وقمرى والجو عليل هذي حائل باختصار .. يوم جيت بسافر ضبط الجو بحايل بس مو مشكله نجي كل ويكند اللي عنده واسطه ينقلني لحايل وانا مستعد اعطيه مشاركاتي |
|
11-04-2017, 07:26 AM | #567 |
|
صباح الخير مره ثانيه <= هذا وش يبي نصيحه صباحيه وبدون مناسبه : لاتغير اسلوبك عشان ترضي احد وقت المزح خلك مزوح وانبسط وعش جوك ، ووقت الجد خلك جاد عط نفسك حقه من الجديه والمرح واخر شي تفكر فيه راي الناس فيك ترى بتتعب كثير لو فكرت ترضي خلق الله عليك .. اهم شي تكون راضي عن نفسك واعيد واكرر والله هالكلام بدون مناسبه <= خايف يطلع احد يقول وش قصدك ايه صح احمدوا ربكم اني قاعد انصحكم وللحين مانمت ووراي خط اليوم للرياض |
|
|
|