#1
|
|||||||||||||
|
|||||||||||||
جيل الطيبين والعظماء
عارفين ليه إحنا بنحب زمان ودايما بنحن للماضي.. ؟؟
* إحنا الجيل إللي كان يصحى الساعة 7 صباحا على إذاعة القرآن الكريم و "ياصباح الخير ياللي معانا" و "يا حلو صبح ياحلو طل" و نروح المدرسة.. * إحنا الجيل إللي كان يكتب الدرس 3 مرات ويحفظه وهو فرحان.. * إحنا الجيل إللي لا كان معاه موبايل ولا تابلت ولاعنده إنترنت يسهل عليه الإجابة وكنا عايشين أحسن عيشة.. * إحنا الجيل إللي كان يذاكر ويحفظ دروسه لوحده من غير أبونا وأمنا وكنا شاطرين.. * إحنا الجيل إللي لعب في الشارع إستغماية و بلي و نطة الحبل والنحلة الخشب وكنا في غاية السعادة.. * إحنا الجيل إللي كان لأبونا وأمنا هيبة .. وللمدرس إحترام .. وحب لسابع جار.. * إحنا الجيل إللي كان بيستنى مسلسل الساعة 8 على القناة الثانية ونتفرج كلنا على المسلسل وننام وإحنا مبسوطين وراضيين.. * إحنا الجيل اللى كنا بنقسم مع صاحبنا المصروف واللقمة.. وكنا نعمل غديوة مع بعض في المدرسة.. * إحنا الجيل إللي عارف معنى اللمة في بيت العيلة على طبلية واحدة.. والمحبة بين الناس.. * إحنا الجيل إللي اتعلم إحترام الكبار والأقارب.. وكان أهالينا دايما يفتخروا بأدبنا وأخلاقنا.. * إحنا الجيل إللي بيسمونا دلوقتي جيل العظماء والطيبين.. عرفتوا ليه إحنا بنحب زمان وبنحن للماضي . منقول 👌🌱🕊️🥀🌱
|
01-27-2023, 11:42 PM | #2 | |
|
مية ب% كلام بمحله ايام كانت ايام حلوه لاتتكرر
رائع هدوء ماانتجته كفيك كلك ذووق لك عبقق الورد |
|
|
|
|