تدري

تدري:

للشاعر/ صالح محسن العروي

اسمع كلامـي زيـن واستذكـره زيـن =اهجـر ذلـول النفـس واقصـر رسنهـا

انت ادمـي مالله خلـق لـك جناحيـن =لاضاقــت الــديـره تـنـحـيـت عـنـهـا

مــا فــاز بالدنـيـا يـقـع راعــي الـديـن =عساك يـا اللـي تسمـع القـول منهـا

اهديـك نـور العـيـن يا قرت العـيـن =اعمـارنـا مـا عـنـدنـا الـلي ضمـنـهـا

نطمـع نبـي نبنـي قصـور وبساتـيـن =ونروح ماندري من اللي سكنـهـا

تدري وش اللي مـا تجي بالملاييـن =العـافـيـه لا صـرت مــحـروم مـنـهــا

وتدري وش اللي حدهـا حـد سكيـن =الحاجـه اللـي مـا نـت قــاوي ثمنـهـا

وتدري وش اللي ما توفي لها الدين =الـلـي غــذاك بـصـغـر سـنــك لبـنـهـا

وتدري وش اللي راجحـه بالموازيـن =سجـدة سحـر لا نامـو الـنـاس عنـهـا

تدري وش اللي ما يهاب السلاطيـن =لا زارهـا غــطـو عـلـيـهــا كـفـنـهــا

وتدري مـن اللـي يطعنـون المقفيـن =سـود القـلـوب الـلـي تـوقـد ضغنـهـا

يغنيك عن رفقـة ضعـوف ومساكيـن =سـجـة قــدم بـديـار مـحــدا سكـنـهـا

ويغنيـك مـن نضـم القواصـيـد بيتـيـن =تـازن معـانـيـهـا وتـحـســن لـحـنـهـا

كم شـاعـرا ولـف قصـيـد ودواويـن =لـيـتـة قـبـل يـتـعـب علـيـهـا خـزنـهــا

واخـر سـؤال وجـاوبـوا يـا مسلمـيـن =امــة محـمـد كـيـف يـسلـب وطـنـهـا

تـدري متـى نـقـدر نـحـرر فلسطـيـن =لا عـادت الامــه لـمـاضــي زمـنـهــا

منقول: عواد الهران

عشقك خفوقي ,واثـــ الخطوة ـــــق معجبون بهذا

وتدري وش اللي راجحـه بالموازيـن =سجـدة سحـر لا نامـو الـنـاس عنـهـا

انشهد. صح لسانه و سلمت يمينك

تقديري عواد

عشقك خفوقي معجب بهذا

عواد
صح بوح شاعرها وصح نقلتت للابيات
دووم مميز برووعة انتقائك
جلب راقي منك
لاهنت
!!

واثق الخطوه
مرور عطر وتواجد طيب ولك الشكر

عشقك خفوقي
دوما ذواقه ومتابعه
مرورك عطر وتواجدك طيب ولك الشكر