ايام الفقر

#أيام_الفقر

كانت اعراسنا 7 أيام، وعزايم كلها مناسف بالسمن واللحم البلدي، كنا نعزم ع العرس كل أهل البلد، وكل أقارب العريس والعروس وأصدقائهم، وكان الفرح من القلوب مش من الجيوب.

#أيام_الفقر
كانت تلبيسة العروس أساور وخواتم ومباريم من الذهب، صحيح كانت ملابسنا رخيصة، بس كرامتنا كانت غالية، ومضافتنا مفتوحة للضيف وقهوتنا سخنة وريحتها لراس الحارة.

#أيام_الفقر
كانت جيوبنا شبه فاضية، بس عقولنا مليانة..
وكان أفقر رجل بحارتنا عنده بيت ملك.. بس ما عنده تلفزيون..
اليوم كل الناس عندها تلفزيونات، بس أكثرها بيوتها بالايجار..

#أيام_الفقر
كنا نعبي الكاز بالبراميل.. وبكل حارة في ماء سبيل..

#أيام_الفقر
كنا نجيب السمنة البلدية وزيت الزيتون والدبس والجبنة البلدية بالتنكة..
واليوم صرنا عايفين التنكة..
كانت الرواتب قليلة.. بس الأخلاق والشهامة كبيرة..
كانت العالم يفرحوا لفرح الناس.. ويزعلوا لزعل الناس..

هي أيام البركة..
ويا الله شو كنا أغنياء لما كنا فقراء 🥺

المهندس معجب بهذا

أعجبني جداً هذا الموضوع يا هدوء
وضربة الختام كانت رائعة ..
ويا الله شو كنا أغنياء لما كنا فقراء 🥺


سلمت الذائقة
كل التحية