... اسهر في عين الشوق ...

والله ما فسرت من قافك .......... ابيات
وانا اللي معجب في حروفك وملهوف
هذا غزل والا طلاسم .............. خرافات
ان كان هذا الحب ما ودي ....... اشوف
عطنا قصايد تشرح حال ........ الخوندات
واشرح لنا شرح لطيف .......... ومعروف
والا الطلاسم مع تشفير ........ الكلمات
ما يفهمه يا غير راسك ....... وابو عوف
حنا بدو لنا لسان ................... وثقافات
ما نفتهم بالورد ونفهم وش .. اردوف
نفهم سواد العين ونفهم .... انهيدات
ونفهم بعنق الريم ومن هجها الخوف
غزالة راحت مع القنص .............. صيدات
لو تنشد من هي قلت لك اسمها نوف
ما دوجت يا سيدي وسط .......... مولات
ولا طقطقت بين العرايس على ادفوف
يا نجم خلك من جديد ............ الحضارات
وهات القديم اللي له السان .. وحروف
يشوقني يا خوك جيل ............. العذيات
اليامانعت من شوفها نفقد .... الشوف
ناخذ سنين وحبنا بس ............... هرجات
يا صعبهن اللي رمني وانا ........ اطوف

قافي .. لي . . من وراه غايات
مايفهمه كود .. زينات الوصوف

مالي من وراه . مغزى وسيات
مقصدي . داخل القاف معروف

لكن .. اللي عندهم . سوء نيات
يعتريهم من نجم .. رجفه وخوف

يا صاحبي القارظ هيهات هيهات
رميت سهمك .. داخل .. الجوف

اتعبت رجلي .. بروحه .. وجيات
يم ديار اللي .. ناقشات الكفوف

يم الاردن .. انوي اشد الرحيلات
رغم المشاكل ورغم كل الظروف

بين الزعتري .. اعيش .. البقيات
دون .. ادنى . . هم ن .. وخوف

واضوي . . الامل بأنوار شمعات
واخلي السما وردي والبحر موف

الزعتري وده فكة مع ......... شيكات
ما ينفع لك ودي اناظر ..... بالهنوف
روح يمي كثر بس ........... الدولارات
والهدايا جبها لزينات ........ الكفوف
وانا اترجم قولك في زين .... الزينات
كانك تطمح تلهم من ذاك السفوف
الزعتري لو تشوف بعض ....... البنات
زينهن يذبح كما ذبح ......... السيوف
ويلك منهن لا تجي يم ...... الباشات
خلك عندك لا تجي يمي ....... تطوف
غير حرفك هيك وهين وهون وهات
يمكن يقبل بعضهن فيك .. ونشوف
وعمك وده تدهن من سير .. العمات
والا تقعد ما حد يدري بك ..... تلوف
ما انت بجده قاعد تسوي .. شطحات
ولا انت بعرعر رايح جولة على الجوف
انت بديرة راما مع دار ........ الشامات
غير جلدك غير لونك ........... والحروف
والا خلك فول وكبدة ....... والسانات
ما لك ومال الحلا وزين ........ الردوف
تاكل زيت وتاكل معه ........ الحمصات
يبرق خده وعينك يجيها ....... كسوف

غزلان جده . . يرمين .. الشيلات
ظبانا يالزعتري حاليات الوصوف

وش بالاردن . . غير عجايز باليات
ناشفات العود كعوجات الحروف

لا شفتهن تبكي . دموعآ حايرات
كنك طحت .. من دحديره لجروف

جده تفخر . في ظباها الباهيات
زورني بس .. وبعينك .. تشوف

حضر المرواس وهات ... الفاتنات
وانا اجي لك حاضر بين الصفوف
ورني يا خوك بس .........الزاهيات
ابد غير الشوف ما ودي .. نشوف
وانا بامرك لو تجيب ..... الطاغيات
ما تكلم ولا ننبس ........ بالحروف
بس اسبح واذكر الله ..... باللهات
وان قالن لك من قل هذا . خروف

يخسون .. الكاسيات .. العاريات
انت . . ذيب . . مانته . . بخروف

في سوقهن بايعات وخاسرات
مير . . ما حدتك .. غير الظروف

اسراب فلكك في بحرنا جاريات
في بحرنا لول . زينات الوصوف

مالك ومال . الجواري الغانيات
القلب من امثالهن صاير عزوف

فاضيات .. وهاملات .. ومايعات
من وقع في مثلهن اصبح شغوف

اصبر على جفا الغلا ...... والخوندات
ما ينفعك تسطيرك القاف وحروف
الحب يا مشكاي كله .......... عذابات
وبنات حوا ما سعفن كل .. ملهوف
كم واحد من حبهن بالبشر ..... مات
ولا درن عن طايح الحظ ... والشوف
يموت ما ينعيه سيد ......... العذيات
يا غير امه تلعي مع الناس وتطوف
ما لك ومال الحب ما به ....... وفيات
غير القهر ومطالع عيون ... واردوف