|
#1
07-12-2023, 06:23 AM
|
||||||||||||||
|
||||||||||||||
عايز ارجع لزمني ❤️
انا عايز ارجع لزمني مش عايز الزمن ده 😢
مش عايز موبايلات ولا تكنولوجيا... عايزة التليفون الارضي الرمادي ابو قرص وسلك طوييييل اتكعبل فيه كل شوية وهو في السبت الملون ❤️... مش عايز دش و 2000 قناة... عايزة الاولى والتانية والخامسة وبس كده شكرًا...✋❤️ مش عايز الفلاشة والسي دي... عايز الكاسيت ابو بابين واجيب شريط فاضي واسجل عليه صوتي او الاغاني اللي بحبها من التليفزيون او الراديو...❤️ مش عايز فيس بوك ولا واتس آب... عايز نرجع تاني نتزاور ونتجمع ونتقابل ونطمن ونتصل ببعض ونطمن لما نسمع صوت بعض ❤️ مش برسالة على الواتس آب مش عايز اذاعة ال fm... عايزة اذاعة الشرق الاوسط والبرنامج العام وهنا القاهرة ❤️... عايز اشوف كل يوم سك على بناتك والهمجي وتخاريف و العيال كبرت وريا وسكينة والمتزوجون ووجهة نظر...❤️ مش عايز اشوف دراما محمد سامي ومراته واخته... عايزة اشوف دراما العبقري اسامة انور عكاشة ضهر الدراما المصرية اللي ا.تكسر بمو.ته ❤️ والعمالقة صفاء عامر وجلال عبد القوي والدراما الاجتماعية الكوميدية الجميلة لفيصل ندا وغيرهم من المبدعين اللي كانت كلها رسايل وعبر وهدف...❤️ عايز صر.يخ وتنطيط وتمثيل واتفاقات رامز جلال في برنامجه كل رمضان 🙄 عايز الكاميرة الخفية بتاعة الراحل إبراهيم نصر مع الناس الطيبة التلقائية الحقيقية بدون تمثيل او اتفاقات في شوارع مصر ❤️ مش عايز المولات والمحلات الفخمة والبراندات... عايز محلات محطة الرمل والبس السبدري بتاع باتا الابيض زي اصحابي كلهم ونبقى كلنا زي بعض ❤️ مش عايز اسمع نصايح رضوى الشربيني التخر.يبية وهي بتقول للبنا.ت والستا.ت اتحد.يه واقفيله والعين بالعين هو مش احسن منك وقوليله قوم اعمل لنفسك انا زيي زيك 😠 عايز المحترمة فايزة واصف وهي بتستضيف اساتذة متخصصين واطباء نفسيين وشيوخ وعلماء لحل المشاكل الاسرية بم يرضي الله لجمع شمل الاسر في برنامج حياتي كل جمعة بعد العصر ❤️ عايز ارجع استنى يوم الخميس عشان اخلص كل واجباتي ومذكرتي واصبح الجمعة الصبح بدري اروح لجدي وجدتي وانطلق عندهم من معاناة الاسبوع ❤️ عايز اعلانات طارق نور اللي كنت حفظاها كلها صم ولغاية دلوقتي ❤️ عايز نيللي وشريهان ❤️ عايز بابا ماجد وماما عفاف وماما نجوى وبقلظ وماما سامية وكرنبة 😢 وابله فضيله نفسي اصحى في يوم من الايام الاقي اغاني المهرجانات انقرضت واتمنعت وكانت كابوس وراح لحاله... مش عايز الحاضر بكل تقدمه وتطوره... عايز الماضي بكل هدوءه وبساطته وطيبته ونقائه ❤️ عايز ارجع لزمني ❤️ منقول 🖕👌🥀🙏🥀🌷
|
|
07-12-2023, 11:40 AM
|
#2 | |
|
مش عايز الحاضر بكل تقدمه وتطوره...
عايز الماضي بكل هدوءه وبساطته وطيبته ونقائه كلنا والله نفس الشعور كلشي زمان كان احلى واروق كتير حبيت هالموضوع هدوء. عبر عن اللي جوانا اختياراتك ممييزه هدوء يسعدك حبيبتي لا تحرميناا |
|
|
|
|
07-20-2023, 05:30 PM
|
#5 | |
|
طرح رائع كروعة حضورك
اشكر ك علي روعة ماقدمت واخترت من مواضيع رائعه وهامة ومفيدة عظيم الأمتنان لكَ ولهذا الطرح الجميل والرائع تحياااتي |
|
|
|
 |
العرض العادي
|
|
الساعة الآن 07:40 PM